John 16:2 - ASII LAKDAP Bible (BSI)

² Tsangshiq raq namshiq ka sinagok wa ashleq mirbaiq. Kiimaq akhing ka akha misaü wan, maiq ashi ra raq, namshiq ka tsatbaiq raüla, apaiq raq kriika Shiikeawe jaqsham tiikang nguta mitiima.

Hawa Naga Bible 2001

² Nuimshiq kuex vjux thoz yuimx htenc wawc yurc gay rvhumc tuinx, nuimshiq thvy gay kv-ngoc Tishox yauk shuimc rvtueq ngoz tueq tsuingshiq rueq tvmaung wvnc shuex vkhing kuex vsuing httuiuc wvnc tuex.

Muklom

² Ning aa nim sha synagogue tang wang latchak phanin, etho rangham thu chey pha, baluk o nim tatiktey tang Shkewa rangma nong i ta tathin na.

John 16:2 Referencias Cruzadas

ISAIA 65:5

Kra raütiishe tsangshiq raq nanok ma akha ngutlo, ‘Namshiq ka naishiq tho wa alu na ngarong laq. Naishiq ka pinthum asii maiqsetiim. Namshiq raq naishiq khum na jaq maq sham maimak!’ Ngi raq akhnok maiqsetiim ka liilot mang. Tsangshiq khuthaq na itsankhiq ka walütu nyaitlaq ikha nyaitlo. Kriika ümtiikiimin matki mak phan.

ISAIA 66:5

Tatiwe raq jamlai wa ngutla kra taironglaq, namshiq apaiq ma haisong tlan kiimaq apaiq aming wokhong na sitlanti raq: “Namshiq ka iwokhong na tsapkapkap maq shongngatlan kha na, namshiqnok phong wa maiq wiijamti raq namshiq ka ngengtlo. Raüta namshiq rai riipanpiitlo. Tsangshiq raq namshiq slaliitlo raüta, ‘Tatiwe raq apaiq jonglu kra mitiichhi kuqlaq. Raüta namshiq ka mitiichhiilaq. Kra nguraütiq naishiq raq namshiq chochi kra miliisiqkai.’ Shatmaq tsangshiq riiwe ka jea ngaü raüta michaphaq!

DANIEL 11:33

Anyan phaqchi rümti welabi raq nanok ahinti mungmaiqse rai tsii ka mirchong. Shatmaq jaqlo liipan bala tsangshiq phong wa, maiq wiijamti ka re na mitsai. Kiimaq wiijam ka atra maq wa na michaq baiq. Kiimaq maiq wiijam ka tsangshiq tsiiqchong nyamchong ka wiita re raq mitsuq wan. Raüta kealokshe miraq. Kiimaq maiq wiijam ka re raq shumwikong ma milap wan.

Matthew 10:28

Maiqse riika han-ngam khum kli mitsat lot; shatmaq wenyi ka tsatlot mak she. Tsangshiq miika naqhai rongkiq. Shatmaq han-ngam nai asak tsitsü kra wamungtan na tiikai lotti we Shiikeawe miili haisong tsantsii ka rüm lanta siwan lili ronglaq.

Matthew 24:9

“Kra akhing she saü wan raüla, maiqse raq namshiq ka alap mirwan. Raüta namshiq ka mitiichamchao kiimaq atsea mirbaiq. Namshiq ka i sengi ma jawan tlan kriikha maq maiqphan angu wiita raq namshiq ka ashu ashe mirwan.

Luke 6:22

“Namshiq ka ma chochi jonghea, ümtiikiiwa maiq raq namshiq ka Maiq Se miitu angeng miraq, kiimaq ashleq mirbaiq. Kiimaq ashummii miraq, kiimaq namshiq ka abi nguta mingu!

John 12:42

Kiikha riikli jiimin, Jehudinok welabi phong wa, maiq pahea raq Jesuq ma kam wanto. Shatmaq, tsangshiq ka, Phorisinok ma hai ma, tsangshiq kamtsantsii kriika, ra na doli nokwe man na, tiichhi mak miili sito. Kriika, Phorisinok raq tsangshiq ka sinagok wa tiidong baiq jiiq nguta, kriima hai ma adam apaü lam miili kamto.

John 16:25

“Ngi raq namshiq ma, shiiton bom maq arthun ara chongkuq kang she. Shatmaq, akhing she misaü wan, ngi raq bom chongke ka shiiton bom miika chong mang she. Shatmaq, ngi raq namshiq ma, Awe manphan ka liitatat hea she michong kuq kang.

John 16:32

Ngi chongpha, akhing ashi she misaü wan, sha kra akhing ka ümchaü saü wato she. Namtsam thun ka wiita, pongpin riipin she mitiipin baiq. Kra, lanta, maiqmii jam niishe mipin wan han. Lanta, ngi ka ngi laqlaqse lishe mimiim baiq thü han. Shatmaq, riikhaqli miika, ngi ka ngi laqlaqse li ka riimak. I We ka ngi rai asi.

John 4:21

Kiijiishe, Jesuq raq apaiq ma chongto, “Maiqnyung loi! I bomchong arma kamlaq! Akhing ashi misaü wan, maiqse raq Awe Shiikeawe ka ara kin arjaq lo, Jerusalem na lo, ka shomnoq mak she miraq.

John 4:23

Shatmaq, akhing ka saüho tlo she, sha saükito she ngu i, maiqse raq Awe Shiikeawe ka Asii Wenyi ningkun maq, apaiq raq maiqse jaq wa jamkha shomnoq wa lungwii tlaq, kra phan phan riikhaqli mishomnoq wan.

John 9:22

Jehudinok welabi ma hai ma anyungwe raq bom ka akha treto. Kra jamkhano hai tla ngukla Jehudinok welabi raq, jurwa Jesuq ka Khristo dea nguta kamtlaq kiimaq nanok ma chongkuq tlaq, kriiti ka sinagok wa ashleq baiq chang nguta aming ashatthü wishe riito.

John 9:34

Kra tairaütiishe, “Naq bom kiq! Ümniika ngarai tak mong maq dong laüta ajong luwan haü! Kiikhiinok maiqse riitiq sha, naishiq ma tsii michong kuq haü ngu kai?” nguta tsangshiq raq apaiq ka sonto, Krai mren she, tsangshiq raq apaiq ka sinagok wa shleq baiqto.

Acts 5:33

Riita, Rung na ngati welabi raq ara bomtre ka tai raüta, tsangshiq ka walü wa ikhiishe khiqtrangto. Krai mren, tsangshiq tsankhiq tsi ma, kiimwebi ka kiijiili tiitsea baiq nguta danto.

Acts 7:56

Krai mren, “Liirong laq! Ngi raq ramungtan kilü ka atiidi raü chhi tiikang. Kiimaq Maiq Se ka Shiikeawe ma jaqtsi nü na chap raü chhi tiikang!” nguta Stephen raq chongto.

1 Corinthians 4:13

Maiq raq naishiq ka ashummii riitlo; naishiq raq tsangshiq ma bomhea miili tre tiikai. Naishiq arka ara mangjong hiq wa sinchiitsap, atsuq baiq chang ikhiili sitiikai! Naishiq ka ümchaü ranaiq niitaq, mangjong hiq wa maiqpai tiisup, chhijaq nyiipji tsap ikhiili sitiikai!

Philippians 3:6

Nanyungwe Thungtri lang wan lamphan na, tri raü sham wanti, akaü ashi. Kriikha maq, phungtuti ka pinthum tiichamchao wan kang. Thungtri lang raüta kechu maiqse ma jawan chang lam asi dea ngo chang jiika, ngi ka thungtri aming tingting maq lang wanti, kechu maiqse ashi nguta asi wan ha wa.

Revelation 6:9

Kiijiishe, Skuse raq sil atrap phan biingi ngoja kriishe tiibun raüta linto chhikang. Kiijaq ngi raq berongwacha na, Shiikeawe bomtsi tsapkapkap maq chongke kha na, Shiikeawe sengi atsatbaiq wanti tsaiji wenyi kong ka pahea chhikang.

PHOWEBI 6:30

Kiijiishe tsangshiq raq Joash ma akha nguto, “Ümse ka ana sheaho laq. Naishiq raq apaiq ka atseabaiq chang! Apaiq raq Baal berong-wacha ka daqbaiqto kiimaq kra tiinap wa Ashera berong kiimin daqbaiqto.”