JEREMIA 50:15 - ASII LAKDAP Bible (BSI)

¹⁵ Chela trotam maq rechap wan hünong tam rong laq! Ümchaü Bebilon mungti ka rewe jaq mong na nyap wato she. Chela tro ruk ka wiita tiibun baiqto she. Raüta siiqbaiqto she. Ngi raq Bebilon mungti khuthaq na iphuk she lamtiikang. Arningkhan namshiq phuk lam Bebilonnok ka khat ronglaq. Tsangshiq raq nanok jamkho haihiitaq kiikha tsangshiq kiimin haihii ronglaq.

Hawa Naga Bible 2001

¹⁵ Ghaqyungx tvroz lotlaz nuex ralx lungc muex ramc shuinz! Majuiuc Babelon mungx kuex maq tueq shex. Kvruex ghaq palx ruk htenc rul wvnc vtueq kvhttak bunx tueq. Ngaz rueq Babelon miqsaz kuex phuiuq lvmz vshaungx ningkhvnc nuex, nuimshiq rueq muinz phuiuq lvmz shuinz, tsuingshiq rueq vganc jix htenc muex ruez tueq kvkhoc tsuingshiq kvmuinz ruez shuinz.

JEREMIA 50:15 Referencias Cruzadas

1 KAÜWA WERAÜ 29:24

Kiimaq ajong alabi kunli raq, kiimaq phenlabi thun raq, kiimaq Dawit setiim ahinti thun raq, Solomon kiidea hokham nguta awokhong na misihai nguta japhak maq riihanthü kiqkham kuqto.

2 KAÜWA WERAÜ 30:8

Tsangshiq ka nilan wanshak shak siwataq kiikhiika naqsi rongkiq she. Shatmaq Tatiwe aming kra lang lantea awokhong niishe sirong laq. Jerusalem Shomjam na warong ra. Arka namshiq Tatiwe, Shiikeawe raq pattup pat-sa miitu tiisii wanto. Lantea apaiq ka shomnoq wa rongkiq. Kra raüla apaiq ka namshiq ma khiq mak she miraq.

Tvtsvmc 149:7

maiq mung thun ka tang wan ma, kiimaq maiq phan thun ma mo tiihoma;

Tvtsvmc 94:1

Tatiwe lei, ümniika Shiikeawe kata maiqse ma mo tiihoti; ümtsankhiq ka tiichhikuqlaq!

ISAIA 59:17

Apaiq raq tingting khapho tri ka samtong kaü rekhat chang liiq ma tiija raüta misam. Kiimaq maiqse tiikhup wongke wan ningkun tu ka jin khuphok kaü ikha akhu na phok raü miraq. Kiimaq apaiq tsan mong na mung ka riikhaqli tri maq peng wan miitu jaqkhon tiiphashat maq tri raütu kra milang wan. Raüta mungmaiqse tiichamchaoti, haihü wantibi ka mo jonghea tiiho raüta phuk milamkuq wan.

ISAIA 59:18

Apaiq raq ajaqtinok ka tsangshiq raq ümtinkhan wa shuttaq kra phan phan kappe maq shin raüta mitiichamchao. Maiq mung thun ratsüko na siti thun kriimin mitiichamchao.

ISAIA 61:2

Apaiq raq ngi ka chiiriim raüta tsütsa tiichongkai tiikito, Tatiwe raq asenginok tiichhii wan akhing ka saüto she Kiimaq tsang jaqtinok kra mitang wan. Apaiq raq ngi ka aho ajüti kunli tiijaiqkai tiikito.

ISAIA 63:4

Ngi raq isenginok tiichhiikewan akhing ka saüto she nguta thapthi wan kang. Tsang jaqtinok thun ma mo tiiho akhing ka saüto she.

JEREMIA 46:10

Arka Tati Rakaü Hiqwe Ningkun Ajongwe ranaiq; ümchaü ranaiq apaiq raq phuk milam; ümchaü ranaiq apaiq raq ajaqtinok ma mo mitiiho. Apaiq nepja raq tsangshiq ka awok mipheshaq wiiwii mibak phaq, raüta tsan miheashaq wiiwii tsang tiijai ka minyang. Ümchaü ranaiq Ningkun Ajongwe raq ajaqti thun honglu na takuqtlo, shekhu nü na Euphretis rai maq.

JEREMIA 50:14

“Piq sreabi lei, Bebilon mung khatkai tiijeho riikong riikong chap ronglaq. Lanta trotam ma kom ronglaq. Lanta namshiq raq liq maq Bebilon kra hiip ronglaq. Jamkhano ngukla tsangshiq raq, Ngi, Tatiwe maklii na ngarai tangto.

JEREMIA 50:25

Ngi raq rekhat chang ko aliq ja apiq ümchuwa thükang kra hiqshong kilü ka linkang she. Itsankhiq tsi ma kra thun tiidong lamkang she. Jamkhano ngukla, Ngi, Tati Rakaü Hiqwe Ningkun Ajongwe raq Bebilon mung na jaqsham chang asi.

JEREMIA 50:44

“Hangsi kaü ka Jordan raikii tan na rumnyangkhi mong maq dong wan raüta, skukong rümchang sangphii tan na dong wantlaq ikha, Ngi, Tatiwe ka midong wanha. Lata Bebilon mungti ka tsangshiq chela mong wa tiihanghiiq miili mitiipin baiqha. Kra latiishe Ngi raq mung pengti weshi shong wantiikang we raq mung ka mipeng. Ngi rai triingea chang maiq ahin ka asi sha? Ngi rai riilong lati maiq ka asi sha? Ngi rai riikhettotti hokham ka asi sha?

JEREMIA 51:11

Tatiwe raq Media mung hokhambi tiishai baiqto. Kriika Bebilon mung kra tiithenbaiq miitu. Apaiq Shomjam tiithen baiqtaq phuk lam she Bebilon ka mitiithenbaiq. Renok siihiip jongbi raq akha aming kuqtlo, “Namshiq liqsin ka siraü min ronglaq! Maiqmii liiq piraq kheronglaq!

JEREMIA 51:14

Tati Ningkun Ajongwe raq apaiq maiqmii mang ka chong raüta apaiq raq rewe pahea tsuqho raüta Bebilon mung kra kupchi kong ikha mitiikhat ha nguta atoqtan wishe. Raüta tsangshiq ka rekhat tang raüta tsangla chong dokdok miriiriiq.

JEREMIA 51:24

Tatiwe raq ngutlo, “Bebilonti raq Jerusalem ka jamkho tiithenbaiqtaq, kra thiitham ka Ngi raq Bebilon mung ma mikuqha kra namshiq mak maq michhihan.

JEREMIA 51:25

Bebilon lei, ümniika pumkaü jonghea ashi raq mangjonghiq tlotli tiithenbaiqti ikha. Shatmaq, Ngi, Tatiwe ka ümniima wesang. Ngi raq ümniika rangho lata, hiq na tiipili she misoq baiqha. Lata botkhulai rai mishot baiqha.

JEREMIA 51:30

Bebilon mungti phenlabi raq rekhat ka athaq she riibaiqto. Raüta tsangshiq ka chela kiitelong ruk mong niili ngakito. Tsangshiq ningkun ka ajom she, jechakre ikhiishe haitlo. Chela tro wa kilamchong thun kiimin wiita thenkito. Jamthun ka wa miishe chaqbaiqto.

JEREMIA 51:36

Krai mren Tatiwe raq Jerusalemti ma chongto, “Ngi raq ümkha ka miphoha. Lata ümjaqtinok raq ümnaq jamkho tiichamchaotaq kra miitu atham mijaüha. Ngi raq Bebilon mung wa jürai kuk thun ka atrü mirbaiqha. Lata jürai thun wa kham ka wiita mitrübaiqha.

JEREMIA 51:44

Ngi raq Bebilon mungti phra kaü Bel ma mo mitiihoha. Lata apaiq raq ahuk wan tsiiq nai nyam thun ka wiita mitiithaq baiqha. Maiq mung thun raq apaiq ka shomnoq mak she miraq. “Bebilon chela tro ruk ka thento she.

JEREMIA 51:58

Ningkun ajong Bebilon ruk thun ka hiq na tiiphongtsok mitiibunbaiq, raüta ruk diiluhea ruk kilü thun wiita, wa maq hihut michaqbaiq. Maiq mung thun jaqsham ka atuli she mithumki, tsangshiq raq minshiiqtaq ka wa maq chaqbaiqto. Arka Ngi, Tati Ningkun Ajongwe raq toqtan tiikang.”

JEREMIA 51:6

Bebilon mung wa namchiim jin jutlo ronglaq! Bebilon mungti ngarai tiikho na dealanta naq tsai rongkiq. Ngi raq ümchaü iphuk lam tiikang. Lata apaiq ngarai tok na shin lata tiicham chao tiikang.

JEREMIA 51:64

Kra laüta, akha ngulaq, ‘Ara lakdamkom jamkho chum mong na sang wantlaq akha, Bebilon mung ka chummong na mitiideabaiq. Krai mren ümtiikiimin thongshi ka ra na dong lot mak she miraq. Jamkhano ngukla Tatiwe raq armung ka mitiithenbaiq.’” Jeremia bomchong ka arshe thumto.

AJONJÜ 5:6

Atra si miitu ramrit seakai Ejip mung na nai, Asiria mung na kikai.

EJEKIEL 17:18

Jamkhano ngukla, apaiq raq atiitum raüta tongshong kiqkham raütu akhakuq kra runbaiqto. Apaiq raq arthun ashut kiimung wanto. Ümchaü apaiq hangkai chang ka ahü she.”

EJEKIEL 21:22

Riita ümchaü! Ajaqtsi nü niika liqsin kii, ‘Jerusalem’ nguta twaiq raü kra shamraü miraq. Kra liichum ka apaiq ka Jerusalem na kaichang ngutlo. Raüta chela ruk mong na nyap wan chang hiq phong raüta lam thun ka tiicho mihai, raüta rekhatho ma boli mitsü, kiimaq chela kilam chong thun kiijaq kilü jin wan chang hiqkhu thun kra mipa wan. Raüta hiq phong raüta hiqkhu lam thun kra mihai, kiimaq kiituk thun kra mithu.

NAHUM 1:2

Tati Shiikeawe raq apaiq rai riilong liiqti ka, akhiismin nin lot mak jaq mitiijang, tsangshiq ma atsankhiq tsi ma, tsangshiq mitsa.

Matthew 7:2

Namshiq raq nanok ka jamkho shrongra wan tlan, kiikhiisii Shiikeawe raq namshiq min mishra wan. Namshiq raq nanok ka jamlai tri mo shin wan tlan, kra tri maq namshiq kiimin Shiikeawe raq mishin wan.

Luke 21:22

Kra matdong akhing kriika, Asii bomtsi na, ‘Atiichamchao wan Akhing,’ nguta chongtlaq kra bomtsi kra tiiku wan akhing rahiq she dea saü wanto nguta sap chang miraq.

Romans 12:19

Kongtitiim lei, namshiq raq ümtiikiimin maiqmii phuk ka naq lam rongkiq. Shatmaq, namshiq phuk ka Shiikeawe riitiq milam laq. Tatiwe raq Asii bomtsi na, “Ngi raq phuk milam ha. Nanok ma abi kloti phuk milam ha,” nguta chongtlo.

Romans 3:5

Shatmaq, nashiq raq ashut jaqsham tiikai kra riili, Shiikeawe raq tingting jaqsham tlaq kra, samhea wiq khangriri hea tiichhikuq tlaq jiikiiha? Riita, nashiq ashut kha na, apaiq raq nashiq ma mo tiiho tlaq kriika, ajiq tsatson tlo nguta, nashiq raq Shiikeawe ka mishra lot rong i sha? (Ara bom arka ju raq ngu raü min miwai li dongdii.)

TRI CHONGKE 32:35

Tatiwe raq tsangshiq phuk milam, raüta tsangjaqti ma mo mitiiho; tsangshiq dea wan akhing jai na misaü; tsangshiq chongthum jawan ranaiq ajeli she.

TRI CHONGKE 32:41

Ngi raq inepja ka achhai lüplüp mitiisi minha, kiimaq kha ka tingting maq miphoha. Ngi raq iphuk lam ijaqtinok mikhatha kiimaq Ngi ngengti thun ma mo mitiihoha.

TRI CHONGKE 32:43

“Maiqmung thun lei, namshiq raq Tatiwe senginok ka tiitsam ratlo, apaiq raq tsangshiq tseati thun ka wiita ma mo mitiiho. Apaiq raq ajaqtinok thaq na aphuk lamtlo, kiimaq asenginok ngarai thun ka diikuqtlo.”

2 Thessalonians 1:8

Tati Jesuq ka, kra akhing na, walüli rai tlaq ikha misaüho. Raüta apaiq raq Shiikeawe bomtsi shisheti thun nai nashiq Tati Jesuq bomtsi, Tsütsa Ahea kra lang makti thun ka, wiita mitiichamchao wan.

James 2:13

Shiikeawe raq khapho akhing ranaiq na, jurwa kongti ma mangchan tiichhi mak dea riitaq, kriiti miika apaiq riimin mangchan tiichhikuq mak miraq. Shatmaq jurwa nanok ma, mangchan tiichhi kuqtaq, kriiti miika Shiikeawe riimin mangchan mitiichhi kuq.

JOSHUA 6:20

Krai mren ramwebi raq lerong ka tsütrangto. Sreabi raq lerong tsüwa trang kra tai raüta, tiihong raüta gitrangto. Krai mren, chela tro ruk ka riidungtsok tham wanto. Kiijiishe Israilnok rewebi raq, lamha kra dürang raüta chela mong na khat wanto. Raüta chela ka jiiwanto.

JOSHUA 6:5

Kiijiishe, tsangshiq raq lerong ka adam na tiihong raüta dang alu maq tsü chang. Namshiq raq kra tairi, maiqwere tarü raq tiihong lanta gitrang ratlo. Kra raüla, chela tro wa ruk ka wiita mithamki. Kiijiishe nolabi kunli ka chela mong na phongtsok she khat wan chang.”

Revelation 16:6

Tsangshiq raq Shiikeawe sengi nai Shiikeawe shammibi tiijai raü baiqto. Krai mren she, ümchaü ümniiraq tsangshiq ma, tiijai hali she tiinyang tlaü kra, tsangshiq raq jamlai wa lap tlaq, kriika tsangshiq raq kha tangtaq kra tham she hophaq wan tlo!”

Revelation 18:6

Apaiq raq namshiq haihii wantaq, kiikha apaiq haihü ronglaq. Apaiq raq ümchuwa ngarai tang wantaq, thepliip maq apaiq khap na tsümkuq rong laq!

Revelation 19:2

Apaiq raq khapho tlaq ka tingting, kiimaq riikhaqli pho tlo! Apaiq raq mangjong maiqse sethoq ja ngarai maq tiisheshi wanti, mephe nyung kha ka photo she. Shiikeawe raq asengi thun tsea baiq wan kha na, mephe nyung ka tiidea baiqto she.”

1 SAMUEL 15:33

Kiijiishe Samuel raq nguto, “Ümnepja raq anyungre pahea sehü nyungre ma tiijabaiqto. Krai mren ümchaü sanha ümnyung kiimin sehü nyung miraq.” Raüta apaiq raq Agag ka kiijaq Gilgal chela na berong-wacha khaki na tiipantrok chumbaiqto.