John 15:1 - ASII LAKDAP Bible (BSI)

¹ “Ngi ahata chiisan spiqraü chong. Kiimaq i We kata spiqro chhintsiiti we.

Hawa Naga Bible 2001

¹ Yesu rueq, “Ngaz kuex svpiq ruiuz muik shauk rvtauk; Iwaz kuex sunc taungjix waz rvtueq.

Muklom

¹ “Nga asing suti bang, etho Iwa pik siintey.

John 15:1 Referencias Cruzadas

ASHICHONG 7:12

Nanai ranap chu maq tiido laita, spiqro ka miliiki i. Laita spiqro ka jongtlaq she sha, apü pütlii shea pü mak wa, Kiimaq pomegrenet ro ka pütlaq sha pü mak wa, Kiijaq i lunwii ka ümniima, mikuq ha.

ISAIA 4:2

Akhing ashi misaü wan, kra saü wan raüla, armung na nai pechong aweatek ka Tati raq aheawiq jonghea luhea kiimaq alüsea chang tsomhea mitiijonglu wan. Israil mungti ümchuwa re jaq song tiichongtaq kriithun ka tsangshiq raq wak shamsiqtlaq kriiwa tü atsam thun rongboq tsosiq wantlaq kra chhi raüta pinthum khoqriiq shishiiq miraq. Kiimaq maiqmii hüko phok hihi she midoqsiq. Raüta misrasiq wan.

ISAIA 60:21

Ümsenginok tarü raq riikhaqli kli misham. Kiimaq tsangshiq raq nam mung ka pattup pat-sa she misiq wan. Ngi raq tsangshiq ka hiq na chhi wan kang she. Ngi raq tsangshiq ka phansang kang she. Arka Ngi jonglu kra maiqse kunli ma tiichhike miitu klokang.

ISAIA 61:3

Jajon chela na maaho manyiti siti ma, Ashi ari siti ma, Chonjong chise khoqriiq shishiiq kekai, Ajü amii siti ma, Tiitsamkam shi kekai. Tsangshiq ka pero ikha miraq Kriika Tatiwe apaiq raq achhi wan. Tsangshiq wiita raq riikhaqli jaqsham kli misham, Kiimaq Shiikeawe raq jamlai jaq wa shamtaq kra miitu apaiq ka mitiitsam wan.

JEREMIA 12:10

Pong mungti hokhambi pahea wa raüta ispiq ro ka tiithen baiqto; tsangshiq raq iwak thun ji maq nibaiqto; tsangshiq raq imung tsomhea ka rumnyangkhi kumtsaiphii ma tiijabaiqto.

JEREMIA 2:21

Ngi raq ümniika ahea pinthum spiq lai ikha lam lata chhikang. Shatmaq liilaq ümniika jamlaimo jaki laü! Ümniika anam arki, thiihü spiq tsung ma jakilaü.

EJEKIEL 19:10

Ümnyung ka spiq tsung ikha tsomhea riito, jüse rai kii na achhi ikha. Kiijaq kham chamtraq riito, spiqraü tsung ka ajaq nümwala atsi ango atu alu riito.

Hosea 10:1

Israilnok ka spiqtsi tsung jonghea, atsi ango wanrang wiira. Chiithe lüwa arong awin. Shatmaq chiithejong ma jawan wan, phra sumla noq wan chang, berong-wacha, apa hai wanwan riito. Kiimaq ngi raq akuq wanha, hiqpo hiqwin tsanghiq shong chang, phra sumla shomnoq wan ma, tsomhea berong-wacha, pahea haiwan wan riito.

JEKERIA 3:8

Arkha na, tailaq, Ramwe Jong Joshua lei. Kiimaq, Joshua jaq tiihapti ramwebi, namshiq riimin, namshiq ka rawiichii miitu miithii ashong. Jamkhano nguraü la, ngi raq jai na ijaqshise ashi saühotlaq, Pekü ngutlaqwe sham ka mitiichhi kuqha!

Matthew 15:13

Kiijiishe, Jesuq raq treto, “Shiikeawe, i We ramungtan na siti we raq chhi jang mak phan petsi chong awea kra apaiq raq wiita arang chong maq aphai mirbaiq wan.”

Matthew 20:1

“Ramungtan ngukla, bom ka akha. Mangjong maiqse kunli Shiikeawe sengi ma jawan ngutlaq ka akha. Maiq weshi ka apaiq spiqtsiro na jaq tiisham ma maiq ningchangti ritkai ranap chu maq kihoto.

Matthew 21:33

Jesuq raq abom ka akha hali tiitho chongkuq nongto. “Shiiton ashi ri hali tainong rong laq. Man na maiq weshi raq awak na spiqtsi ro chhito. Raüta, spiqtsi ro ka thep trotam maq ruk thüto. Kiimaq spiqtsi tsai tiikit chang longsha kiimin wat raüta tiihong thüto. Kiimaq spiqtsi ro kra khechang phunrang min longkaü maq haito. Kra thun ka wiita tiihongtha raütiishe, spiqtsi ro ka maiq akheng na shamseati ma shiipkuqto. Raüta apaiq ka mung ashi na wanhiq khumkai kihoto.

Mark 12:1

Kiitiikaq Jesuq raq tsangshiq ma manphan shiiton maq chongkuqto: “Man na maiq weshi raq spiqtsi ro chhito. Raüta, kra spiqtsi ro ka trotam maq rukto. Kiimaq spiqtsi tsai tiikitchang longtham min ashi wat raüta tiihong thüto. Kiimaq wak khechang riirin min ashi hai thüto. Raüta spiqtsi ro ka maiq akheng na shamseati ma tiishiipto. Raüta apaiq ka maiqmung ahin na wanhiq khum kai kihoto.

Luke 13:6

Kiijiishe Jesuq raq tsangshiq ma ara bom shiiton manphan ara chongkuqto, “Akhing ashi na maiq weshi raq spiqtsi ro ashi chhito. Kra sonruk mong na phupmup chong min asi riito. Apaiq ka phupmup tsi kra pansea kai kito. Shatmaq poshi min ahü, tsimak.

John 1:17

Shiikeawe raq Thungtri ka Mosheq lümaq kuqto. Shatmaq, kaphap mangchan nai tengteng rilung ka, Jesuq Khristo lumiitiq kuqtlo.

John 1:9

Ara chongtiikai rawüli ahata tengteng rawüli. Ara rawüli arka mangjong hiq na kiraüta, maiqphan angu tarü khu thaq na liliim tlo.

John 15:2

Apaiq raq i tsung na, atsi ahühüti i kü i ko thun kriika, angei riibaiqtlo. Kiimaq, atsi asisiti i kü i ko thun kriika, aheawiq maq tiisii chhintsii wantlo. Raüta, atsi ango ka apapa she tiitsi ngo wan miitu, ashun thun kriika, aton riibaiqtlo.

John 6:32

Kiijiishe Jesuq raq tsangshiq ma chongto, “Ngi raq chongtiikang arka tengteng: Mosheq raq namshiq dungtaq winsii kriika ramung- tan winsii riimak.

John 6:55

Ara jamkhano chong tiikang ngukla, i ngam phu ahata riikhaqli phaqsea kiimaq i tiijai ahata riikhaqli anyang chang phan phaq nai sia.

Romans 11:17

Riita, ija maiq raq jaq maq achhi arwan olip pechong wa, akü ako thun wiijam kriika, angei she riibaiq wanto. Raüta, kra nge baiq wan taq kü chong thun jami thaq kiijaq, rum na acham rai, rum olip pechong kiiwa, akü ashi kra nge wan raüta, kiijaq tiipop triiche chhi wanto. Riita, ümchaü namshiq Pongnok phan maiqse sitlan kriika, ara chong tiikang rum wa olip pechong kü ashi atriiche chhi wan taq kra siwan tlan. Kra ningkhan tiina, namshiq riimin Jehudinok rii, achu shiiman ümchuwa sitlaq kra, lap wan tlan.

1 Corinthians 3:9

Naishiq arka Shiikeawe wak na minshiiqti kongshiti. Kiimaq namshiq ka Shiikeawe wak dam. Kiimaq namshiq ka Shiikeawe jam.

1 John 2:8

Namshiq raq man na tai lan aming ka achu li jiimin, ümchaü ngi raq waiq nong tiikang arka, aming anye she hali. Jamkhano arka aming anye ngukla, Shiikeawe aming tri raü tu ka, Khristo khum niishe kupi wanto. Kiimaq namshiq rilung niimin she ku wanto. Ara jamkhano chongtiikai ngukla ranyaq ka thum rai wan tlo she. Kiimaq riikhaqli rawiili ka arshe liliim wanto she.