JEREMIA 7:23 - ASII LAKDAP Bible (BSI)

²³ Shatmaq ngi raq tsangshiq ma ibom tai raüta iwokhong na siraa nguta aming kuqkang. Krai mren ngi ka tsangshiq Shiikeawe miraq. Kiimaq tsangshiq ka isengi miraq. Kiimaq tsangshiq ka ngi raq jamkho aming kuq tiikang kraphan phan siwan ronglaq. Raüla tsangshiq ma rilung na phanrap ka aheawiq miraq nguta chongkuq kang.

Hawa Naga Bible 2001

²³ Yuq muinz ngaz kuex tsuingshiq Tishox rvtauk tsuingshiq muinz ngvy miqsaz yaungx muex ngvy kvjaz phvnc tvkoc ngaz rueq nvr tauk. Phvnx ruip saz nuex hvlc wvnc muex ngaz rueq jungx phaungx lvmx kuex phvnc tvkoc ngaz rueq nvr vphaungx.

JEREMIA 7:23 Referencias Cruzadas

YOBA 36:11

Kiimaq tsangshiq ka Shiikeawe wokhong na siraüta apaiq shiikum pan raüla, tsangshiq ka hansang maq rilung alu misi kiimaq rongboq miraq.

Tvtsvmc 119:3

Tsangshiq ümtiikiimin ajiq klomak; tsangshiq ka Tatiwe lam phan phan khumtlo.

Tvtsvmc 40:6

Ümniiraq nyamse honglu na ataakuq thun nai laihin honglu akuq thun kriika rariq maü; ümniiraq nyamse thun ka berong-wacha na wiipumtam maq chaq chang honglu kriika jaü maü riimakla ngarai shiikhoi honglu thun kriimin jaü maü. Kra rii na ümbom tai miitu ngi ma nilok thun kuqlaü.

Tvtsvmc 81:13

Ngi raq Isenginok raq ibom tai raüjaq nguta tsinngin wankang; tsangshiq ka Iwokhong na si raüjaq nguta pinthum tsinngin wan kang!

DUNGWVNC 15:26

Apaiq raq nguto, “Namshiq raq ibom ka kunli phaqchii nichii maq tai hanla, lanta Ngi raq jamlaiwa riikhaqli nguta thapthi tiikang kra klo hanla, kiimaq Ngi raq akuqha aming thun ka wiita lang hanla, Ngi raq namshiq ma mo ka tiiho mang mirha, Ejip mung khuthaq na thadong tiisaü kaü thun ka, namshiq khuthaq na ashi ra dongdii min tiisaü mang mirha. Ngi ka Tatiwe, namshiq thatsi tiiheaketi.”

DUNGWVNC 16:32

Mosheq raq nguto, “Tatiwe raq nashiq ma aming kuqto, rawiichii pat na nasetiim ma tiichhike miitu manna wiijam ka aheawiq saiqsam ronglaq nguta aming tatto. Krai mren tsangshiq raq nashiq ka Tatiwe raq Ejip mung wa tsuq wantaq akhing na kumtsaiphii rumnyangkhi mung maq jamlai wa phaqsiq wan kai kra dung ka tsangshiq riimin michhi.”

ISAIA 3:10

Kechu maiqse thun ka chochikhiq miraq. Kiimaq tsangshiq miitu ka phanrap lam na ahea miraq. Tsangshiq ka tsangshiq jaq maq jamlai min wa shiiq wantaq kra tsingo ka chochikhiq maq miphaq siq wan.

JEREMIA 11:4

Ara tongshong tri raütu arka man na ngi raq tsangtitiim pat na tsangshiq ka watum mong na khiimtlaq ikha Ejip mung na khumraitlaq kiiwa Ngi raq tsuq wan kang akhing na ashongkuq wanha. Ngi raq tsangshiq ma ibom taironglaq lanta Ngi raq aming kuqkang tri raütu kra lang lanta shong nga wan ronglaq nguta chongkang. Ngi raq tsangshiq ma chongkang tsangshiq Ngi aming wokhong na si raüla, tsangshiq ka isengi ma mija wan kiimaq Ngi ka tsangshiq Shiikeawe miaq.

JEREMIA 11:7

Ngi raq tsangtitiim ka Ejip mungwa tsuq wan kang akhing na, Ngi raq tsangshiq ma atsidada maq Ngi aming wokhong na siraajo nguta sinkham kuq wan kang. Krai mren ümchaü ranaiq niitaq saüli Ngi raq mungmaiqse ma hon lam wan tsü phathak nithak maq trantsii chongkuq wan ruq li riitiikang.

JEREMIA 13:11

Ara patulong thun jamkho maiq chhüpii na phataqtaq khaptlii tiinap samtiikai, kiikhiisii hali ngi raq Israil mungti nai Juda amungti ka ngi rai riipom tlii maq ngi rai napshnap maq tiisi wan lungwii tiikang. Ngi raq akha klowan kang arka tsangshiq ka isenginok ma mija wanlaq. Kiimaq raüta tsangshiq raq imang mitiitsamlaq kiimaq ikhushü mitiijonglaq nguta tsangshiq ka tsea wan kang. Shatmaq tsangshiq raq ibomchong ka taimak riito.”

JEREMIA 22:21

Namshiq arong awin silanji na Tatiwe raq namshiq ma chongkuqto, shatmaq namshiq raq taiman tlea lan. Namrilung wiili kriili klowan lan ihata; namshiq raq Tatiwe bom taiman tlea lan.

JEREMIA 22:3

“Ngi Tatiwe raq namshiq ma jamlai wa tingting kiimaq riikhaqli kra sham ronglaq nguta aming tat tiikang. Wepuq weseti maiq raq laoliitlaq kriiwa, apaiq laotiwe jaq khon mong kiiwa tiichhii kuq ronglaq. Maiqse ka jimaq nishishi haihü maimak. Kiimaq pongmungti wanshawe kiimaq jechi nomisetiim kra, riimakla manti nyungre kra, nanshan shan haihü raamak. Kiimaq ara asii hiqshong arjaq maiqsang jamshut phit makti ka tsea baiq raamak.

JEREMIA 24:7

Ngi raq tsangshiq tsan mong na Ngi ardea Tatiwe nguta sap wan miitu roriitsii mithii kuqha. Kra riihajiila tsangshiq ka isengi ma mija wan. Kiimaq Ngi ka tsangshiq Shiikeawe ma mija wanha. Jamkhano ngukla tsangshiq ka tsangshiq tsan nai tsü wiita kuq raüta Ngi wokhong na hali mijang wan nong.

JEREMIA 31:33

Ngi raq Israilnok rai tongshong anye shong tiikang kriika, akhiishe miraq: Ngi raq itri raütu ka tsangshiq khum niishe mithüha kiimaq tsangshiq mongjii na miwaiq kuqha. Ngi ka tsangshiq Shiikeawe miraq. Kiimaq tsangshiq ka isengi miraq.

JEREMIA 32:23

Shatmaq tsangshiq ka ümtiikiiwa armung na saüwantaq, raüta armung ka jiiwantaq, raüta hiq ka lap wantaq, tsangshiq raq ümniiraq akuq haü aming raütu thun ka lang wan mak riito. Kiimaq ümniiraq ashrinkuq haü, tri raütu kra phanphan siwan mak riito. Ümniiraq ümchuwa aming thun tsangshiq ma kuq laü thun kra akhiismin lang mak riito. Kriikha niishe ümniiraq tsangshiq khuthaq na atin khan thenjen chamchao she tiisaü kuq laü.

JEREMIA 38:20

Kiijiishe ngi raq ngukang, “Ümniika tsangshiq jaqkhon mong na kiinong kuqbaiq mak miraq. Ngi raq ümniima Tatiwe bomtsi kra tai laq nguta tiipaiqnea tiikang. Kra nguraü ka phanrap ümniima ahea miraq. Kiimaq ümmiisaq ka atiiwong mirkuq.

JEREMIA 42:6

Naishiq raq taima ahea riiklo, abi riiklo, naishiq raq Tatiwe, nashiq Shiikeawe jaq wa ümnaq nang nga achu jaü kuqlaq nguta chongtiikai kra mitaihai. Naishiq raq apaiq aming ka lang hai jiila, nashiq ma khu asang miraq.”

JEPHANIA 3:2

Chelati raq Tatiwe bom, taimak tleato. Kiimaq apaiq tsii chong sintsang min, taimak riito. Apaiq raq Tatiwe ma kammak riito, kiimaq apaiq khrum min jaümak riito.

JEKERIA 6:15

Maiq mung luheatibi min saüwan raüta Tatiwe Shomjam tiihea hai mikhrum dam. Kiimaq ümtiikiiwa Shomjam tiihea hai lot wan jiiq, kiitiikaq namshiq raq ngi ka Tati Ningkun Ajong Pinthumwe riidea namshiq phana tiikito nguta misap han. Riita, arthun jaqsham arka, namshiq raq Tati Shiikeawe aming lang wan hanjaqtiq miku wan.

JEKERIA 7:7

Ara bomtsi arka Tatiwe raq apaiq shammibi lümaq, man na Jerusalem ka chiithe, kiimaq mungmaiqse raq ama siwantlaq, kiimaq kra chela tro na chela thun niimin, kiimaq shemai nü wang nai shenyap nü wang na mungmaiqse ka pahea siwantaq choji na achong.

Romans 16:26

Riita, ümchaü, shammibi raq waiqthütaq kra lümaq tengteng bomtsi ka wiitarü man na, linkuq wanto she. Kiimaq pattup pat-sa Shiikeawe aming maq, maiq mung thun wiita na tiitai kuq wanto she. Kriika tlotli mikam wanlaq nguta, kiimaq apaiq aming ka milang wan laq nguta kuqto.

2 Corinthians 10:5

Naishiq raq, shiikong miilong kiimaq arot akiq tri raü maq, Shiikeawe lam phan sap wan chang lam jong na, peruk hai tlaq kra, arun riibaiq tiikai. Naishiq raq maiqse tiima tsantsii thun kriika, Khristo puk na nyap wan miitu trap tru rapkhat khat rap wiiq tiikai.

TRI CHONGKE 11:27

Ümchaü ranaiq ngi raq Tatiwe namshiq Shiikeawe aming thun kuqtiikang kra wokhong na sihanla achu shiiman milap han.

TRI CHONGKE 13:4

Tatiwe jai phan laüta silaq. Laüta apaiq ka shrenglaq. Apaiq aming wokhong na silaq. Laüta apaiq aming thun kra langlaq. Apaiq kli shomnoqlaq. Laüta apaiq rai tiipumtlii silaq.

TRI CHONGKE 13:5

Shatmaq rawa ma liichum chongketi ka atsea riibaiq ronglaq kiimaq namshiq ka Ejip mung na maiqdi kong asi han wa, dokda wanti Tatiwe wokhong wa dongholaq nguta, namshiq ma chongketi ka atsea riibaiq ronglaq. Akhnok maiq arka abi pinthum. Akhnok maiq raq ümniika Tatiwe aming wokhong na silaüta rilung lam phantlaü kiiwa lamjiq nü na sheaho dantlo. Apaiq ka atsea baiq raa dongdii. Ara abi kiimung arwa ümniika traishat siraatlo.

TRI CHONGKE 30:2

Kiimaq namshiq nai namsaü namsetiim ka Tatiwe wokhong na hali nyap wan nong hanla, lanta namtsan nam mongjii wiita kuq lanta ümchaü ranaiq ngi raq namshiq ma apaiq aming thun kuqtiikang ara lang han jiila,

TRI CHONGKE 30:20

Tatiwe üm Shiikeawe ka lungwiilaq. Laüta apaiq wokhong na silaq. Kiimaq apaiq bom ka tsapkapkap maq tailaq. Kra riihaüla, ümnaq nai ümsaü ümsetiim ka apaiq raq ümtitiim Abraham, Isak, kiimaq Jakob ma mikuqha nguta kiq kham kuqtaq mung kiijaq rilung alu maq mishong nga wan haü.”

TRI CHONGKE 30:8

Kiimaq ümniika thongshi ri hali apaiq wokhong na misi wan haü. Kiimaq apaiq aming thun, ümchaü ranaiq ngi raq kuq tiikang thun kra phaq chii nichii maq lang laüta misi wan haü.

TRI CHONGKE 4:10

Namshiq ka Tatiwe namshiq Shiikeawe man na Sinai Pum maq chap wan lan ranaiq wa bomtsi kra chongkuq ronglaq. Kra akhing na, apaiq raq ngi ma akha nguto, ‘Mungmaiqse ka adam na triitamlaq. Ngi raq tsangshiq ma jamlai chong ke chang wa asi kra tsangshiq raq tai ratlo. Raüta tsangshiq ka atra sishat wiiwii ibom chong ara lang raüta singa wan kra mitsinlaq. Kiimaq tsangshiq raq tsangsetiim ma ara aming thun ara lang raüta siwan miitu mishrinkuq wanlaq.’

TRI CHONGKE 4:40

Ümchaü ranaiq ngi raq namshiq ma kuqtiikang tri raütu thun ka kunli lang ronglaq. Kra riihanla namshiq ma phanrap na khusang ahea miraq. Kiimaq namsaü namsetiim miimin ahea miraq. Namshiq ka Tatiwe namshiq Shiikeawe raq namshiq ma pattup pat-sa miitu hiqshong rahai kuqtlaq kiijaq hansang maq siwan ruq misi wan han.”

TRI CHONGKE 5:16

“‘Ümwe nai üm nyung ka shrenglaq. Ngi, Tatiwe üm Shiikeawe raq ümniima aming kuq tiikang ara phan phan. Kra riihaüla ümniima phanrap na ahea miraq. Kiimaq ümniika Ngi raq hiqshong kuq tiikang kiijaq rilung alu luhea maq misi haü.

TRI CHONGKE 5:29

Tsangshiq raq wranaiqshe akhiisii haisong tsantsii rüm raü ka ahea riichang! Tsangshiq raq Ngi ka wranaiq she akha anato raüta shreng raüka ahea riichang. Raüta Ngi raq akuqha aming thun kra lang raüta shong nga raüka ahea riichang. Kra nguraü ka tsangshiq ma phanrap na jamlai phan rongraa min ahü khusang rakhang maq mishong nga wan wa. Kiimaq tsangsaü tsangsetiim pat niimin pattup pat-sa ahea misi wan wa.

TRI CHONGKE 5:33

Kra thungtri raütu ka wiita kunli lang rong laq. Kra riihantiq namshiq ma phanrap na hansang rakhang miraq. Kra nguraüla namshiq ka hiqshong jiiwantlaq kiijaq aheawiq maq shong nga wan ruq misi wan han.

TRI CHONGKE 6:3

Israilnok lei, kriithun tri bomchong ka tiitsang tai ronglaq, kiimaq aming thun wokhong na sironglaq! Kra riihantiq namshiq ka khusang rakhong maq mishong nga han. Kiimaq namshiq ka maiq mung jonghea ajong ala phan ma mijahan. Lanta kra hiqpo hiq win mung kiijaq mishong nga han. Tatiwe, natitiim Shiikeawe raq jamkho akiq kham kuqtaq kra phan phan kiikha mishong nga wan han.

Hebrews 5:9

Apaiq raq ajaqsham wan chang ümchuwa sitlaq kra, kunkun tiinyi sham wan kha maq, apaiq ka minhap maiqse ashi miishe jawanto. Krai mren apaiq ma kamwantibi ma apaiq ka tiichhiiwan tsitsü raüchong miishe jawanto.

1 SAMUEL 15:22

Shatmaq Samuel raq treto, “Riita Tatiwe ümriiti wa lungwiitla: Apaiq bomtai kriisha, honglu thun nai nyamse atakuq kriiwa lungwiitla? Skuse ahea pinthum honglu atakuq thaq na, apaiq bomtai riiwe ka ahea.