John 11:11 - ASII LAKDAP Bible (BSI)

¹¹ Jesuq raq ara chonglot raüta, tiijosaq hali, “Nakongti we Lajaras ka akon. Shatmaq, ngi kilata, apaiq ka atiisam mirkiha,” nguta tsangshiq ma chongto.

Hawa Naga Bible 2001

¹¹ Yesu rueq kvkhoc jungphvnc kuy lot yix, “Naunghez phunox waz Lazaru kvtsoalx rvkaz, yuq muinz piq kuex tvsvmc tvtenc kay ngaz vkay juing rvtueq,” ngoz tueq jungx tueq.

Muklom

¹¹ Jesu aa ning ma rap batta, “Hiqtang nokwa Lazarus lakjib ang aa, etharin nga piq tashat ma ka ang.”

John 11:11 Referencias Cruzadas

2 HOKHVMX 4:31

Kiimaq Gehaji riiwe kla sinkhu na kokshkok awa wan nguli wa wanto. Raüta Elisha nyeakii ka nono han khu thaq na tiiwesaq ajaq maq shamto. Shatmaq kra no ka atsitsü hea trang min ahü kiimaq laihin atra she dea nguta atiimeshi jam min ahü riito. Kriikha niishe apaiq ka Elisha rai riihumkai jangho nongto. Raüta apaiq ma nguto, “Nono ka sam mak dea.”

2 KAÜWA WERAÜ 20:7

Ümniika naishiq Shiikeawe. Man na ümsengi Israilnok ka armung arjaq laü wantaq akhing na ümniiraq armung na siti maiq mung thun ka jobaiq wan laü. Laüta ümluwe Abraham saüsetiim ma pattup pat-sa miitu she kuqlaü.

DUNGWVNC 33:11

Tatiwe raq Mosheq rai ka mantut na, maiq weshi raq akongtiwe rai riibomtlaq ikha riibomtlo. Kra lot raütiishe Mosheq ka piitiip na hali jang wan nongtlo. Shatmaq jerowe apaiq jaq thüti. Nun se Joshua ka kra Tombutiip niili sitlo.

ISAIA 41:8

“Shatmaq ijaqshise, Israil ümniika, namshiq ka Ngi raq atsea arwanha isenginok, ikongtiwe Abraham saüsetiim.

DANIEL 12:2

Maiq pahea ümchuwa tsai wantaq thun ka, atra midong wan nong. Maiq wiijam ka pattup pat-sa atra she misi wan. Kiimaq maiq wiijam ka, pattup pat-sa jea ngaü raüta misi wan.

Matthew 27:52

Kiimaq maiq makho thun ka tlin miihok she tlin kito. Kiimaq Shiikeawe raq atsea arwan asengi maiqse thun kriika, atsai arki makho mong wa atra she tiidong wan nongto.

Matthew 9:24

Kra chhi raüta, “Namshiq wiitarü ka arwa tiibin tlo ronglaq! Kinphai na dongho tlo rong! No ka tsai mak. Kriika miinan akon ja tiina!” nguta apaiq raq nokwe kra kinphai na jobaiqto. Kra tairaüta tsangshiq tarü raq Jesuq ka ashummii reali riito.

Mark 5:39

Apaiq ka jam mong na waraüta, tsangshiq nangnga, “Namshiq ka jawa kiinyii rai tlan? Jamkho shiri rai tlan? No ka tsai mak. Akon jali tiina!” nguta tsangshiq ma bomto.

John 11:10

Shatmaq, apaiq ka ranyaq na khum raüla, ranyaq chhi mak kha maq, akhum lam maq atiithap tha akü rai miraq. Ara jamkhano ngukla, ranyaq kha maq apaiq ka tung alam min chhimak miraq.”

John 11:12

Kra tairaüta, “Tatiwe, apaiq ka akon riikitaq jiika, asam tiina mirwan nong,” nguta ajaqshisetiim raq apaiq bom ka treto.

John 11:13

Jesuq riika, Lajaras ka tsaikito she nguta ngo angu riito. Shatmaq, tsangshiq riika, miinan akonja sham ngutli tiimato.

John 11:3

Tsangnai sinyi raq, Jesuq ma tsütsa ka akha tiichong kito, “Tatiwe, ümniiraq lungwii tlaü ümphuno we ira atsi.”

John 3:29

Junwati nyung kriika, junlamti we rii. Shatmaq, kherü lam sheati kiimwe sitlaq kriika, rohunti we kra chochi kra chhi raütli, apaiq kiimin kai chochi dam tlo. Ikiikhiisii hali, ngi armin la, kai chochi dam tiikang.

Acts 7:60

Raüta, apaiq ka kaütsrong na bumsaq raüta, “Tatiwe lei, tsangshiq ngarai kra ümniiraq tsan na naq tiitsangkiq!” nguta tiihong raüta siito. Apaiq raq ara ngu raüta alang ka pitto.

1 Corinthians 15:18

Kiimaq kiikha hali, Khristo ma kam raüta Phungmaiqse ümchuwa tsai wantaq, kra thun kiimin ngarai tak mong na adea wawi she, atsai kaiwi she nguta ngo chang li she miraq.

1 Corinthians 15:34

Namtsan namtsii ka jaqlo, tru wan tlo rong laq. Lanta ngarai lam phan kriiwa jang wan tlo ronglaq. Ngi raq ara namshiq ma tiijea tiisi son tiipha ara tai rong laq. Namshiq phong wa maiq wiijamti raq ümchaü niitaq dongdii min Shiikeawe ka sap man mak shaqli sitlo.

1 Corinthians 15:51

Ara chongtiikang apaü raüta athü tengman tlaq bomtsi ara tsan na samhea tiitsang tai rong laq: Nashiq wiitarü ka tsai mai. Shatmaq phangthum lerong tsii tlaq akhing na, nashiq ümchuwa atra riijiiq, kriiti thun ka mak riijap liipan niili, nashiq khum ka aklai mirki. Phangthum lerong ümtiiko tsü jiiq, kra akhing na, maiq ümchuwa amaati thun ka, wiita amaa wa atra she mitiidong wan. Kra tiidong wan tlaq ka ümtiikiimin tsaiki mak phan she. Kiimaq nashiq wiitarü atra sitiikaiti thun khum ka wiita aklai mirki.

Ephesians 5:14

Jamlai wa rawüli niishe phong baiq tlaq, kriika tarü raq rashra she. Apaü chang ka jam min ahü she. Kriikha maq, Asii bomtsi na akha chong tlo, “O, akonti lei sam liishe na, laüta ümchaü sanha, amaa wa dong tlo liishe, ümkhum na Khristo she mililiim.”

TRI CHONGKE 31:16

Tatiwe raq Mosheq ma nguto, “Ümniika jaqloli she mitsai haü. Kiimaq ümnaq tsai jai na mungmaiqse ka iwokhong na simak she midongki. Raüta Ngi raq tsangshiq rai tongshong kang tri ka ajin mirbaiq. Tsangshiq raq Ngi ka amiim mirbaiq. Raüta tsangshiq raq jiiwantlaq mung kiiwa thatsang maiqse sumla phra thun kriishe mishomnoq wan.

1 Thessalonians 5:10

Apaiq ka nashiq miitu tsaito. Nashiq ka apaiq saükai akhing ranaiq na, amaa sikai lo, atra sikai lo, nashiq ka apaiq rai adam na siwan miitu, apaiq tsaito.

James 2:23

Krai mren she, Asii bomtsi na, ‘Abraham raq Shiikeawe kiqkham ma kamto. Krai mren, Shiikeawe raq apaiq ka kechu maiqse she nguta rairii wanto’ nguta chongtlaq bomtsi kriishe kuwato. Krai mren she, Abraham ka Shiikeawe ma aluwe shaq she dea nguta, Shiikeawe raq ajaq khaqkuqto.”