JEREMIA 8:19 - ASII LAKDAP Bible (BSI)

¹⁹ Taironglaq! mung tlot li raq, Ngi raq inok ita aho anyi trang taitiikang; “Riita Jajon chela na Tatiwe ka ahü shea? Jajon riimti hokhamwe ka kiijaq ahü she shea?” Kiijiishe tsangshiq, Tatiwe, tsangshiq hokhamwe raq tretlo, “Namshiq ngi ka sumla phra thun noq lantea, itsan ka jaram wa tiikhiq lan? Kiimaq athü ahü pongmungti sumla phra thun noq lantea, itsan jaram wa tiikhiq lan?”

Hawa Naga Bible 2001

¹⁹ Tay shuinz! Lvmx luz mungx maq ngvy miqsaz guyc sez yaq kuex ngaz rueq tay tauk. “Yehowa kuex Zion nuex httax muq shex haz? Zion hokhvmx waz kuex kvyuq vguez shex haz?” Tsuingshiq hokhvmx Yehowa rueq tvralc tueq, “Nuimshiq rueq yvmx ngoz tueq lac yac yuimx htenc nuiyc pungmungx wawc khuec guez tishox htenc kuex nawk vtueq ngvy thuinkhvy naq vphuinx?”

JEREMIA 8:19 Referencias Cruzadas

Tvtsvmc 135:21

Tatiwe tiitsam ronglaq Jajon hiq maq, Jerusalem na, apaiq jam maq. Tatiwe tiitsam ronglaq!

Tvtsvmc 137:1

Bebilon mung na jürai thun kii na naishiq ngakai; laita naishiq hoqtrangkai Jajon tiima laita.

Tvtsvmc 146:10

Tatiwe ka pattup pat-sa miitu hokham. O Jajon lei, üm Shiikeawe raq pattup pat-sa mung misiq. Tatiwe tiitsamlaq!

Tvtsvmc 149:2

Chochi ronglaq Israil lei, jamkhano ngukla üm Phansangtiwe asi; chochi ronglaq, Jajon hiqti lei, üm hokhamwe asi!

Tvtsvmc 31:6

Ümniiraq arot phra kong shomnoqti tsaihai tlaü, shatmaq ngi ka ümniima kamtiikang.

ISAIA 1:4

Ümniika miqlaü she. Ümniika ngarai kaq mung ashi. Ümniika ashe kiimaq abi pinthum! Ümngarai riilishe ümniika patbaiq wanto! Ümniiraq Tati, asii Israilnok Shiikeawe kriika no na tsuqbaiqlaü. Laüta ümniiraq apaiq ka jainong nümiishe shungbaiqlaü.

ISAIA 12:6

Jajon na siti wiitarü raq rütrang ronglaq, lantea shi ronglaq! Israilnok asii Shiikeawe ka jonghea, kiimaq apaiq ka asenginok rai sitlo.”

ISAIA 13:5

Tsangshiq ka ratsüko mung thun wa, hiqraikhü tiisup mung thun wa saü wantlo. Atsankhiqtsi ma Tatiwe ka kra mung ka hiq maq hutse tiithenbaiq miitu saü wantlo.

ISAIA 33:22

Kra mokkiitu thun thaq na shongtlaq khea chan chang raütu phong chantlaq kriika atuli she miraq. Khea rahai ma tiithu raüta mokkatu tiikhum chang kriimin chanlot mak she miraq! Nashiq raq renok mokkiitu wa tsiiq tum thun ka tlotli milap wan rong i. Kra sepat lopi tsiiq ka pahea kha maq aküwe rii saqseng min asi. Tatiwe apaiq kli she na mung na hokham miraq. Apaiq raq nashiq mipeng wan. Kiimaq nashiq ka mitiiwong kuq wan.

ISAIA 39:3

Kiijiishe shammiwe Isaia ka Hokhamwe Hejekia phana wato. Raüta waito, “Arwetiim arka ümba maq aki wa kiimaq tsangshiq raq ümniima jamlai bom asa wa chongta?” Kiijiishe Hejekia raq treto, “Tsangshiq ka maiq mung luhea wa aki. Bebilon mung wa.”

ISAIA 52:1

Jerusalem lei, ningkun shoqlaq laüta thongshiri ajong ma janonglaq! Asii Shiikeawe chela lei, achhai anyii miirii tiimiikhiiq nonglaq! Thatsang maiqse ka üm kilamchong thun mong na nyapmak she miraq.

JEREMIA 10:15

Tsangshiq ka thiihü hiq tili krai mren shipoqpoq no na tsuqbaiq changli; Tsangshiq ka Tatiwe saühotlaq akhing na wiita ashthen mirbaiq.

JEREMIA 14:19

Tatiwe, riita ümniiraq Juda mung ka tiishaübaiqtlii dea shea tiishaübaiqlaü? Ümniiraq Jajon chelati ka shukhiq dea shea shuho laü? Ümniiraq naishiq ka tiinamtok langlang jam nguto tiiqbaiq laü? naishiq motsi ka ahea min healot mak she? Naishiq raq hansang singa miitu rit tiikai, shatmaq jamlai min ahea saümak; naishiq raq mung atsing mirwan ahiq nguta ran tiikai, shatmaq phiiptsi chang rahai kli saü wan ruqruq.

JEREMIA 14:9

Jam nguto ümniika maiqwe ashi tiihanghiiq maq atiihangrat ikha jam nguto jaki laü? phenla weshi ningkun ahü maiq khrum kuqlot mak ikha jam nguto jaki laü? Tengteng, Tatiwe lei, ümniika naishiq rai asi! Naishiq ka ümsenginok; naishiq ka naqbaiqthükiq.’”

JEREMIA 2:5

Tatiwe raq akha ngutlo: “Namtitiim raq ngi tiishutphit chang mra jamlai wa humta? Tsangshiq ka iwokhong wa jam nguto juhota? Tsangshiq raq thiihü sumla phra thun noqto; raüta tsangshiq kiimin thiihü ma jakito.

JEREMIA 27:10

Tsangshiq raq namshiq ka laotlo. Raüta namshiq ka pongmung na luhea na munglu shumwi ma mitiitsuqbaiq wan. Ngi raq namshiq ka ajo mirbaiqha. Krai mren namshiq ka wiita mithen wan han.

JEREMIA 31:6

Kriika tengto, akhing misaü wan, rawa kinkhetibi raq Ephraim wang kinthun maq, ‘Nashiq ka Jajon chela na nashiq Tatiwe, Na Shiikeawe phana kirong i’ ngutiishe miriim wan.”

JEREMIA 32:30

Man na tsang mung ka dongpha wanji niiphü, Israilnok mungti nai Juda mungtinok raq itsan ka tiibi wanto. Raüta tsangshiq jaqsham ashut aphit klo wantaq kra lümaq itsan ka tiikhiq wanto.

JEREMIA 7:19

Shatmaq riikhaqli maq liiwan raüka, tsangshiq raq ngi dea shea tiichamchaotla? Riimak. Tsangshiq raq maiqmii raq khoti mo hotlo. Raüta tsangshiq khuthaq na jeasi ngaü chang lamlu kli tanwantlo.

JEREMIA 8:20

Mungmaiqse ka akha hoq trangtlo; “Raju min leawanto she, tsamjut min tumto she, shatmaq nashiq ka ümchaü min mitiichhii shaqli.”

JEREMIA 9:16

Ngi raq tsangshiq ka maiq pong mungti thun mung luhea na, tsangshiq riimin sapmak kiimaq tsangtitiim riimin sap mak, mangtang ramangnok mung niishe munglu shumwikong ma mitiitsuq wanha. Lata ngi raq tsangshiq ka tiithumpak mitiithen baiqha shaq wiiwii, chiqse rewe pahea tiiki lata tsangshiq ka mitiikhat wanha.”

EJEKIEL 48:35

Chela trotam na siimblai ri wa kiitelong peruk ka alu nü na tlotli mitar hingtiikaü. Kiimaq chela mang ka ümchaü armiishe, “Tatiwe-KA-ARJAQ ASI!” nguta miraq.

Yoel 2:32

Kiijiishe jurwa Tatiwe mang chong tlaq, kriiti thun mitiichhii wan. Arka Tatiwe raq, ‘Jerusalem wa ngi raq tsea wan kang thun mitiichhii wan,’ ” ngutaq kra phanphan miraq.

Obadia 1:17

“Shatmaq Jajon hiqlam na wiijam mitiipaü wan, kiimaq kriika asii hiq ba she miraq. Kriika Jakob sengi raq milap wan. Kriika tsangshiq tachong hiqshong.

Mikha 4:9

Riita ümchaü ümniika agilülü jam hosea wa? Nowü chhitsi ikha shea chamchao rai tlaü? Üm hokhamwe ka ahü riitiishea? Ümmung pengti mungtubi ka atsai kaikun she shea?

JEPHANIA 3:15

Tatiwe raq ümmo tiiho ka, tiithumto she. Apaiq raq ümjaqti thun wiita tiisiirai, lambaiqto she. Tatiwe Israilnok hokhamwe ka, ümniirai asi. Ümchaü ka ümnaq haisong chang, lamlu jam min ahü she.

JEKERIA 2:9

“Tatiwe apaiq raq namshiq ka mikhat. Raüta man na namshiq raq jamsha lan isenginok raq namshiq kriishe mikhat wan. Raüta namshiq tsiiq chong nyamchong thun wiita mitsuq wan.” Ümtiikiiwa riisham bomchong arshe kup wan jiiq, kra akhing na Tati Ningkun Ajongwe riidea ngi ka tiikito nguta wiitarü raq misap wan han.

Acts 14:15

“Namshiq raq ara jamlai ngarai wa tangho lan? Naishiq arka namshiq kiikha maiqse siili! Naishiq ka arjaq namshiq ma Tsütsa Ahea tiitaike wa nguta wakai. Namshiq ka ara thiihü sumla phra shomnoq lam phan tlan arwa, atra Shiikeawe ra nai hiq kiimaq sammoktra jü kra phansang wantiwe kiimaq ra nai hiq na phanrap diim tlaq kra tiiqti we Shiikeawe wokhong niishe shang wan tlo ronglaq, nguta tsütsa chongke wa tiina wakai.

TRI CHONGKE 31:17

Ümtiikiiwa kriishe klohojiiq, Ngi ka tsangshiq ma itsankhiq she miraq. Ngi raq tsangshiq ka amiim mirbaiqha. Kiimaq tsangshiq ka miqchup mitiithen baiqha. Tsangshiq khuthaq na phiiptsi chang mra pahea midong wan. Kiijiishetiq tsangshiq raq kra chamchao thun saü wantaq kriika tsangshiq raq Ngi, tsangshiq Shiikeawe ka tsangshiq rai lomdam mang she kha maq kriithun ka saü wanto ngutiishe misap wan.

Revelation 2:1

“Ephisia na phungtu sitlaq kra liiti rase ma ara waiq laq: “Ara tsütsa arka raiqsaiqpo miishi, ajaq jaqtsi nü na sham raüta, chaq lem kham miishi mong na khumti we raq atiiwan.