John 16:10 - ASII LAKDAP Bible (BSI)

¹⁰ Tsangshiq raq kechu rilung nai tingting jaqsham ka sapmak, ajiq tiimatlo. Ara jamkhano chongtiikang ngukla, ngi ka i We phaniishe wawan nong tiikang. Kiimaq, namshiq raq ngi ka chhi man she mirhan.

Hawa Naga Bible 2001

¹⁰ Ngaz kuex Iwaz kox nuex waung wvnc vtueq, nuimshiq rueq ngaz kuex yix maq khiz muit shex ningkhvnc nuex, tsuingshiq kuex vlvmx nuex seng vtueq yaq wuez yaq.

Muklom

¹⁰ Asing tung aa raaq wang ning ma kha na, chammatakoi nga Iwa relnáng wàng chey ang etho nim aa nga wey khipha min sey ang nin.

John 16:10 Referencias Cruzadas

ISAIA 42:21

Tatiwe ka Shiikeawe atiichhiike lungwiitlo, kra ningkhan apaiq raq athungtri nai atri raütu thun ka, shreng jonghea anato raüta riimtlo.

DANIEL 9:24

“Shiikeawe raq, namshiqnok nai asii chela kra ngarai kharü mong wa nai ashut kharü mong wa tiichhiike wan miitu, rahiq jipi akhing ka, jang miishi maq rawii roqmiishi tiihong thüto. Ngarai ka midii kuq. Kiimaq pattup pat-sa miitu tingting kha miphokuq wan. Krai mren, riisham bomchong nai shammibi bomchong ka wiitashe mikupi wan. Kiimaq asii Shomjam kiimin jangshi ri hali Shiikeawe ma mikiinong kuq wan.

John 16:28

Ngi ka i We pha wa akiha. Kiimaq, ara mangjong hiq na kikang. Kiimaq, ümchaü ka, ngi raq ara mangjong hiq ara baiqthü lata, i We phana wawan nong she.”

John 16:5

Shatmaq, ümchaü sanha ngi ka, ngi tiikaiti we phana wawan nong akhing she saü wato. Shatmaq, namshiq phong wa weshi ra raq dongdii min, ngi ma ümbana wawan wa nguta bom ka waiman shaqli.

John 3:14

“Mosheq raq kumtsaiphii maq koti ngam maq ahai paü sumla ka lükii na tsomtaq, kiikhiisii hali, Maiq Se armin tsom chang dongdii miraq.

John 5:32

Shatmaq, ngi dong chang raüchong kra chongketi ka Shiikeawe asi. Ngi miitu apaiq raq jamlai wa chong tlaq, kriika tengteng dea nguta ngi raq asap ha.

John 7:33

Kiijiishe, Jesuq raq tsangshiq ma bom ka akha chongkuqto, “Ngi ka namshiq rai heashise lishe misiha. Lata ngi tiikaiti we phaniishe mijang wanha.

Acts 17:31

Ara jamkhano chongtla ngukla, apaiq raq mangjong maiqse kunli kha ka tingting maq phoke wan miitu akhing ranaiqshi ka atiihongthü wishe. Kriika, maiq weshi apaiq raq tsea raüta shongtaq, kriiwe lümaq mipho kuq. Riita, ara chongtlaq arka tengteng dea nguta, maiqse angu tarü ma hakhi tiichhike miitu, apaiq raq kriiwe ka amaa wa tiidong wanto!”

Acts 2:32

Riita, ija, ümchaü ka ara Jesuq arka amaa wa, Shiikeawe raq tiidong wanto she dea nguta, naishiq tarü raq asap hai kha maq, hakhi kuq tiikai.

Acts 3:14

Apaiq ka asii kiimaq kechu maiqse. Shatmaq, namshiq raq apaiq ka tiishaü baiq lan. Kiimaq, namshiq raq apaiq la na, matwe ashi phaqtek mong na ashaq kriiwe kra khoti tiidongke raa nguta, Pilat jaq wa shiichut jaü lan.

Acts 7:52

Riita, namtitiim raq, shammibi ka wiitarü tiichamchao wan je siisaq riito. Shiikeawe raq apaiq kechu Kolise tiikitlaq kra tsütsa chongke miitu, man na rathup rapha ji niiphü, apaiq tsütsa chongke wanti shammibi ümchuwa tiikitaq thun kriika, tsangshiq raq wiita tsatbaiq wanto. Krai mren, ümchaü namshiq riimin, apaiq luqkhapse ka tiishaü baiq lan. Lanta, apaiq ka tsatbaiq lan.

Romans 1:17

Jamkhano Tsütsa Ahea na ningkun asi ngukla, Tsütsa Ahea na ngarai maiqse ka, Asii Shiikeawe raq apaiq rai wehea ma jamkho shram wan tlaq, kra lamphan ka tiichhi kuq tlo. Ara Shiikeawe rai wehea shram wan tlaq arka, apha maq riita atiisup na saüli, maiqse raq Shiikeawe ma kamtsantsii thü tlaq, hiqkhu phi kra miili dü wan chang nguta chong tlo. Arka asii bomtsi na chongtlaq, kra phan phan hongtlo. Asii bomtsi na akha chongtlo, “Jurwa Shiikeawe ma kam tlaq, kriiti ka Shiikeawe raq apaiq rai wehea miishe tiija wantlo. Raüta kamtsantsii lümaq atra misi wan.”

1 Corinthians 1:30

Shatmaq Shiikeawe raq namshiq ka Jesuq Khristo rai pumshi hanshi she tiija wanto. Kiimaq Shiikeawe raq Jesuq Khristo ka nashiq ma pinja kaüshe tiija kuqto. Apaiq lümaq nashiq ara Shiikeawe rai wehea she tiija wanto. Nashiq ka Shiikeawe sengi asii arai maiqsetiim she jawan kai. Kiimaq nashiq ka ümchaü aki miikiim maiqse siisaq she jawankai. Thawe dikong ka riimai she. Nashiq ka Jesuq Khristo raq ngarai mong wa adaa wan wishe.

2 Corinthians 5:21

Khristo raq ngarai ka tangmak dea. Shatmaq Shiikeawe raq nashiq miitu, apaiq ka ngarai kaq ma tiija wanto. Kriikha maq, ümchaü nashiq ka, Khristo puk na nyap wankai krai mren, nashiq ka Shiikeawe raq kechu maiqsetiim miishe tiija wanto.

Galatians 5:5

Shatmaq, naishiq riiwe kla, Shiikeawe raq apaiq man na, naishiq ka kechu maiqsetiim she, nguta mirairii kuq wan dongdii nguta, ranphan laita sitiikai. Kiimaq ara chongtiikai arka, Shiikeawe Asii Wenyi ningkun raq naishiq mongjii na, naishiq raq kamtsantsii rüm tiikai kra thaq na seng raüta, shamkuqtlo nguta kamtiikai.

1 Timothy 3:16

Nashiq raq kam tiikai tengteng bomtsi manphan ka, nashiq ma tiichhi kuqto she. Arka pinthum maiq mao chang manphan: Khristo ka mangjong hiq na maiqse ma pokito: Apaiq ka amaa wa dong wanto. Raüta apaiq ka TATIWE dea nguta tiichhi kuqto. Apaiq raq rasetiim kunli peng tlo. Asengi Phungmaiqse raq apaiq tsa ka barap na chongkuq wanto. Krai mren mangjong maiqse pahea raq apaiq ma kamwanto. Apaiq ka Shiikeawe rai siwa wawanto.

1 Peter 3:18

Khristo ka chiisan maiqse, jam shut phit ahü we, nashiq ngarai maiqse miitu tsaito. Kriikha na, namshiq raq athuk atsom jaqsham tlan ningkhan, Jesuq chamchao wantaq kiikha namshiq min chamchao chang dongki raüka, tiijeshat maq sironglaq. Apaiq tsaitaq kra lümaq, nashiq ngarai kha ka tiithumtlii she tiisup baiqto. Raüta nashiq ngarai kha ka tiisiirai tiikhoi kuqto. Krai mren, apaiq raq nashiq ka Shiikeawe rai wehea she tiija wanto. Khristo ka tsatbaiqtaq akhing na, apaiq khum ka maiqse hanngam khum riito. Shatmaq Shiikeawe raq amaa wa tiidong wan jai she, apaiq khum ka pattup pat-sa wenyi khum she riito.