JEREMIA 7:32 - ASII LAKDAP Bible (BSI)

³² Kiimaq kra ningkhan, jaina akhing ashi she misaü wan. Kra hiq ba mang ka Topheth lo, Hinnom Thungtan ngutiika ngumak she miraq. Shatmaq Maiq Riijiip Chang Tan ngutiishe mimang. Tsangshiq raq maiqmaa phong ka kriitan kiijaq milap. Jamkhano ngukla maiqmaa phong kra lapchang hiq ahin ka binmak she miraq.

Hawa Naga Bible 2001

³² Kvkhoc rvtueq Tophet rvmuq ngoz ruiux Hinnom Warc ngoz tueq mkaq muinz ngoz muq shex rvshuex; yuq muinz Miq Thvy Warc ngoz tueq ngoc vkhing httuiuc wvnc tuex. Kvruex yuq vluip juing raungluingx muinz banc muq laz juing kvruex warc kvyuq luip ningkhvnc nuex kvruex warc ngoc Vthvy gay juing Warc ngoz tueq muingc shuex.

JEREMIA 7:32 Referencias Cruzadas

2 HOKHVMX 23:10

Hokhamwe Josia raq Hinnom Tan na sumla phrakaü Topheth shomnoq chang shomjam kriimin wiita tiibun baiqto. Krai mren kiijaq Molekh phra kaü ma jurmin ase maiqwe se lo, jechakse lo ka chaqtlii-honglu na kuqmak chang miitu runbaiqto.

JEREMIA 19:11

Kiimaq tsangshiq ma Tati Ningkun Ajongwe raq akha nguto nguta chonglaq nguto, “Ngi raq ara hamlii tak jamkho tiibun tiiqbaiq taq, raüta thongshi atiihea hainong maimak she bunkitaq akha arnok ara nai ara chelati ka wiita mitiibuntiiq baiqha. Mungmaiqse raq tsangshiq jamti maaphong ka Topheth Tan kiijiili min milap. Jamkhano ngukla maiq maalap chang hiq ka ahü binmak miraq.

JEREMIA 19:13

Jerusalem wa maiqjam thun kra, kiimaq Juda mung wa hokhambi jamthun kra, kiimaq tsangshiq wukhu thung na ra na sitlaq raiqsaiq thun kra shomnoq wan homseng honglu kuq wantaq thun kra, kiimaq laihin phra thun ma che kok maq tiibok wantaq hongluke chang jamthun kra, wiita kunkun Topheth Tan jamkhiiwa ashe ma jakitaq kiikha wiita ashe siisaq she miraq.”

JEREMIA 19:2

Laüta Kolotak Kilamchong lam kiimaq kinphai na dongho laüta Hinnom Tan kiina kilaq nguta thaüto. Kiimaq kiijaq ngi ma apaiq raq jamlai tsütsa wa chongkuqjiiq kra chiiriim laüta chongkuqlaq nguta chongto.

JEREMIA 19:6

Arningkhan, akhing ashi misaü wan, kra saü wan raüla, ara hiqshong ba arka Topheth riimak la Hinnom Tan ngutiika ngumak she miraq. Kra ngorii na Maiqjiip Baiqchang Tan ngutiishe mingu.

JEREMIA 31:40

Raütiishe maiq maa lapchang nai sinchiitsap tsuqbaiq kaichang hiq thung tan thun kra tlotli ham wan raüta, Kidron khamraise thaq na wawan raüta, wakram thun kra lomwan tlii wawan raüta, shedong nü na Kumrang Kilamchong na saüli miraq. Arthun arka Ngi ma asii hiqba miraq. Kra chela ka jai maq ümtiikiimin chaibaiq mak she miraq. Kiimaq tiithenbaiq mak she miraq.”

JEREMIA 7:31

Tsangshiq raq Hinnom thung na Topheth nguta berong-wacha ashi tei wanto. Kriika kiijaq tsangsetiim raq maiqwe sere nai jechaksere ka honglu na takuq wan raüta wa na chaq miitu shongto. Ngi raq tsangshiq ma akha thatsang wan ronglaq nguta chongkuq mangdea. Arka i khutsai niimin tiido wan mak dongdii.

EJEKIEL 6:4

Berongwacha thun ka asiiq mirbaiq kiimaq homseng berong-wacha thun kra wiita mitiithenbaiq. Kiijaq maiqse ümchuwa asi thun ka tsangshiq phra thun khaki na wiita mijiipbaiq.

LEWI 26:30

Namshiq raq hiq lam thun na shomnoq tlan jam thun kra wiita mitiithen baiqha. Namshiq raq homseng honglu kechang berong-wacha thun ka wiita michaibaiqha. Lata nam maa phong ka namshiq raq shomnoq tlan sumla thun hiq na riiphongtlaq kriithaq na miphong baiqha. Arka itsankhiq tsi ma makshu tsi miishe mikloha.