John 1:38 - ASII LAKDAP Bible (BSI)

³⁸ Jesuq raq ajai nü na liito. Raüta tsangnai ka apaiq jai na awarai chhito. Kra chhi raüta Jesuq raq, “Nam nai raq jamlai wa rit tlan?” nguta tsangshiq ma waito. Tsangnai raq, “Rabbi, ümniika ümbano sitlaü?” nguta apaiq ma waito. (Ara liichum ka Shrinketi we nguta ngo riito.)

Hawa Naga Bible 2001

³⁸ Yesu rueq yix kox nuex nyez lawc koq tueq tsuingnueyc rueq vpiq yix phvnx naungx yaq kuex khiz vtueq, “Nuimnueyc rueq yvmx lac thuiyx vshuinx?” ngoz tueq wiz tueq. Tsuingnueyc rueq, “Rabbi mnoz m-yuq lac httax vtuiux,” ngoz tueq wiz tueq. (Rabbi ngoz yaq kuex “Tvluingc waz” ngoc bomc rvtueq.)

Muklom

³⁸ Jesu ngik eq ningni tha piq jio kapha tha khi eq ning ni ma batta, “Nim ni aa chamlang bi shin?” Ning ni aa thawel batta, “Rabbi, nang barina tong u.” (Rabbi ta tatalteywa).

John 1:38 Referencias Cruzadas

1 HOKHVMX 10:8

Ümchaktiim ka kai kopan jonghea nyungre! Kiimaq ümjaqshisetiim kong wranaiqtek ümnaq shiiliti ka kopan jonghea kong siisaq. Tsangshiq raq ümnyan phaqchi chongkuq tlaü kra taisiqtlo!

Tvtsvmc 27:4

Ngi raq Tatiwe jaq wa phanshi jaükang; phanshi se lamlam kli ngi ma ratlo: Tatiwe jam na irilung pattup siwan kli rotiikang; lata kiijaq apaiq thuktsom kra maosea ma kiimaq apaiq tsii chong kra jaü ma.

TAKSU LAK 13:20

Maiqshaqti rai riikongti ka, maiqshaq ma mija wan. Maiqjiqti rai riikongti ka athen mirki.

TAKSU LAK 3:18

Nyan phaqchi rümti ma kechu jonghea, nyan phaqchi raq tsangshiq ma, rilung mikuq.

TAKSU LAK 8:34

Jurwa i bomchong taitlaq, kriiti ka khoqriiq shishiiq misi. Jurwa ijam kilam chong na ngashat maq, wranaiqshe khe raüta sitlaq, kra chochikhiq misi.

AJONJÜ 5:19

Shatmaq O Tatiwe lei, ümniika pattup pat-sa hokham. Ümniiriika phangthum na saüli, mung mirüm wan haü.

Luke 10:39

Kra nyung ma ano nyungshi asi riito. Amang ka Meriq. Apaiq ka Jesuq jichong na nga raüta, apaiq bomchong kra taito.

Luke 14:25

Jangshi akhing hali, maiqkong ka pahea pahea, Jesuq rai adam na awa rai riito. Kra akhing na, Jesuq raq tsangshiq pha nü na lii raüta, tsangshiq ma akha nguto,

Luke 15:20

Kra tiima wantaq krai mren, apaiq ka kra mung wa tiido wan raüta, awe phaniishe jang wanto.” “Apaiq ka jam maq luhea na awarai niili, awe raq apaiq ka chhito. Ase ka chhi raüta, awe tsan na ase miitu, kai mangchan tsito. Krai mren, awe ka juju kiraüta, ase ka akhuk na pomsaq pomhotlii riito. Raüta, ase theaphi na shupto.

Luke 19:5

Krai mren, Jesuq ka kra ba niishe saüho raüta, apaiq raq ra nü na liito. Raüta, Jekias ma akha bomto, “Jekias, satki tlo laq. Ümchaü ranaiq ngi ka ümjam na dü wan ra dongdii.”

Luke 22:61

Kiijiishe Tatiwe raq Petar pha nü na tro raüta liito. Kiimaq Petar tsan na Tatiwe raq apaiq ma, “Athi rawa wu miwa shaq liipan niili, ümniiraq ngi ka juwa sapmang nguta, jangtsam mitiishaü haü,” nguta chongtaq bomtsi kriishe atsan na dongto.

Luke 8:38

Maiqwe, akhum wa tha jobaiqtiiwe raq, “Ngi ka ümniirai wadam pha,” nguta Jesuq ma tiipaiq neato. Shatmaq, Jesuq raq apaiq ma akha tsii chongkuq raüta tiiwato,

John 1:37

Krai mren, ajaqshi se nai raq apaiq bom kra taito. Kiimaq tsangnai raq Jesuq jai she phan wanto.

John 1:39

Kiijiishe, “Wrong i na. Ngi si chang ka liiwa rongkiq,” nguta apaiq raq tsangnai bom ka treto. (Kra akhing ka raji, ramwacho she riito.) Krai mren tsangnai ka apaiq rai, apaiq sichang na wawan damto. Raüta shethiq ka kiijaq haisiq damto.

John 1:49

“Shrinketi we, ümniika Shiikeawe Se kha na! Israilnok Hokham we ahata!” nguta Nathaniel raq apaiq bom ka treto.

John 12:21

Tsangshiq ka Philip pha na wato. (Apaiq ka Gelili wang na Bethsaida hiqti riito). Raüta, apaiq ma, “Shiilang we lei, naishiq ka Jesuq rai riihum ro tiikai,” nguta bom ka tiitaito.

John 18:4

Jesuq raq apaiq ningthoi ranaiq akhing ka saü wato she nguta sapshat. Kriikha miishe apaiq ka tsangshiq khaki na dongchhaq raüta, “Namshiq ka ju rit wa awa han wa?” nguta tsangshiq ma waito.

John 18:7

Kiijiishe, Jesuq raq jangshi ri hali, “Riita, namshiq ka ju rit wa awa hanjiq ngu kai?” nguta hali tsangshiq ma bom ka wai nongto. “Najareth hiqti we Jesuq rittiikai,” nguta hali tsangshiq raq apaiq bom ka tre nongto.

John 3:2

Rawashi apaiq ka Jesuq phana kito. Raüta, apaiq ma bom ka akha waito, “Shrinketi we, naishiq raq ümniika Shiikeawe raq atiiki shra we nguta asap hai. Ümniiraq awang chang jaqsham tlaü arka, Shiikeawe raq pongdam mak ngu raü ka, juwe riimin klo lot mak.”

John 3:26

Kriikha maq, tsangshiq ka Johan phana waraüta, apaiq ma chongto, “Shrinketi we, ümtsan na tiitsangshat li riimak sha, Jordan raire shedong nü maq, ümniirai riihumtiiwe ira? Apaiq bom ka naishiq ma chong kuq laü we irchong? Lii maüta, apaiq raq nanok ma kham lamkuqtlo. Kiimaq nokmaiqse wiitarü ka apaiq jai phan wanti siisaq she, apaiq jai na warai wanto!”

John 4:31

Kiimaq ana ajaqshisetiim raq apaiq nangnga, “Shrinketi we, dung ka phanshi ra siili jiimin phaqsiq liina!” nguta tiipaiqnea rai lam maq chongto.

John 6:25

Kiimaq nokmaiqse kong Jesuq ritwan wataq kra raq, Jesuq ka thamchumkii hiq ba ahin niishe hum raüta, apaiq ma, “Shrinketi we! Ümniika ana ümtiiko saüwa laü?” nguta apaiq ma waito.

Acts 10:21

Krai mren, Petar ka wukhu maq hiq niishe satkito. Raüta, “Namtsam raq rittlan we ka ngi ahata. Namtsam, ka jamlai mra na akihan wa?” nguta tsangshiq ma waito.

Acts 10:29

Riita, ümchaü min ara chong tiikang arkha maq, ümniiraq ngi tiiheaki laü krai mren, jamlai miimin tiithudu mang maq, ajaq ümjam na sawa kang. Riita, ümchaü min, ümniiraq ngi ka jamlai miitu wa tiihaiki laü kriishe chong laq.”

RUTHA 1:16

Shatmaq, Rut raq apaiq bom ka akha treto: “Ngi ka naqthu liiqkiq! Ijai naq phankiq nguta kiimin naq ngukiq! ümnaq ümbano wa tlaü, kiijaq ngi min miwaha; ümnaq ümbano lam jap wan tlaü, kiijaq ngi min mijap wan ha. Ümphan ümmaq ka iphan imaq miraq; üm Shiikeawe ka i Shiikeawe she miraq.