JEREMIA 7:26 - ASII LAKDAP Bible (BSI)

²⁶ Kra taü maq dongdii min, jurmin tsangshiq bom ka taiman. Kiimaq tsantsii kuq man shishe wan lan. Tsangshiq bom tai wan rii na, namshiq ka namtitiim thaq niimin nilan kiimaq kiqkhii srurii wan kli shiichaqtlan.

Hawa Naga Bible 2001

²⁶ Yuq muinz ngvy kvjaz kuex vshiz rueq muinz tay muq phvnx muq. Nuimshiq kuex nuimshiq jix vwaz tamx htauk nuex muinz vjvnc khux tsanz vtueq khawc lvlc jix rvtuit.

JEREMIA 7:26 Referencias Cruzadas

1 HOKHVMX 14:22

Juda mungti raq Tatiwe man na tsangtitiim pat na ngarai ümchuwa klo wantaq kriithaq niimin pahea achan she tang wanto. Kriikha na Tatiwe tsankhiq ka tsangshiq khu thaq na henghea she shaü wanto.

1 HOKHVMX 14:9

Ümniiriika ümniima kongkhu pat na ümchu riiwa mung peng wantaq, kriiti thun wiita thaq na ngarai jonghea she klo wan laü. Ümniiraq Ngi ka no na miimbaiq laü. Laüta sumla phra thun haiwanlaü kiimaq ashomnoqchang jin ngam sumla thun tiiq wan laüta itsankhiq henghea tiinyii wan laü.

2 HOKHVMX 17:14

Shatmaq tsangshiq raq taimak tlea wanto; tsangshiq ka tsangtitiim kiikha nilan, wan shakshak, tsangshiq raq Tatiwe tsangshiq Shiikeawe ma kammak riito.

2 HOKHVMX 17:15

Apaiq raq tsangshiq ma hon atsii achongkuq thun kra tai mak tleato. Apaiq raq tsangtitiim rai tongshong wantaq raükha thun kra lang mak riito. Kiimaq apaiq raq tsangshiq honlam tsü achongkuq bomtsi thun kiimin wiita shipoq wanto. Tsangshiq raq thiihü sumla phra thun shomnoq wanto. Raüta tsangshiq maiqmii kiimin hiqtili miishe jakito. Kiimaq tsangshiq raq tsangshiq tro na siti thatsang maiqse pongmungti thung alai thun kra lang wanto. Raüta Tatiwe raq tsangshiqnok jai naq phan rongkiq nguta aming akuq kra jinbaiq wanto.

2 KAÜWA WERAÜ 30:8

Tsangshiq ka nilan wanshak shak siwataq kiikhiika naqsi rongkiq she. Shatmaq Tatiwe aming kra lang lantea awokhong niishe sirong laq. Jerusalem Shomjam na warong ra. Arka namshiq Tatiwe, Shiikeawe raq pattup pat-sa miitu tiisii wanto. Lantea apaiq ka shomnoq wa rongkiq. Kra raüla apaiq ka namshiq ma khiq mak she miraq.

2 KAÜWA WERAÜ 33:10

Tatiwe raq Manase nai asenginok ma honkam wan tsü ka chongkuqto. Shatmaq tsangshiq ka lan laqlaq li sito.

2 KAÜWA WERAÜ 33:23

Shatmaq apaiq ka awe jamkho aran ma jaraüta tsantsii klaitaq, kiikha klai wan mak dea riito. Kiimaq Tatiwe wokhong na nyap wan mak dea riito. Apaiq ka awe nam miimin, tiinanpot bihea ngarai klo wanto.

NEHEMIA 9:29

Ümniiraq tsangshiq ma phaqthak nithak, ümtri khong na, siwan ronglaq nguta ümtin khan wa, trantsii wan laü. Shatmaq tsangshiq shiikong tsantsii asi kha maq, ümniiraq akuq haü thungtri, rilung tsitsü raü kra, lang mak maq shipoq wanto. Tsangshiq ka nilan, tsangtsantsii ka wan shak shak. Tsangshiq raq ümbomtsi ka, lang wan mak riito.

TAKSU LAK 29:1

Jurwa tsii chongkuq kla, ja-ngiim wan wan riitlaq; kriiti ka tiihanghiiq miili she, jai na liikai chang ahü, mithen wan.

ISAIA 48:4

Ngi raq asapha namshiq ka nilannok ma mijahan nguta, jinbu jamkho tsintlaq ikha tsin dang dang, kiimaq miiki ngam ikha atiiq ma tsinhea.

ISAIA 5:4

Ngi raq ara spiqro shiikumpan mang jamlai phan no laqthaq kang? Riita ara spiqro raq atsi ka haidangdang jam nguto tsi tla? Ngi raq lungwiitiikang tsihea asum akam ka jam nguto tsikuqmak?

JEREMIA 11:8

Shatmaq tsangshiq raq ibom chong ka taimak kiimaq lang wan mak riitlo. Tsangshiq raq ibom chong kra tai rii na, tsangshiq ka loweatek ni lanlaqlaq wanshakshak kiimaq abi kiimung kli pattup ja sruru khoti riitlo. Ngi raq tsangshiq ma tongshong tri raütu kra lang ronglaq nguta aming kuq wan kang. Shatmaq tsangshiq raq ikiq ka akhli riiwanto. Arningkhan she Ngi raq tongshong tri raütu na bom tlea wanti ma jamlai manson niwan chang wa chongtlaq kriithun manson tiini wan kriika tsangshiq ma kuq wan kang she. Tsangshiq ka biiphaqto she.”

JEREMIA 16:12

Shatmaq kriithaq niimin namshiq riika namtitiim thaq na thittlaiphok she ashut klo wantlan. Namshiq tarü ka nilan wanshakshak kong kiimaq abi siisaq, kiimaq namshiq raq ibom taiman.

JEREMIA 17:23

Tsangtitiim raq ibom taimak riito. Kiimaq tsantsii kuq mak riito. Ibom taiwan rii na, tsangshiq ka nilan kong ma jawanto. Kiimaq ngi raq ashrinkuqha ka tlang wan mak riito.

JEREMIA 19:15

Tsangshiq ma chongkang, Tati Ningkun Ajongwe raq akha nguto nguta, “Ngi raq ara chela khuthaq na nai ara tho apha na chela thun sitlaq tlotli na, ngi raq ümtinkhan chamchao mo mitiihoha ngutiiwa chongkang thun kra, kunkun she mitiihoha. Jamkhano ngukla namshiq ka nilan wanshak shaknok kiimaq Ngi raq jamlai wa chongtiikang kra taiman tlea tlan.”

JEREMIA 22:21

Namshiq arong awin silanji na Tatiwe raq namshiq ma chongkuqto, shatmaq namshiq raq taiman tlea lan. Namrilung wiili kriili klowan lan ihata; namshiq raq Tatiwe bom taiman tlea lan.

JEREMIA 25:3

“Amon se Josia ka Juda mung na hokham jawan li maq wiiroqshi ri wiitsam she angu na kriimaq phawan lata, ümchaü ranaiq niitaq saüli, wiiroq nai ri wiitsam she, Tatiwe raq ngi ma apaiq bomtsi chongkuq wanto kriika, ngi raq poshi min tlea mang maq, namshiq ma tsapkapkap chongkuq wan kang. Shatmaq namshiq raq tsantsii kuq man riilan.

JEREMIA 25:7

Shatmaq Tatiwe apaiq raq ngutlo, namshiq raq apaiq bomchong ka atlea riiwan lan. Apaiq bomchong ka taiwan rii na, namshiq raq sumla phra thun shomnoq wan, lanta apaiq tsan ka tiikhiq wan lan. Krai mren, namshiq maiqmii khum na apaiq mo kra howan lan.

JEREMIA 26:5

Kiimaq ijaqshisetiim shammibi raq namshiq ma jamlai bomtsi wa chongkuqtlaq kra tsan na atsidada maq tiitsang tai ronglaq nguta aming kuq kang. Ngi raq i shammibi ka namshiq phana ibom tiichongkai miitut wantlii tiiki kang. Tsangshiq raq jamlai bomtsi wa chongkuqtaq kra namshiq raq lang man riilan.

JEREMIA 29:19

Tsangshiq ma akha chamchao sangrai ka misaüwan, jamkhano ngukla, tsangshiq raq, Ngi raq ishammibi thun tiikilata i tsütsa tiichongki kang thun kra taimak wiita tlea wanto. Tsangshiq raq taimak shipoq wanto.

JEREMIA 3:13

Ümniika shutkang dea nguta mra ka tiidiilaq. Kiimaq üm Tatiwe, üm Shiikeawe kiq ka khii laü dea nguta mra ka tumlaq. Laüta pechong tong aweatek na ümniiraq üm lungwii tsü ka pongmungti phra kong ma kuq wan laü nguta tum wan laq. Kiimaq ümniiraq ngi raq akuqha aming thun ka jin wan laü dea nguta tak wan laq. Arka Ngi Tatiwe raq ngutiikang.

JEREMIA 32:23

Shatmaq tsangshiq ka ümtiikiiwa armung na saüwantaq, raüta armung ka jiiwantaq, raüta hiq ka lap wantaq, tsangshiq raq ümniiraq akuq haü aming raütu thun ka lang wan mak riito. Kiimaq ümniiraq ashrinkuq haü, tri raütu kra phanphan siwan mak riito. Ümniiraq ümchuwa aming thun tsangshiq ma kuq laü thun kra akhiismin lang mak riito. Kriikha niishe ümniiraq tsangshiq khuthaq na atin khan thenjen chamchao she tiisaü kuq laü.

JEREMIA 34:14

Tsangshiq wokhong na dise ma jaraüta Jehudinok phan wa jurwa wiitrok she tsangshiq jaqsham kuqtaq, kriiti ka rawii wiimiishi she dong wantlaq akhing na atiidong baiq ratlo nguta aming kuq kang. Shatmaq namtitiim raq, Ngi raq chongkang ibomtsi kriika brorii mak shishe wanto. Kiimaq tsan na shaq wan mak riito.

JEREMIA 35:15

Ngi raq namshiq phana ijaqshisetiim shammibi thun ka tiiki ruqruq tiikikang. Kiimaq tsangshiq raq namshiq ma, namshiq raq abi lam phan thun ka thaq baiqtlo ronglaq, lanta jaqsham ahea awa phan kra sham ronglaq nguta chongkuqto. Tsangshiq raq namshiq ma ahin phra thun ka naq shomnoq rongkiq kiimaq naq shiililii rongkiq nguta hon lam bom chongkuqto. Kriika Ngi raq namshiq ma nai namtitiim akuqha hiqshong rahai thun kiijaq hansang maq shongnga wan miitu honlam tsii chongkuqto. Shatmaq namshiq raq ibom chong ka taiman tlea wan lan. Kiimaq ibomtsi ka namtsan mong na akhiismin rüm wan man riilan.

JEREMIA 35:17

Riita arningkhan, ümchaü min, Ngi, Tati Ningkun Ajongwe raq, Israilnok Shiikeawe raq, namshiq Juda mungti nai Jerusalemti khuthaq na, Ngi raq mitiithenbaiqha nguta ikiqkham kang thun thenjen wan kriishe mitiisaüha. Ngi raq namshiq khuthaq na arthun tiisaü wan tiikang jamkhano ngukla, ümtiikiiwa Ngi raq namshiq ma ümtin khan wa chongkuq wan kang kra, namshiq raq taiman riilan, kiimaq Ngi raq namshiq heawan phata, namshiq raq ibom tre man riilan.”

JEREMIA 44:16

“Ümniiraq naishiq ma Tatiwe mang na jamlai bom wa chongkuq laü kriika naishiq raq langmai.

JEREMIA 5:3

Tengteng, Tatiwe riika tsapkapkap maq noqti rittlo. Apaiq raq namshiq ka sintsang maq bukto, shatmaq namshiq raq tsantsii kuq man dea. Apaiq raq namshiq tiibunlak bukto, shatmaq namshiq raq shrin mandea. Namshiq ka wanshakshak nilannok; kiimaq nam ngarai lam phan ka thaqbaiq man dea.

JEREMIA 6:10

Ngi raq akha trekang, “Ngi raq tsangshiq ma honlam tsii chongkuqha jiika ibom ka juro mitai? Tsangshiq ka nilan krai mren ümtsütsa ka chongkuqki raümin taimak angiimli riitlo. Ümniiraq ngi ma jamlai bom wa tiichongki tlaü, kra chongki kangla, tsangshiq raq ngi ka anaiküli riitlo.

JEREMIA 6:17

Kiijiishe Tatiwe raq rawa kintsongtibi shongto. Kriika honlam boli tsütlaq kra tai miitu. Shatmaq tsangshiq raq nguto, “Naishiq raq kriika taimai.”

JEREMIA 7:24

Shatmaq tsangshiq raq ibom taimak kiimaq tsangshiq tsantsii kuq wan mak riito. Shatmaq tsangshiq ka nilan wanshak shak kiimaq abi tiima tsantsii raq jamlai wa chongtlaq kra phan phanli siwanto. Kra ningkhan tsangshiq ka maiqshaq ma jawan la na, naolaqhea jabi wan wan khoti riito.

JEREMIA 9:13

Kiijiishe Tatiwe raq treto, “Arthun thenjen wantaq arka isenginok raq ngi raq tsangshiq ma jamlai tri lamphan wa shrinkuq kang kra lang wan mak miimbaiq kha na thento. Tsangshiq raq ibom taimak tlea wanto. Kiimaq ngi raq jamlai jaqsham ronglaq ngutiiwa chongkang kra sham wan mak riito.

EJEKIEL 12:2

“Maiqse lei, ümniika ikiq khii sruwali, nilannok rai sitlaü. Tsangshiq mak ka asi. Shatmaq tsangshiq raq jam min chhimak. Tsangni ka asi. Shatmaq tsangshiq raq jamlai min taimak. Jamkhano ngukla tsangshiq ka maiqkiq khü srutinok.

EJEKIEL 12:3

“Riita, ümchaü min, maiqse lei, wanshawe raq ahupsam thop tlaq ikha, laüta raji raban wantlaq akhing na manglaü wan ikha hukho samho wawan laq. Nanok tarü raq ümniika maiqhiq na laü wan kra michhilaq. Jursap kra nilannok ikiqkhii srutinok raq lo chhiraü.

EJEKIEL 20:30

Riita ümchaü min, Israilnok ma chonglaq, Ngi, Tati Rakaü Hiqwe raq jamlai wa chongtiikang ara: Riita namwetiim raq jamlai ngarai thun wa tang wantaq kriithun ka namshiq raq jam nguto tangho nong lan? Lanta namshiq ka tsangshiq sumla phra kong kra jaiphan jam nguto juraiholan?

DANIEL 9:6

Ümniiraq ümjaqshisetiim shammibi tiiki laüta, naihokhambi ma, nai mungtubi ma, naiti tipaitiim ma, kiimaq naimungti mungmaiqse tlotli ma, ümmang chong raüta tra tiihokuq wan laü. Kra naishiq raq lang wan mai dea riikai.

Hosea 11:7

Isenginok iwokhong wa dongho roli hongla wanto. Krai mren maiqtijong howanto. Raüta maiqdikong ma jawanto. Chamchao tsi maq hoqphaq wanto. Shatmaq ngi raq tsangshiq maaho tre mang.

JEKERIA 7:11

“Shatmaq isenginok raq tsangni lanlaqlaq maq siwanto. Tsangshiq khutsai ka tlan phan baiqto.

MALAKI 3:7

Namtitiim pat niimin la, tsangshiq ma ngi raq akuqha aming thun lang mak siwanto. Kra tiidada sii hali, ümchaü namshiq riimin ngi aming lang man, itri wokhong wa ahin na juho lan. Tri raütu ka lang man. Ümchaü min namshiq ka iphana jangwan rong rea. Raüla ngi min, namshiq phana mijang wan nongha. Shatmaq namshiq raq, ‘Riita naishiq ka jamkho ümphana mijang wan nong hai?’

Matthew 21:38

Shatmaq akheng shamseati nok raq, ase saüwa kriishe chhi raüta, tsangshiq liipan na bom ka akhiishe riichongto, ‘Ara wakchongti we se she saü wato. Warong ra, apaiq arshe tsatbaiq rong i. Notsam apaiq arshe tsatbaiq hai jiika, awe tachong hupsam ka nashiq rii she miraq!’

Matthew 23:32

Riita ija, ümchaü man la, namtitiim raq shammibi ka tsat baiq wanto. Krai mren namshiq riimin la namtitiim jaqtho kra tiinyi wan she, shammibi ahin siwan tlaq kra mitsat baiq han.

Acts 7:51

Krai mren, Stephen raq tsangshiq ma, “Riita ara chongtiikai arai mren, namshiq tsantsii ka pinthum wanshakshak! Namtsantsii ka thatsang maiqse tsantsii ikha thü tlan. Shiikeawe bomchong ka tai man phan! Namtitiim pat na jamkhiiwa lanlaqlaq siwantaq, kiikha ümchaü namshiq min lanlaqlaq sitlan. Namshiq riimin Asii Wenyi bomchong ka khiilataq maq khü tlan!

Romans 2:5

Shiikeawe raq namshiq ka, atinkhan mangchan taü miimin, namshiq tsantsii ka longkaü ikha atsin wiq, kiimaq namphaq namni ka, wanshakshak rüm tlan. Akha lanta, namshiq raq namshiq maiqmii kha ma kra, Phangthum Khapho Ranaiq miitu atlai li riiwan tlan. Kiimaq Shiikeawe raq namshiq kha ka, tri atsin miishe mipho kuq wan.

TRI CHONGKE 8:20

Namshiq ka Tatiwe wokhong na siman riihan jiila, ümchaü namshiq raq maiq mung thun jiiwan tlan krai mren, apaiq raq miqchup tiithenbaiq wantlo, kiikhiisii hali namshiq kiimin miqchup mitiithen baiq.