John 1:41 - ASII LAKDAP Bible (BSI)

⁴¹ Apaiq ka aphu Petar rai kongkhu riihumsaq raüta, “Naphu loi nainai raq Messia rai riihumkai,” nguta apaiq ma bom ka chongto. (Messia ngutlaq kriika Khristo ngo nangnga riito.)

Hawa Naga Bible 2001

⁴¹ Kvkaq yauk lox maq vphuz Simon rulc rvhumc vtueq, “Mesia rulc nvnueyc rvhumc tiq,” ngoz tueq. (Mesia ngoz yaq kuex Christu ngoc bomc rvtueq.)

Muklom

⁴¹ Piq aa jakho upho Simon jamoq tachong eq piq ma batta, “Í aa Messiah kap khiti.” (Messiah ta Khristo).

John 1:41 Referencias Cruzadas

2 HOKHVMX 7:9

Shatmaq kiijiishe, tsangshiq liipan na akhiishe riichongto, “Nashiq raq akhiika klo maichang! Nashiq raq nanok ma tsütsa ahea ara tiitai chang. Arka nashiq raq anap ranaptiq michong rong i nguta khehai jiila, nashiq raq moho chang midong. Arningkhan nashiq ka tlothit kilaita hokhamwe sengi ajong alabi ma chongki rong i!”

Tvtsvmc 2:2

Tsang hokhambi maiqmii wela ja phetrang hoto, tsang tuwebi ka adam riitam raüta Tatiwe nai apaiq raq ashong hokhamwe kra khat miitu redong süriitlo?

Tvtsvmc 45:7

ümniiraq riikhaqli jaqsham kra lungwii tlaü; kiimaq abi kiimung ka tsaihai tlaü. Arningkhan Shiikeawe, üm Shiikeawe raq ümniika tsea wanto raüta hokham ahinti thaq na ümniima asho awo chochi kuqto,

Tvtsvmc 89:20

Ngi raq ijaqshise Dawit ka hokham ma shongkang akhum na asii tel maq nyat lata.

ISAIA 11:2

Tatiwe wenyi raq apaiq ma taksutsii mikuq, kiimaq asenginok peng wan miitu apaiq ma anyan phaqchi nai jaqsham sma mikuq. Apaiq raq Tati tiima tsantsii kra mikhon; kiimaq apaiq ma shreng manto thüshat miraq.

ISAIA 61:1

Ajong Thaq Na Ajong Pinthum Tatiwe raq ngi ka apaiq wenyi maq asho awo she rom wanto. Apaiq raq ngi ka atsea raüta tiikito Miitsan maiqse ma tsütsa ahea sokekai, Atsan awok bunlak chamchaoti tiiheakekai, Kharüi mong na siti ma diikuqto she nguta tiitaikai, Kiimaq phaqtek mong na siti dokdakekai tiikito.

Matthew 1:23

Bomtsi ka akha tiichongto, “Junrii junsang se ashi raq asewok miho. Kiimaq ase ka maiqwe se michii. Kiimaq no mang ka Immanuel nguta mimang (kra liichum ka Shiikeawe nashiq rai nguta ngo.)”

Luke 2:17

Sku rümti kong raq, no ka chhiwa raüta, Meriq nai Joseph ma rasetiim raq tsangshiq ma, no ka miitu jamlai bom wa chongkuqtaq, kra tsütsa ka tsangshiq ma tiitai kuqto.

Luke 2:38

Kra akhing bala riikhaqli, apaiq ka Shomjam na saükito. Raüta, noshii miitu, Shiikeawe ma kechu tumto. Kiimaq, Jerusalem ka Shiikeawe raq maiqjaq khon mong wa mitiichhii kuq nguta kamwan raüta khe wanti ma, noshii rilung manphan kra chongkuqto.

John 1:45

Kiimaq Philip ka Nathaniel rai riihumto. Raüta, apaiq ma chongto, “Naishiq raq Najareth hiqti Joseph se, Jesuq rai riihumkai. Apaiq miitu ka Mosheq raq Thungtri lakdap na waiq thüto. Kiimaq, shammibi riimin waiqthüto.”

John 4:25

Kiijiishe, Jechak nyung raq Jesuq bom ka treto, “Ngi raq asap ha, Khristo ka misaüho she. Apaiq she saüki raüla, naishiq ma phanrap she michong kuq.”

Acts 10:38

Najareth hiqti Jesuq ma Shiikeawe raq, Asii Wenyi nai ningkun ka asho awo kuqtaq kriimin ümniiraq asap haü. Krai mren, apaiq ka barap na khum raüta, maiqse ma jaqsham ahea pahea shamkuqto. Kiimaq Tha kharü mong wa maiq atsi asiti thun ka pahea tiihea kuqto. Shiikeawe ka apaiq rai asi kha maq, maiqse ma atin khan jaqsham ahea shamkuqto.

Acts 4:27

Ara chongtlaq arka riikhaqli she dea teng wanto. Herod nai Pontias Pilat ka ara chela na Pongmung maiqse nai Israilnok welabi rai, adam na reraü shi maq pong raüta, ümbom taiti asii ümluqkhapse Jesuq, ümniiraq apaiq ka Khristo ma shong laü we kra ngeng seng wanto.

1 John 1:3

Naishiq raq jamlai wa chhi kai kiimaq jamlai wa tai kai kra hali namshiq ma tiitai chong kuq nong tiikai. Riita ara phanchan kuq tiikai arka, namshiq riimin naishiq rai adam na Awe nai Ase Jesuq Khristo rai kongshi kiimshi maq singa tiikai kiijaq mipong dam laq nguta chongkuq tiikai.