John 16:12 - ASII LAKDAP Bible (BSI)

¹² “Ngi raq namshiq ma pahea dea bom chongke chang asi shaqli. Shatmaq, ümchaü ka namshiq ma liichum tsin hea tak lot man mirhan.

Hawa Naga Bible 2001

¹² “Ngaz rueq nuimshiq muex jungc juing paunghvlc doc httax yaq, yuq muinz majuiuc nuimshiq rueq tay tvtsuingc wvnc lot shuinx rvmuq.

Muklom

¹² “Nga nim ma iri pheynáng eq tho daqhan raaq bat ching, etharin nim aa thanga jin nán min.

John 16:12 Referencias Cruzadas

Mark 4:33

Jesuq raq nokmaiqse ma trahoke lam maq, akha manphan setiim pahea maq shiiton raü raüta, tsütsa ahea kra chong kuq lili riitlo. Tsangshiq raq taklot tlaq khankhan, chongkuqto.

John 14:30

Ngi ka ümchaü namshiq rai manphan riichan apa ka riibom lap mang she. Ara jamkhano chongtiikang ngukla, ara mangjong hiq ara rümti we ka saü wanto she. Apaiq raq ngi ka hupkhang wanlot mak.

John 15:15

Ngi raq namshiq ka, disetiim nguta ngu mang she. Ara jamkhano chongtiikang ngukla, dise riika, atijong we jaq tho ka lap mak. Ngi raq namshiq ka disetiim ngo rii na, kongtibi ngutiishe ngutiikang. Ara jamkhano chongtiikang ngukla, i We jaqtho ngi raq ümchuwa lap tiikang kriika, ngi raq namshiq ma wiita phanchan kuq kang.

John 16:11

Kiimaq, tsangshiq raq Shiikeawe raq tingting kappe sham tlaq kra sap mak, ajiq tak wan tlo. Ara jamkhano chongtiikang ngukla, Shiikeawe raq ara mangjong hiq rümti we kha ka ümchaü aphowi she. Raüta, apaiq ka atiishut baiq wishe. Shatmaq, tsangshiq riika kra bomtsi kiimin sapphaq mak miili sitlo.

John 16:13

Shatmaq, ümtiikiishe wa, Asii Wenyi ka saüki jiiq, kra akhing niishetiq apaiq raq, namshiq ma Shiikeawe tingting rilung bomtsi thun kra mitiichhi kuq wan. Apaiq riishetiq namshiq ma teng man tlaq bomtsi thun liichum kra arang chong maq thu raütiishe mitru chongkuq wan. Apaiq riika, apaiq tsiitsii maq chong kuq mak. Apaiq raq jamlai wa ani maq tai tlaq, kriili namshiq ma michong kuq. Kiimaq, rawiichii akhing na jamlai phan saüho chang wa sitlaq, kriithun bomchong kra namshiq ma michongkuq.

Acts 1:3

Apaiq ka amaa wa dong wan jai min, raroqblai na saüli akiimwetiim rai jang pahea, tsangshiq tsan na tiitsangdada maq, asham ka tiichhi kuq wan lili raüta, tsangshiq rai riihumto. Kiimaq, tsangshiq raq, apaiq rai sham riichhito. Krai mren, apaiq ka atra dea nguta, tsangshiq ka tsan sangli chhaq miishe sito. Kiimaq, apaiq raq tsangshiq ma, Shiikeawe Mungtan ka saüho tlo she nguta chongkuqto.