John 10:4 - ASII LAKDAP Bible (BSI)

⁴ Apaiq raq skukong ka kinphai na tiidong lot jai she rum na arüm kai she sheaho tlo. Apaiq ka skukong khaki na lamshea kitlo. Kiimaq apaiq bom ka tai raüta, ajai phan phan skukong ka atsam phaq haisiq tlo. Arka, skukong raq tsangshiq rümti we bom asap kha maq haisiq tlo.

Hawa Naga Bible 2001

⁴ Khelbuenx htenc kuex gvl tvdung lot vtueq khelbuenx kung max nuex kaz tuex, khelbuenx phungc rueq muinz piq thuic bomc kuex tay tvtsuingc vtueq piq yix nuex phvnx yaq.

Muklom

⁴ Piq aa ukelwut tang thaji sha ran náng lat jio piq ning jakho o qhing aa etho ukelwut tang aa piq ji ji phan aa, chammatakoi ning aa piq raaq usam eq aa.

John 10:4 Referencias Cruzadas

ASHICHONG 2:8

Ngi raq ikongtiwe bom taikang, Apaiq pumkhu lam maq adoq haha ngi phana kitlo.

ASHICHONG 5:2

Ngi ka akon shatmaq itsan ka asam, ngi raq ma maq makang ngi lungwiiwe raq kilü na bukto. Tap mong na wapha irüm-nyung lei, Iroriinyung lei, ihaütaü se lei, Ikhupo na bangkham jobai, Ikhu bin min nyiirii kham raq jobaibai.

Matthew 16:24

Kiijiishe Jesuq raq ajaqshisetiim ma chongto, “Jurwa i jai phan wan ro tlaq, kriiti raq maiqmii khum ka alaq riibaiq raa.

John 10:16

I skukong ka arli ka riimak. Konghin min asi. Kra kong thun kiimin, ngi raq ashea wan chang sitlo. Tsangshiq raq i bom ka mitai. Raüta, tsangshiq tarü ka arüm wanti weshi jaqkhong niishe, kongshi miishe mija wan.

John 10:27

I skukong riika i bom tai tlo. Ngi riimin, tsangshiq ka loweatek asap ha. Krai mren, tsangshiq raq i jai phan tlo.

John 10:3

Kriiti miika kilü kheti raq, kilü ka adi riikuq tlo. Kiimaq, apaiq raq asku kong ka, ashi shi maq, amang chong raüta hea tlo. Skukong riimin, apaiq bom ka tai tlo. Raüta apaiq raq skukong ka arümkai kinphai na sheaho tlo.

John 10:5

Shatmaq, skukong riika maiqtili jai ka phan mak. Maiqtili riika, tsangshiq rüm wa nguta wa raü la, tsangshiq ka aju, apin ajin khoti miraq. Jamkhano akha mipin rai ngukla, tsangshiq raq maiqtili bom ka sap mak.”

John 10:8

Ngi ma kongkhu na maiq ümchuwa sku rümti khü maq tiihong raüta kitaq, kra thun kriika ahuk nai thiimeaq jati kong siisaq. Kriikha maq, skukong raq tsangshiq jai ka phan mak.

John 12:26

Kiimaq jurwa i jaqshi ma jawan raüta, ngi shiililii wan lungwii tlaq, kriiti ka, i jai phan phan wa wawan raa tlo. I jaqshi ka, ngi rai nong nong maq sichang. Kiimaq, jurwa ngi shiililii tlaq, kriiti ka i We raq mishreng.”

John 13:15

Ngi raq namshiq ma ara jaqsham maq tlang kuq wan tiikang arka, namshiq riimin akhiisii hali misham laq, nguta tiichhikuq tiikang.

John 18:37

Kiijiishe, “O, ikhiijiika, ümniika hokham we dea kata nya?” nguta Pilat raq Jesuq ma bom ka wai nongto. Kiijiishe, Jesuq raq treto, “Ümniiraq ngi ka hokham we nguta ngutlaü kata. Ngi ka ara mangjong hiq na pokikang arka, ara tengteng bomtsi ara chong kekai miitu kikang. Jurwa tengteng bomtsi kra lang tlaq, kriiti riika, i bomchong arka phaqchii nichii maq taitlo.”

John 3:29

Junwati nyung kriika, junlamti we rii. Shatmaq, kherü lam sheati kiimwe sitlaq kriika, rohunti we kra chochi kra chhi raütli, apaiq kiimin kai chochi dam tlo. Ikiikhiisii hali, ngi armin la, kai chochi dam tiikang.

1 Corinthians 11:1

Ngi raq jamkho Khristo pum song tiikang, kiikhiisii hali, namshiq riimin i pum ara song rong laq.

Ephesians 5:1

Riita, ümchaü sanha, namshiq ka Shiikeawe setiim she. Apaiq raq namshiq ka kai lungwii tlo. Krai mren, namshiq ka apaiq niq riri she shongnga raa tlo.

TRI CHONGKE 1:30

Tatiwe namshiq Shiikeawe raq namshiq ka mishea wan. Raüta apaiq raq namshiq miitu re ka mikhat kuq. Arka namshiq raq Ejip mungti jamkho khat kuqtaq kiikha mikhat kuq.

Hebrews 12:2

Nashiq maklii ka, Jesuq theaphi na tiitsi rong i. Apaiq ka nashiq ara kamtsantsii rilung lam na shea wanti. Kiimaq apaiq riili, nashiq kamtsantsii rilung ara, atiisup na saüli awongsii ma mitiija wan lot. Apaiq ka pumsongkham na tsai ma hai raüta nashiq tiichhii wan jaqsham ka thaq baiq mak dea riito! Shatmaq, apaiq ka akhiismin tiime mak riito. Jamkhano ngukla, apaiq raq chochi jonghea lap wan chang asi nguta asap. Kriikha maq, apaiq raq pumsongkham na, maiqjea asi tsai wan kriika, akhiismin tiima wan mak riito. Krai mren, ümchaü sanha, apaiq ka Shiikeawe hokham ngacho maq jaqtsi nü na ngatlo.

Hebrews 6:20

Jesuq ka nashiq miitu, nashiq ma sinkhu na, kiijaq awa wan kun she. Raüta apaiq ka kra khok na nga raüta, pattup pat-sa miitu, ramwe ajong we miishe jawanto. Apaiq ka ramwe Melkijedek jaqsong miishe nga wato.

1 Peter 2:21

Namshiq akha chamchao tlan arka, Shiikeawe raq namshiq ma rilung holai akuq hekiilai. Jamkhano ngukla, Khristo raq namshiq miitu arilung na chamchao homa howan raüta lamshea tiichhikuq wanto. Khristo raq namshiq miitu jamkho chamchao wantaq, kra namshiq riimin apaiq jaiphan phan chamchao homa kra nin wan ruq maq howan raa tlo.

1 Peter 4:1

Riita Khristo jamkho han-ngam na nashiq miitu chamchao raüta tsaitaq, krai mren sii hali, namshiq min Jesuq Khristo apaiq raq atsai khekham maq tiije raüta sitaq kiikhiisii hali, namshiq tiima tsantsii na micham chao wan rong i ngushat nguta, khekham maq sirong laq. Ara jamkhano chongtiikai ngukla, juwa adü na maiq raq tiichamchao tlaqti ka ngarai jaqkhon mong niika simak she.

1 Peter 5:3

Nam wokhong na siti phungtuti ka aming khuthaq miika naq shiipuq rongkiq. Shatmaq namshiq maiqmii rilung jaqsham wan tlan kiimaq tiichhi kuq lanta rüm rong laq.