John 10:16 - ASII LAKDAP Bible (BSI)

¹⁶ I skukong ka arli ka riimak. Konghin min asi. Kra kong thun kiimin, ngi raq ashea wan chang sitlo. Tsangshiq raq i bom ka mitai. Raüta, tsangshiq tarü ka arüm wanti weshi jaqkhong niishe, kongshi miishe mija wan.

Hawa Naga Bible 2001

¹⁶ Vruex ruk mungx vyuq nyuip muq vganc khelbuenx htenc muinz ngaz rueq lvp tauk, kvruex htenc kvmuinz ngaz rueq shvlx wvnc shaungx, tsuingshiq rueq ngvy kvjaz tay shuex, kvkhoc rvtueq khelbuenx hez muinz phungc shiz dvyx yaungx tuex, khelbuenx remc jix waz muinz washiz dvyx rvtueq.

Muklom

¹⁶ Iri pal mong riwang ang moqtey ikelwut tang adak tho ngama atha, iri adak palmong wang. Nga eshi kelwut tang sha tho thoksol eq ching; ning aa iraaq using eq na, etho thaji sha rum eq ning sha wanshey kelwut angna etho ashey kelwut rimtey angna.

John 10:16 Referencias Cruzadas

RAPHA HIQWA LAK 49:10

Juda raq hokham nyeakii kra misham, Kiimaq asaü ase phan raq pattup mung misiq wan. Maiq mung thun raq apaiq ma tijong tsiiq wa miho kuq wan Kiimaq ajichong na apaiq puk na minyap wan.

Tvtsvmc 86:9

Maiqmung thun ümniiraq tiiqlaü thun wiita ümjichong na miwa raüta hiq na bumraüta minoq; tsangshiq raq ümnaq jonglu kra mitiitsam.

THARC TVLUINGC 12:11

Taksu maiqse bomchong ka skurümti raq sku rümchang nyeakii siraüraü shamtlaq ikha, siraü raü. Kiimaq taksma bomtsi archom wan kriika, khili phataqtaq atübaiq ikha. Pattup miitu atsing angang bomtsi. Arthun arka nashiq tarü riimti. Shiikeawe raq akuq riito.

ISAIA 11:10

Ranaiqshi akhing misaü wan, kra saüwan raüla Dawit saüse phan wa hokham anye shong wantaq kriika maiqmung thun tlotli ma miithii ashi miraq. Tsangshiq ka apaiq hokhamwe sichang chela na mithung wan. Raüta apaiq mishreng wan.

ISAIA 43:6

Ngi raq shekhu nü mungti ma tsangshiq ka tiiki ronglaq nguta michongha, kiimaq shemai nü mungti ma tsangshiq ka naq shiikhing rongkiq nguta michongha. Isenginok ka ratsüko mung thun wa mijang wanlaq; mangjong hiq tlotli wa.

ISAIA 49:6

Tatiwe raq ngi ma nguto, “Ngi raq ümniima jaqsham jonghea tiisham chang asi, Ijaqshi se lei. Ümniiraq Israilnok aso tiichongtaq ka, atiijonglu wan lam lam li ka riimak; shatmaq Ngi raq ümniika maiqphan thun ma walüli ashi ma mitiijaha; krai mren mangjong maiqse kunli mitiichhii wanlaq.”

ISAIA 52:10

Tatiwe raq apaiq asii ningkun kra milang, apaiq raq asenginok mitiichhii wan, kiimaq mangjong tlotli riishe kra jaqsham ka michhi wan.

ISAIA 56:8

Ajong Thaq Na Ajong Pinthum Tatiwe, jurwa asengi Israilnok ka pongmung na munglu shumwi asiwa wa jam niishe shea wanto, raüta apaiq raq maiq nanok ahinti kiimin tsuq wan raüta tsangshiq rai she mitiishong nga wan damha nguta kiqkham kuqto.

EJEKIEL 34:12

Skusekong ka rum na amii arki wa, sku rümti raq jamkho adam na triichom raüta, rümtlaq kiikha mirümha, Ngi raq skusekong ka kra rawa thung ranyaq tangtang akhing na jamkho tiipinjin baiqtaq kra wiita barap binrii wa mitriichom wanha.

EJEKIEL 34:23

Ngi raq tsangshiq ma ijaqshise Dawit ikha hokhamwe ashi mishong wanha. Kriiwe raq tsangshiq ka mirüm wan. Kiimaq apaiq raq tsangshiq ka aheawiq maq mirümkom wan.

EJEKIEL 34:6

Kra ningkhan i skusekong ka ku akin thun na kiimaq pum thun na wiita momiikito. Tsangshiq ka mangjong tlotli na wiita tiipin baiqto. Kiimaq tsangshiq ritkot kaiti maiq ka jumin ahü. Kiimaq jurmin tsangshiq riichom ritkaiti ka ahü.

EJEKIEL 37:22

Lata Ngi raq tsangshiq ka tsang mung na, pum thun kiina mungshi miishe mitiijaha. Tsangshiq ka hokham weshi riilishe mipeng wan. Kiimaq tsangshiq ka mung anai niika tiikho thiq mak she miraq. Riimakla mungtan anai niika tiikho mak she miraq.

EJEKIEL 37:24

Hokham weshi, ijaqshise Dawit ikha kra tsang hokhamwe miraq. Tsangshiq wiita ka hokham weshi wokhong na adam niishe misi wan. Raüta i thungtri raütu ka tsapkapkap maq milang wan.

Hosea 1:10

Israilnok ka puchi wan raüta khamjong phii na kumtsai riiphong tlaq ikha miraq. Awealot chang riimak miraq. Riita ümchaü ka Shiikeawe raq tsangshiq ma, “Namshiq ka isengi riimak” nguta ngutlo. Shatmaq akhing ashi misaü wan, “Namshiq ka atra Shiikeawe setiim!” nguta apaiq raq tsangshiq ka mihea wan.

JEKERIA 2:11

Kra akhing na maiq phan pahea Tatiwe puk na minyap wan. Raüta asengi miishe mija wan. Apaiq ka namshiq rai adam misi wan. Kiimaq ngi ka namshiq phana apaiq riidea tiikito nguta misap wan han.

Matthew 17:5

Apaiq ka abom rai liipan kiijiiniili, tiidong chhaq maq phongtsok ra wa chhaihea langlang phumlü da ashi deaki raüta, tsangshiq tarü ka pang baiqto. Kiimaq phumda mong wa maiq bom ashi akha taito, “Ahata I tsantsii ran chang I Se. Ngi ka apaiq ma pinthum khoqriiq wan tiikang. Apaiq bom ka tai rong laq!”

Luke 15:8

“Riita, kiimahali, bom shiiton ngu i. Jechak nyung ashi jaq niika kampho kamsii roqshi asi miraq. Kriiwa, kamsii ashi ka atiimo miraq. Raüla, apaiq raq jamlai wa miraq? Apaiq raq lem ka mitiinii. Raüta, ajam tapmong thun kra achhü miraq. Raüta kra kamsii kra mihum shaq wiiwii, tiitho tiipha, shokchhum nochhum she mirit.

John 10:11

“Ngi ahata maiqshaq sku rümti we. Skukong khupi ma atsai khamti we.

John 10:2

Shatmaq, juwa khok mong na kilü maq watlaq, kriiti ka riikhaq li sku rümti.

John 10:27

I skukong riika i bom tai tlo. Ngi riimin, tsangshiq ka loweatek asap ha. Krai mren, tsangshiq raq i jai phan tlo.

John 10:3

Kriiti miika kilü kheti raq, kilü ka adi riikuq tlo. Kiimaq, apaiq raq asku kong ka, ashi shi maq, amang chong raüta hea tlo. Skukong riimin, apaiq bom ka tai tlo. Raüta apaiq raq skukong ka arümkai kinphai na sheaho tlo.

John 10:4

Apaiq raq skukong ka kinphai na tiidong lot jai she rum na arüm kai she sheaho tlo. Apaiq ka skukong khaki na lamshea kitlo. Kiimaq apaiq bom ka tai raüta, ajai phan phan skukong ka atsam phaq haisiq tlo. Arka, skukong raq tsangshiq rümti we bom asap kha maq haisiq tlo.

John 10:5

Shatmaq, skukong riika maiqtili jai ka phan mak. Maiqtili riika, tsangshiq rüm wa nguta wa raü la, tsangshiq ka aju, apin ajin khoti miraq. Jamkhano akha mipin rai ngukla, tsangshiq raq maiqtili bom ka sap mak.”

John 11:52

Apaiq tsai tlaq arka, Jehudinok mung miitu lamlam li ka riimak. Shatmaq, Shiikeawe sengi ümchuwa pongmung mung na riinyin shin raüta sitlaq, kriithun ka wiita pumshi ma tiija wan miitu mitsai.

John 17:20

“Ngi raq achu jaü tiikang arka, tsangshiq miitu lamlamse li ka riimak. Shatmaq, tsangshiq raq traho bom chongkuq tlaq kra tsütsa tai raüta, ngi ma ümchuwa kamwan tlaq, kriiti miitu min, achu jaükuq tiikang.

John 6:37

I We raq ngi rii nguta ümchuwa maiqse thiiqtaq, kriiti thun ka i puk na minyap wan. I puk na nyap wanti ka ngi raq jumin jai na tiijang baiq mang she.

Acts 15:14

Ümchaü namshiq tarü nitai na Simon raq chong phan kuqtaq kra bomtsi ka tai wan kaishe. Riita, Shiikeawe raq Pongnok phan maiqse ka apaiq wura maq kongkhu tiiham wanto she. Raüta, tsangshiq ka asengi miishe tsea wanto.

Acts 18:10

Ngi asi. Ngi ka ümniirai nong shnong. Jurmin ümdü na jaqkaiq maq sham lot mak miraq. Kiimaq ara chela na i sengi maiq pahea asi,” nguta Paul ma tsii ka chongkuqto.

Acts 22:14

Kiijiishe, Ananias raq ngi ma bom ka akha chongto, ‘Natitiim Shiikeawe raq ümniika apaiq tiima tsantsii kra khon wan miitu tsea wanto. Kiimaq apaiq Tingting dise krai sham riichhi miitu, kiimaq apaiq raq ümniima pumsii maq, bom chongkuq tlaq kra taiwan miitu she tsea wanto.

Romans 11:25

Phunainotiim lei, ngi raq ara apaü raüta athü wan, tengteng bomtsi ara namshiq ma chongke wan rotiikang. Arka namshiq raq sap wan chang akhek sitlo. Kra sap wan han jiila, namshiq tsan na, “Naishiq Pongnok phan maiqse dea taksu maiqse,” nguta tiishom ra man mirhan. Riita, ara chong tiikang tengteng bomtsi ka ara. Ümchaü Israilnok tsantsii wanshakshak rüm tlaq arka, pattup akhli ka wanwan mak miraq. Arka, Pongnok phan maiqse ka Shiikeawe puk na ümtinkhan shang wan chang wa siwan tlaq, kra thun kra kunli she shang wan akhing ranaiq na saüli niili Israilnok tsantsii ka mitsin wan.

2 Thessalonians 2:13

Phunainotiim lei, naishiq raq namshiq miitu, Shiikeawe ma wranaiqshe kechu tumke chang li sitlo. Tatiwe raq namshiq ka pinthum lungwii tlo. Raüta, Shiikeawe raq namshiq ka sinkhu na chhii wanto. Shiikeawe raq namshiq ka Asii Wenyi ningkun maq, apaiq phan amaq, asii maiqse ma tiija wan ma tsea wanto. Arka namshiq ka tengman tlaq bomtsi ma kamwan lan kriikha maq, tiichhii kuqto.

Hebrews 13:20

Shiikeawe raq nashiq Tati Jesuq ka amaa wa tiidong wanto. Apaiq ka skukong Rümti Ajong Pinthum. Arka apaiq miisaq honglu na kuq raüta tsaito kriikha maq jawanto. Kra tsaitaq kra maq pattup pat-sa tongshong kra atiijai maq nei wanto. Raüta sil maq san wanto. Riita hansang Shiikeawe raq namshiq ma namshiq raq apaiq raq rotlaq kra phan phan athuk atsom jaqsham wan miitu phanrap ahea awa phan rong raa tlaq kra namshiq ma asho awo michom rom kuqlaq. Kiimaq apaiq raq Jesuq Khristo lümaq, nashiq khum na apaiq tiichochi chang jaqsham thun kra mishamlaq. Kiimaq Khristo miituli khushü chhainyii jonglu kra pattup pat-sa misilaq! Amen.

1 Peter 2:10

Man na akhing ashi na, namshiq ka Shiikeawe sengi ka riiman. Shatmaq, ümchaü sanha, namshiq ka apaiq sengi she jawan lan. Man na akhing ashi na, namshiq ka Shiikeawe kaphap mangchan, namshiq ma thü tlaq kriika sap man riilan. Shatmaq, ümchaü ka, namshiq apaiq kaphap wokhong mong niishe nyap wan lan. Apaiq raq namshiq tsea wantaq arka, apaiq raq awang chang tiichhii wan jaqsham wantaq, kra nanok ma chongke wan miitu she tseatsiiq wanto.

1 Peter 2:25

Man na, namshiq ka skuse kong tsangshiq lam tiimii raüta, rum na amiiki ikha silan. Shatmaq ümchaü sanha, Sku Rümti we kiimaq namshiq tsaiji Rümti we Khristo wokhong na hali tiijang shea nongto.

1 Peter 5:4

Namshiq raq akha tsapkapkap maq sku sekong ka rüm han jiila, ümtiikiiwa sku Rümti Ajong Pinthum we ka saüho nongtlaq akhing na, apaiq raq namshiq ma poksi, pattup pat-sa thenki mak phan achhai anyii wa hea la khuphok she mikuq.

Revelation 3:20

Tai ronglaq! Ngi ka kilam da na chaplata kilü na buk tiikang. Ashi ra raq tai raüta, ngi ma kilü ka dikuq kihaü jiila, ngi ka apaiq jam mong na miwaha, lata apaiq rai adam miphaqsiq ha, kiimaq apaiq riimin ngi rai adam miphaqsiq.