John 1:4 - ASII LAKDAP Bible (BSI)

⁴ Apaiq ka rilung rangchong. Kiimaq ara rilung raüchong arka mangjong maiqse ma rawüli.

Hawa Naga Bible 2001

⁴ Bomjungc kuex rullungx thuiuzthuic pauk rvtueq, kvruex rullungx kuex miqsaz tvkoc vwuic rvtueq.

Muklom

⁴ Piq o rollung angta etho rollung tha miqtang rangma alit angta.

John 1:4 Referencias Cruzadas

Tvtsvmc 49:6

abi maiqse kong tsang tsiiq ma kamtibi raq kiimaq tsang tsiiq tum ma shiikongti ma haimang.

Tvtsvmc 84:11

Tatiwe ka nashiq tiiwongti kiimaq achhai anyii hokhamwe, nashiq ka lungwii maq nai shreng maq shiimantlo. Apaiq raq riikhaqli jaqshamti ma ahea awa phan kene khunnii mak phan.

ISAIA 42:16

“Ngi raq isengi makchukti thun mishun sheaha, tsangshiq raq jangshi min khum mak lam thun maq. Ngi raq tsangshiq ranyaq ka rawü ma mitiijaha, kiimaq tsangshiq khaki na rumtang lam thun ka, nyeadang danghea mitan kuqha. Arthun ara ikiqkham raüpot, kiimaq bom poshi min tiikhoi mang maq mitiiku wanha.

MALAKI 4:2

Shatmaq namshiq ibom taitai siti miika, kra ranaiq na ngi tiichhii wan ningkun ka rashe kiitlaq ikha, namshiq khuthaq na mililiim wan. Raüta namshiq ma khusang maq siwan miitu rashekiili ikha mikii kiimaq rashekii chai ikha namshiq khum na ra miwiikuq. Kiimaq namshiq ka wase miishe mija han kiimaq khoqriiq shishiiq, minsaü setiim minsaütiip mong wa nyiim tiiphaq kai kilü dibaiq kiijaq riichunchea tlaq ikha michochi han.

Matthew 4:16

Ranyaq mong na siti maiqse raq, rawü li jonghea ashi she michhi wan. Atsai ranyaq nyang na siti ma, rawü li jonghea ashi she mili liim wan.”

Luke 2:32

Apaiq ka Pongnok phan maiqse ma, Ümrawü li tiichhike wanti, Apaiq ka ümsenginok Israil mung ma, ümkhushü jonglu kra tiichhike wanti.”

John 11:25

Kiijiishe, Jesuq raq apaiq ma chongto, “Ngi ahata amaa wa dong wan ningkun tu kiimaq rilung tsitsü raü chong. Jurwa ngi ma kam tlaq, kriiti ka atsai jai min atrali she misi.

John 12:35

Kiijiishe Jesuq raq tsangshiq bom ka treto, “Namshiq ma rawüli ka heashili she mili. Rawüli asi bala, namshiq ka rawü lam phan tlan kra, phan ruq phan lantli si ronglaq. Ranyaq raq namshiq ka pang wan tlo jiiq. Juwa ranyaq mong na khum tlaq, kriiti riika, apaiq ka ümnüno kihotla, kriika sap mak.

John 12:46

Ngi ara mangjong hiq na kikang arka, maiqse ma rawü tli kekai nguta kikang. Krai mren, jurwa ngi ma kam tlaq, kriiti ka ranyaq nyang na simak she miraq.

John 14:6

Kiijiishe, Jesuq raq “Ngi ahata lam. Ngi ahata tengteng bomtsi. Kiimaq ngi ahata rilung tsitsü raü. Ngi ara tlea raüta, Awe pha na jumin walot mak.”

John 3:19

Shiikeawe raq mangjong maiqse shin chang kappe ka ara: Rawü ka mangjong hiq na saükito she. Shatmaq, mangjong maiqse raq ranyaq mong na si kli lungwiitlo. Kra jamto lungwiitla ngukla, tsangshiq ka ashut jaqshamti kha maq lungwiitlo.

John 5:21

Awe raq maiqse ka amaa wa tiijangtlo. Raüta tsangshiq ma rilung tsitsü ka kuqtlo. Kiikhiisii hali, Ase riimin apaiq raq ümriiti miiwa rilung tsitsü kewan lungwii tlaq, kriiti ma rilung tsitsü ka kuqtlo.

John 5:26

Awe ka tarü ma tsitsü raüchong. Krai mren ngi, Ase armin tarü ma tsitsü raüchong.

John 8:12

Jesuq raq Phorisinok ma thongshi ri hali akha chongkuqto, “Ngi ahata mangjong maiqse ma rawü li. Juwa i puk na nyap tlaq kriiti raq rilung rawü milap wan. Kiimaq ümtiikiimin ranyaq mong na khum mak she miraq.”

John 9:5

Mangjong hiq na ngi sitiikang bala na, mangjong maiqse ma rawü li ka ngi.”

Acts 26:23

Tsangshiq riimin: Khristo ngutlaq kriika ka pinthum chamchao wan chang dongdii miraq, nguta chongthüto. Raüta apaiq ka mitsai. Raüta apaiq ka tarü thaq na apha shaqshaq amaa wa dong wanti we miraq. Kiimaq Jehudinok ma nai Pongnok phan maiqse ma tiichhii wan rawii lam phan kra chongke wanti we miraq nguta chongkuq thüto.”

1 Corinthians 15:45

Asii bomtsi na, “Maiq phan angu wa apha shaq shaq we Atam ka, atra wiitsitsü tiiqto,” nguta chongtlo. Shatmaq atiisupti we Atam ka maiqse ma tsitsü raü keti we, Wenyi maiqse.

Ephesians 5:14

Jamlai wa rawüli niishe phong baiq tlaq, kriika tarü raq rashra she. Apaü chang ka jam min ahü she. Kriikha maq, Asii bomtsi na akha chong tlo, “O, akonti lei sam liishe na, laüta ümchaü sanha, amaa wa dong tlo liishe, ümkhum na Khristo she mililiim.”

Colossians 3:4

Namshiq rilung chong ka Jesuq Khristo. Krai mren, apaiq ka ümra ranaiq akhing niiwa saüho tlaq, kra akhing na namshiq min apaiq rai achhai anyii miishe misi wandam han.

1 John 1:1

Naishiq raq namshiq ma rilung Bomtsi manphan waiq tiikai. Ara Bomtsi arka man na rapha hiq wa niiphü asi dongdii. Naishiq raq ara tsütsa ka tai wan kai. Kiimaq naishiq raq maiqmii mak maq chhi wan kai. Ara chongtiikai arka tengteng. Naishiq raq chhi wan kai kiimaq naishiq jaq maq sham kai.

1 John 1:2

Ümtiikiiwa ara rilung ka mak maq chhili chang she maiqse ma pokitaq, naishiq raq apaiq ka chhi kai. Kra ningkhan, naishiq raq apaiq Tsütsa ara chong tiikai. Kiimaq pattup pat-sa rilung, Awe rai sitlaq, kiimaq kra rilung ka ümchaü nashiq ma tiichhi kuq tlaq kra manphan chongkuq tiikai.

1 John 5:11

Riita nashiq raq hakhi kuq tiikai arka ara: Ümchaü sanha, Shiikeawe raq nashiq ma pattup pat-sa rilung tsitsü ka kuqto she. Kiimaq nashiq tsitsü rilung rangchong ka, Ase kra ngutiishe nashiq raq sap wan kai she.

Revelation 22:1

Rase raq ngi ma atra rilung tsitsü khamrai kiimin tiichhikuqto. Kra khamrai ka longseng chhai rai tlaq ikha wüjangjang hea achhai anyii. Kiimaq kra khamrai dong chang kuk kriika, Shiikeawe nai Skuse hokham ngachang ngacho takiq na.

Revelation 22:16

“Ngi, Jesuq raq i rase ka arthun tsütsa ara namshiq phungtuti ma mitiitai kuq laq nguta tiikikang. Ngi ka Dawit weraü lai. Ngi ka Ranap Saiqwüpo.”