John 10:10 - ASII LAKDAP Bible (BSI)

¹⁰ Shatmaq, ahuk skukhok na nyap wa tlaq kriika, skukong kra huk wa, atsea wa, kiimaq ashthen baiq wa ngutli watlo. Shatmaq, ngi saükikang arka, namshiq raq aliim ale rilung kra milap laq nguta kikang.

Hawa Naga Bible 2001

¹⁰ Vguiuq jix kuex vguiuq muex, vthvy muex nuiyc tvbac gay muex ngoz tueq kaz tuex, ngaz kuex tsuingshiq rullungx tvraungx wvnc tvkoc nuiyc rullungx kuex hunghtaungx laz mlvp wvnc shueq ngoz tueq vkaz rvtauk.

Muklom

¹⁰ Ahut sha uhut eq ma, tatik eq ma etho thakchak eq ma thu aa. Etharin nga ning ma rollung kot ma kataphang, etho ahan rollung kot rangma kataphang.”

John 10:10 Referencias Cruzadas

ISAIA 56:11

Tsangshiq ka shakaq hikong ikha. Ümtin phaqsiq raümin hongto ngumak. Ara welabi thun ka taksu tsü ahü. Tsangshiq loweatek raq maiqmii raq athithi kriili klotlo. Raüta maiqmii ma amet dongchang kriili rittlo.

Hosea 7:1

Tatiwe raq ngutlo, “Ngi raq isengi, Israilnok ka tiichhanchhi wanla, lata arong awinnok ma tiija wan la nguta, tiima wan kang la, tsangshiq ngarai phong kli chhiwan tiikang. Tsangshiq liipan na arot akiq, ahuk arot jaqsham kli chhi wan tiikang. Maiqjam mong na nyapwa raüta, ahuk jawan kli chhitiikang, chiiheawea na thiimeaq daku ja tlaq kli chhitiikang.

Matthew 18:10

“Liirong laq. Namshiq raq ara atsak adoksetiim nosere ara naq tsaihai rongkiq. Ngi chongpha. Tsangshiq kheti rasetiim ka ramungtan na i We tro maq ranaiqtek khe tlo.

Matthew 18:11

Jamkhano ngukla Maiq Se kriika maiqse amo arki thun kra chhii kai nguta kito.”

Matthew 20:28

Maiq Se saükitaq kriika, maiq raq apaiq ka mishiili lii laq nguta aki riimak. Shatmaq maiqse shiililii kai kito. Kiimaq maiqse pahea khupi kai miitu kito. Akhiisii hali, namshiq min sichang.”

Matthew 21:13

Raüta apaiq raq tsangshiq ka, “Asii lakdap na Shiikeawe raq akha chongto, ‘I Shomjam ka achu jaü chang jam miraq.’ Shatmaq namshiq ara shomjam arka ahuk arot kong tiibo chang jam miishe tiija baiqho lan!” nguta sonto.

Matthew 23:13

“Namshiq ma phiiptsi chang jonghea asi, Phorisinok nai Thungtri shrinketibi le! Mongnam nok le! Namshiq raq mangjong maiqse ka Shiikeawe sengi ma jawanti wachang lam kilü kra ashaq riibaiq tlan. Namshiq maiqmii kiimin wawan man. Kiimaq nanok juwa awa wan tiima tlaq, kriiti kiimin tiiwa man maq lam ka tangta tlan!

Mark 11:17

Kra raütiishe, apaiq raq, “Asii Bomtsi na Shiikeawe raq, ‘I Jam ka mangjong maiqse tlotli ma, achu jaü chang, Asii Shomjam miraq,’ nguta chongtlo. Shatmaq, namshiq riitiq sha, ahuk arotti thun kra tiibo chang jam miishe tiija baiq holan nya!” nguta nokwe ma chongkuqto.

Luke 19:10

Maiq Se saükitaq kriika, akha amo amii arki maiqse thun kra ritkai nai atiichhiike kai saükito.”

John 10:1

Jesuq raq chongto, “Ngi raq chongtiikang arka tengteng: Maiq ümriiti riiwa sku khok mong na kilü maq wamak, shatmaq rukthaq maq jin raüta, watlaq, kriiti ka ahuk kiimaq thiimeaq.

John 10:11

“Ngi ahata maiqshaq sku rümti we. Skukong khupi ma atsai khamti we.

John 12:47

Ashi ra raq, i bom chong ara taishatshat taü maq, lang mak jiika, ngi raq apaiq ka kappe maq shin mang. Ngi ka mangjong maiqse kra ajiq alam nguta shinkai akiha ka riimak. Shatmaq, mangjong maiqse tiichhiikai miitu kikang.

John 12:6

Apaiq raq ara bom chongtaq arka, apaiq tsan mong na miitsan miijan maiqsetiim ma mangchan tiitsi raütiika riimak. Shatmaq, apaiq ka ahuk we kha maq bomto. Apaiq ka tsangshiq kampho khiiq kra hoti we. Akhing khing na apaiq raq kra taro kampho khiiq kiiwa khot raü raüta shaphaqtlo.

John 3:17

Ara jamkhano chongtiikang ngukla, Shiikeawe raq Ase ka phiija maiqse kra shra kai miitu atiiki ka riimak. Shatmaq, tsangshiq kra daake kai tiikito.”

John 5:40

Kiikhiitaü maq dongdii min, namshiq ka i puk na riikhaqli rilung lap wan miitu nyap wan ro man.

John 6:33

Ara jamkhano chongtiikang ngukla, Shiikeawe raq kuqtlaq winsii ka ramungtan maq mangjong hiq na satkito she. Raüta, phiija maiqse ma rilung kuqtlo.”

John 6:51

Ngi ahata ramungtan wa asaüki atra tsitsü raü winsii. Jurwa ara winsii ara miphaq, kriiti ka pattup pat-sa atrali she misi wan. Ngi raq apaiq ma winsii mikuqha ngutiikang arka, i han ngam phu ara mikuqha. Ara i ngam phu kuq tiikang arka, mangjong maiqse ka atra tiisi wan miitu kuq tiikang.”

Romans 2:21

Namshiq raq nanok ma shrinkuq tlan. Riita, namshiq maiqmii riika jamto shrin wan man? Namshiq raq nanok ma, “Ahuk naqja rongkiq” nguta traho kuq tlan. Shatmiitiq, namshiq maiqmii riili, ahuk jawan tlan nya?

1 Timothy 1:15

Riita arkha maq, Khristo Jesuq ka mangjong hiq na, ngarai maiqse chhii kai nguta satkito, nguta chongtlaq arka tengteng dea ngutiishe sap tiikai. Ara tengtlaq bomtsi arka maiqse angu wiitarü raq lang chang. Raüta Khristo ma kamwan chang. Riita ngarai maiqse phong na, ngi ahata naolaq pinthum, ngarai bu hoti, akaü ashi nguta siwan kang.

Hebrews 6:17

Shiikeawe riika jumo, apaiq raq phanshi ra mikuq ha nguta bomkham tlaq, kriika poimak phan she, nguta chongke rii na, kriiti tsantsii tiisangke miitu, apaiq kiqkham kongphiq thop ka, apaiq raq sinkham bomtsi maq hali tiipat raüta tiipha khakuqto.

Hebrews 7:25

Kiimaq, apaiq ka pattup pat-sa atrali she sitiwe. Kriikha maq, ümchaü sanha, maiqse angu ümchuwa Shiikeawe wokhong na, Jesuq mang chong raüta wawan tlaq ti thun kra, apaiq raq tiichhii kuq wan ruq lishe miraq. Ara jamkhano ngutiikai ngukla, apaiq ka ümchaü Shiikeawe man na, maiqse miitu kiimwe miishe jawanto.

2 Peter 1:11

Akha sihan jiila, Shiikeawe raq namshiq ma nashiq Tati Jesuq Khristo sichang pattup mungtan jam kiijaq siwan dam miitu kilü dije maq mikhe.