John 10:1 - ASII LAKDAP Bible (BSI)

¹ Jesuq raq chongto, “Ngi raq chongtiikang arka tengteng: Maiq ümriiti riiwa sku khok mong na kilü maq wamak, shatmaq rukthaq maq jin raüta, watlaq, kriiti ka ahuk kiimaq thiimeaq.

Hawa Naga Bible 2001

¹ Yesu rueq, “Ngaz rueq nuimshiq muex vsuing jungx kuq ix, khelbuenx ruk mungx nuex kaluix maq nyuip muq maq, ruk htauk maq kvlek nyuip jix waz kuex vguiuq waz rvtueq.

Muklom

¹ “Nga nim ma asing sing batphang, kelwut palmong kalung o nop moq ang eq khúng eq noptey ahut etho miq rontey.

John 10:1 Referencias Cruzadas

JEREMIA 14:15

Ngi, Tatiwe raq ümniima chongtiikang, Ngi raq tiikimang riishatmaq, tsangshiq raq imang shaphaq raüta, armung na re min dong mak miraq kiimaq ram min dongmak miraq, nguta tsütsittlaq kra ningkhan, Ngi raq tsangshiq ka re dong na mitiijiip baiqha. Kiimaq ram tiidong lata ram ma tsangshiq ka mitiitsaiha.

JEREMIA 23:21

Tatiwe raq nguto, “Ngi raq ara shammibi thun arka bom tiichongkai tiiki mang dea. Shatmaq tsangshiq ka kihoto. Ngi raq tsangshiq ma jamlai tsütsa min kuq mangdea. Shatmaq tsangshiq raq imang shaphaq raüta traho kuq wanto.

JEREMIA 23:32

Tairong laq, Ngi Tatiwe raq chongtiikang ara! Ngi ka shammibi ümriiti riiwa tsangshiq rawama, arot akiq thun kra chongketi kra pinthum ngeng tiikang. Tsangshiq raq ara rawa ma thun kra chongkuqtlo, kiimaq tsangshiq arot bomtsi chongkuqtlaq kiimaq tsangshiq shiikong tlaq kra lümaq isenginok ka lamjiq na sheahotlo. Ngi raq tsangshiq ka tiiki mangdea. Kiimaq tsangshiq ka kironglaq nguta aming min kuq mang dea. Kiimaq tsangshiq ka mungmaiqse ma jamlai achu min ahü. Arka Ngi, Tatiwe raq ngutiikang.”

Yoel 2:9

Tsangshiq raq chela kiimin teimak longliiq wantlo. Tsangshiq raq chela peruk jinwan tlo. Tsangshiq raq maiqjam maiqwak kra, wiita bok wan tlii wawantlo. Rongkhü kilü pu thun kiimaq, ahuk nyap wan ikha, maiqjam mong na tiiphong miitsok.

Matthew 7:15

“Arot shammibi thiikho wa honkam shat maq sirong laq. Rakhütsiri na tsangshiq ka skusetiim ikha puqsut ngo chang chang namshiq pha na watlo. Shatmaq among niika shekong ikha sitlo.

John 10:7

Kriikha miishe, Jesuq raq tsangshiq ma akha chongkuqto, “Ngi raq chongtiikang arka tengteng: Ngi ahata skukhok kilamchong.

John 3:3

Kiijiishe, Jesuq raq treto, “Ngi raq chongtiikang arka tengteng: Maiqse raq rawü thong nai chhi mak wiiwii, jurmin Shiikeawe Mungtan ka chhiwan lot mak.”

Romans 10:15

Kiimaq, Shiikeawe raq apaiq tsütsa ahea kra, chiiriim raüta chongke wan miitu, bin na tsütsa chongke wantibi tiikai hü miika, juro michong kuq wan? Arka, Asii bomtsi na, “Tsütsa ahea chongke wantibi saü wan tlaq kriika, pinthum ahea riito!” nguta chong tlo.

Romans 16:18

Akha hon atsii rümti arka, nashiq Tati Khristo jaqsham kewanti ka riimak. Tsangshiq arka maiqmii wokpo tiipao wan lam lu kra rit wanti li. Tsangshiq raq bom ka kai tiisum raüta, chongkuq tlo. Kiimaq maiq ka jutjü wantlii maq shomrasiq wantlo. Akha trahokuq tlaq ara lümaq, tsangshiq raq, juwa ajiq alam kra tsea tsiiq wan tsin makti ka, tsangshiq raq lamjiq nü na laolii holili riitlo.

Titus 1:11

Tsangshiq raq ajiq traho bom chongkuq tlaq kra, ümniiraq atiiwin riilaq. Tsangshiq raq lamjiq bom chongke wan kha maq, Phungmaiqse maiqta pahea, kamtsantsii ka tiipheng baiq hoto. Tsangshiq raq kra chongkuq mak chang, ajiq tri chongkuq tlo. Kriika tsangshiq maiqmii wokpo miitu, kampho lap ma nguta chongkuq tlo.

Hebrews 5:4

Ju riimin ramwe ajong jaqsham ka maiqmii raq rit mak phan. Shiikeawe raq Aron ka jamkho shongtaq kiikhiisiitiq shong chang.

1 Peter 1:10

Riita ara chong tiikai tiichhii wan rilung ara miitu tiina, man na pat wa shammibi thun raq kai rashi hiqwia maq ritkot wantaq. Raüta tsangshiq raq ümchaü namshiq raq Shiikeawe kongphiq pattup pat-sa rilung lap wan lan ara tiithai chong kuq thiito.

2 Peter 2:1

Man na Israilnok phong na arot shammibi pahea asi riito. Kra niq riri sii hali, jai maq namshiq Phungmaiqse phong niimin arot shrabi pahea midong. Raüta tsangshiq raq namshiq Phungmaiqse phong na ajiq bomtsi michong kuq wan. Tsangshiq raq arot akiq kiimaq kamtsantsii tiithen baiq chang bomtsi kra michong kuq. Raüta namshiq liipan na ajiq bomchong kriimaq mitiinyam. Raüta tsangshiq ngarai mong wa Chhii wanti Jesuq Khristo kra dongdii min wiita Tatiwe riimak nguta mishipoq. Raüta tsangshiq ka tiihang hiiq miili tiimiqchup thenkai chang thiikho bok kra mithu.

2 Peter 2:3

Ara arot shrabi thun arka, shakaq kong siisaq. Arot kamasham bomtsi tri raü kra phanchan kuq raüta, tsangshiq miitu kampho amet pahea mitiidong. Shiikeawe raq tsangshiq ka man niiphü ashra baiq wan wishe. Raüta tsangshiq ka miqchup shiithen baiq wan miitu kha apho wishe thütlo. Shiikeawe ka kon mak. Asam! Apaiq raq chongthütaq krai mren, ümchaü kha ka apho kun she. Apaiq raq tsangshiq ka mitiichamchao wan she.

1 John 4:1

Lungwii phunainotiim lei, Wenyi ningkun lapkai she nguta ümchuro tiitsaki tlaq, kriiti wiita ma akamsea nguli ka naq kam rongkiq. Shatmaq tsangshiq khum na sitlaq wenyi ka riikhaqli Asii Wenyi Shiikeawe raq akuq dea sha, riimak wa, kra samhea chechiip rong laq. Ara jamkhano ara chongtiikang ngukla, arot shammibi ka pahea powan raüta, barap binrii niishe nyam wanto.