John 10:12 - ASII LAKDAP Bible (BSI)

¹² Maiq amaq kham miitu sku rümti kriika, skukong tati ka riimak. Kriikha maq, apaiq raq ümtiikiiwa she kaü ka skukong kaq wa, awarai chhi jiiq, kra chhi raüla, apaiq ka ahai sitsi ma, skukong kra jai na miimbaiq thü raüta, aju rai miraq. Krai mren, she kaü ka wa raüta skukong ka tiipin miijin jo raüta, wiita mikaq phaq wan.

Hawa Naga Bible 2001

¹² Vshap vruex kolix waz kuex khelbuenx taungjix waz rvmuq, vtaungjix waz rvmuq ningkhvnc nuex shoalx kaz yaq kuex khiz ruiux yuq, khelbuenx htenc kuex gay shec ruiux piq vyuz rvwvnc tuex, shoalx rueq muinz khelbuenx htenc kuex tvpanc yurc vtueq kauk gay tsuiyc shuex.

Muklom

¹² Jakthang ma somtey sha kelwut rimtey ang moq etho tangtey ang moq, eshirangma jakthang ma somtey eq wangru kat khi ajo kelwut sha shing chak eq ujol ang chuwang na, etho wangru thu eq kelwut tang sha tikwat chak aa etho phanwat chak aa.

John 10:12 Referencias Cruzadas

Matthew 10:16

“Tairong laq! Ngi raq namshiq ka ara mangjong hiq na skuse kong ka shephong mong na tiikai ikha tiiki tiikang. Namshiq ka paü se ikha tsii lamshatmaq si ronglaq. Kiimaq haütaü ikha tsan ninse maq si ronglaq.

Matthew 7:15

“Arot shammibi thiikho wa honkam shat maq sirong laq. Rakhütsiri na tsangshiq ka skusetiim ikha puqsut ngo chang chang namshiq pha na watlo. Shatmaq among niika shekong ikha sitlo.

John 10:13

Amaq kham na skukong rümti ka asea awea kra skukong kaq wa chhi raü la, apaiq ka skukong baiqthü raüta, aju riihotlo. Apaiq ka amaq kham jaqshamti, atati we riimak kha maq, skukong ma apaiq mangchan ka tsimak. Kriikha maq jurai tlo.

John 10:2

Shatmaq, juwa khok mong na kilü maq watlaq, kriiti ka riikhaq li sku rümti.

John 10:3

Kriiti miika kilü kheti raq, kilü ka adi riikuq tlo. Kiimaq, apaiq raq asku kong ka, ashi shi maq, amang chong raüta hea tlo. Skukong riimin, apaiq bom ka tai tlo. Raüta apaiq raq skukong ka arümkai kinphai na sheaho tlo.

Acts 20:29

Ngi raq asap ha, i kiim tiijinho jai, namshiq phana bihea pinthum shekong kriishe misaü wan. Raüta, tsangshiq raq skuse kong ka wiita mitiiküshii baiq.

1 Timothy 3:3

Apaiq ka cheropja raa mak. Kiimaq apaiq raq ningkun ningkaq kiimung raa mak. Shatmaq, apaiq ka kiqnin tsiim nin, sobsob bombom, kiimaq wiitarü rai ari aram maq singati riichang. Apaiq raq tsiiq anyam ma süram min raa mak.

1 Timothy 3:8

Phungtu shunshea wan lam na, jaqsham khrumke damti kiimin maiqshaqtiti kli tsea chang. Tsangshiq tsantsii ka asii, tsangshiq rong arai ka athuk atsom maq singati riichang. Tsangshiq ka chechok tsampii ma ja raa mak. Kiimaq tsiiq anyam ma süram min raa mak.

2 Timothy 4:10

Demas ka mangjong rilung lamphan na kihoto she. Apaiq raq ngi ka tiishaü baiq thü raüta kihoto. Raüta, apaiq ka Thesalonia chela na wawanto. Kresens ka Galatia wang na wawanto. Kiimaq Titas ka Dalmatia wang na wawanto.

Titus 1:7

Phungtu sheati maiqla weshi she nguta sitlaq kriika, Shiikeawe jaqsham tawun howanti nguta sitlo. Kriikha maq, apaiq khum na jamlai phan mrong mra si min maimak. Apaiq tsan na ashkong tsii si raa mak. Apaiq ka mokhiq kai min khiq raa mak. Apaiq ka cherop ja raa mak. Atsan khiq raüla, jasam piqsii pheraiti ka raa mak. Atsan na kampho ma sükha tsii min rüm raa mak.

1 Peter 5:2

Shiikeawe raq apaiq skuse kong namshiq ma trüm tlaq kra, chochikhiq maq shiikum pan lanta rüm ronglaq. Adam ajo lam miika naq rüm rongkiq. Shiikeawe raq tsangshiq ka jamkhii tiichhan chhi wan ro wa, kiikha tiichhan chhi ronglaq. Sku rüm jaqsham ka laqkhaq lap ma süram lanta naq rüm rongkiq. Shatmaq lungwii tsantsii maq skuse kong ka rüm ronglaq.

2 Peter 2:3

Ara arot shrabi thun arka, shakaq kong siisaq. Arot kamasham bomtsi tri raü kra phanchan kuq raüta, tsangshiq miitu kampho amet pahea mitiidong. Shiikeawe raq tsangshiq ka man niiphü ashra baiq wan wishe. Raüta tsangshiq ka miqchup shiithen baiq wan miitu kha apho wishe thütlo. Shiikeawe ka kon mak. Asam! Apaiq raq chongthütaq krai mren, ümchaü kha ka apho kun she. Apaiq raq tsangshiq ka mitiichamchao wan she.