John 13:7 - ASII LAKDAP Bible (BSI)

⁷ Kiijiishe, “Ngi raq ümchaü jamlai jaq wa sham kuq tiikang, arka ümniiraq ümchaü ka takmaü mirhaü. Shatmaq, jai miishetiq misap haü,” nguta Jesuq raq apaiq bom ka treto.

Hawa Naga Bible 2001

⁷ Yesu rueq, “Ngaz rueq shuimx vshaungx kuex majuiuc mnoz rueq tuiuz muq, yuq muinz yix maq jix mnoz rueq tuiuz wvnc shuiux,” ngoz tueq tvralc tueq.

Muklom

⁷ Jesu aa thawel batta, “Bara nga som ang sha nang aa thanga sam mu angnu, etharin chomrey jio samnu.”

John 13:7 Referencias Cruzadas

JEREMIA 32:43

Mung maiqse raq armung arka kumtsaiphii rumnyangkhi ikhiishe maiqse nai rumnyamse si min maimak she mithenki nguta riichongtlo. Raüta armung ka Bebilon mungti miishe mikiinong kuq baiq wan nguta riichongsiqtlo. Shatmaq armung arjaq wak ajam thun ka ariti raq ari hali mirithü wan nong.

DANIEL 12:12

Kechu jonghea, jurwa ranaiq 1,335 ranaiq kra tlea wan li, tsapkapkap maq nin wan raüta siwan tlaq!

DANIEL 12:8

Apaiq raq jamlai wa chongtaq, kriika ngi raq taikang. Shatmaq kra liichum ka ngi raq taklot mang riikang. Kriikha niishe ngi raq, “Shatmaq shiilangwe lei, arka jamkho mithum wan?” nguta waikang.

John 12:16

Kra akhing na ajaqshisetiim raq ara chong tlaq bomtsi liichum arka, tak mak dea riito. Shatmaq, Jesuq ka amaa wa dong wan raüta, apaiq khushü ngao jonglu wantaq kra chhi wan jai shetiq, tsangshiq raq Asii bomtsi na awaiq thü bomtsi liichum arka, apaiq miitu dea chong tlo nguta tak wanto. Kiimaq tsangshiq raq kra akhing na klo wantaq jaqsham kriika apaiq miitu dea shamkuqkai ngutiishe takto.

John 13:36

“Tatiwe ümniika ümba na wawan wa?” nguta Simon Petar raq Jesuq ma waito. “Ngi ümbano wawan tiikang, kiijaq ümchaü ümniika wawan lot maü. Shatmaq, jai miishetiq i jai miphan wanlot haü,” nguta Jesuq raq Petar bom ka treto.

John 13:6

Raüta apaiq ka Simon Petar tho niishe saüto. Kiijiishe, “Tatiwe, ümniiraq i hokphi ka jamkho mihehaü?” nguta Simon raq apaiq ka tiiwinto.

John 14:26

I We raq Asii Wenyi ka, i mang na mitiiki. Apaiq ka namshiq Khrumti we. Ümchaü ngi raq, namshiq ma ümchuwa bomtsi chongkuq tiikang thun arka, apaiq riishe hali, namshiq tsan mong na tiidokuq wan nong raüta, tsangriri hea miishe wiita michong kuq wan nong.