JEREMIA 5:3 - ASII LAKDAP Bible (BSI)

³ Tengteng, Tatiwe riika tsapkapkap maq noqti rittlo. Apaiq raq namshiq ka sintsang maq bukto, shatmaq namshiq raq tsantsii kuq man dea. Apaiq raq namshiq tiibunlak bukto, shatmaq namshiq raq shrin mandea. Namshiq ka wanshakshak nilannok; kiimaq nam ngarai lam phan ka thaqbaiq man dea.

Hawa Naga Bible 2001

³ Yehowa rueq vsuing tvmtuing httaz tvkoc lawc yaq. Vpiq rueq nuimshiq muex murx tvgurc tueq, yuq muinz nuimshiq rueq bvlvmx lawx muit; vpiq rueq nuimshiq kuex tvbunx gay tueq, yuq muinz tvhonc tvtharc kuex nuimshiq rueq lvlc gay tuit. Nuimshiq kuex lung htauk nuex muinz khux vtsanz ningkhvnc nuex tharc humc wuez muit.

JEREMIA 5:3 Referencias Cruzadas

RAPHA HIQWA LAK 19:34

Kriimaq naiqjai niishe anyi-nyung raq ano-nyung ma nguto, “Ngi ka ümwa rawa apaiq rai konkang. Riita ümchaü min, apaiq ka che tiinyang laita che ma tiiphe nong i. Laita ümniika apaiq rai konlaq. Kra riihaitiq nanai wiita raq maiqwese no ka nawe lümaq mihum i.”

1 HOKHVMX 13:33

Israil mung Hokhamwe Jeroboam raq apaiq abi ngarai lamphan tlaq kiiwa atsantsii ka klai mak dea riito. Krai mren apaiq raq laihin phra shomnoq chang berong-wacha thun haiwantaq kiijaq ramwe jaqshamti ramwebi ka miinan joli maiqse wiili shong wan lili riitlo. Apaiq raq ramwe jaqshamti ka jurwa ramwe jaqsham rotlaq kriiti ka ashong wan ngulili shongto. Raüta tel maq tiibok nyukto.

2 HOKHVMX 1:13

Kra jai miimin hokhamwe riika siihiip weshi hali asengi maiqwere roqbiingi rai hali tiikinongto. Kriiwe ka hiqlam kiina düwato. Raüta Elija khaki na kaütsrong na ngakito. Raüta akha tiipaiq neato, “Shiikeawe maiqse lei, ngi nai isengikong arma tiihang kuq laq. Naishiq miisaq ara tiiwong kuq laq!

2 KAÜWA WERAÜ 16:9

Tatiwe raq mangjong tlotli ka tro tri raüta kheshat liitlo. Raüta ju tsantsii wa apaiq rai riipona tlii maq sitlaq kriiti ma ningkun shoqke miitu khekham maq sitlo. Shatmaq ümniiraq ashut angi jaq sham klo laü. Kra ningkhan ümchaü sanha ümniika chiq are rai li she mirkhat siq haü.”

2 KAÜWA WERAÜ 28:22

Riita apaiq dii na chamchao sangrai ka henghea she saü wan kiita, Ahaj raq Tatiwe makki na ngarai ka pahea tang wan wan khoti riito.

Tvtsvmc 51:6

Ümniiriika tingting kiimaq tengteng kli rittlaü; ikhutsai ka üm taksu tsii maq tiimakuqlaq.

Tvtsvmc 51:8

Ngi ma chonglaq ümniiraq ingarai ka diikuq kang she nguta, raüla ümniiraq ngi tiinamtok irok irii ngoqrara buklaü, li jiimin ngi ka jangshi chochikhiq misi nongha.

Tvtsvmc 55:20

Man niiwa ikongtiwe raq akongtitiim ka longto; apaiq raq akiqkham raüpot thun ka jinto.

TAKSU LAK 21:29

Kechu maiqse ka, tiima tsantsii pharang rang. Shatmaq ajiqwe ka, alamwe ikha tiihaihii raüta bomtlo.

TAKSU LAK 22:12

Tengteng bomtsi chongti ka, Tatiwe raq chhishat. Shatmaq lule bomchongti ka, apaiq raq tiidea baiqtlo.

TAKSU LAK 23:35

“Tsangshiq raq ngi bukto sham,” nguta mingu haü. “Tsangshiq raq ngi teato sham, shatmaq tiitsang mang she. Tiidolot mang jaro? Abi ri anyangha chang.”

TAKSU LAK 27:22

Maiqjiqti ka sintsang maq hihut tsat raü min, atsii ka chhimak miraq.

ISAIA 26:11

Ümjaqtinok riika ümniiraq tsangshiq ma mo mitiihohaü ngutiika sapmak. Tatiwe lei, tsangshiq ma jea tiingaülaq. Laüta tsangshiq ka tiichamchaolaq. Ümniiraq tsangshiq ma mo tiihochang tiije laü kra mihophaqlaq. Ümniiraq ümsenginok ka ümtinkhan wa lungwiitlaü kra tsangshiq ma tiichhikuqlaq.

ISAIA 42:25

Kriikha niishe apaiq raq atsankhiq walütu maq nashiq ka shechaqto ahata, krai mren redong wa niishe khiimphaq kai ahata. Waniitu ikha atsankhiq wa raq Israil mung hamli khiimto, Shatmaq jamlai mra wa pintaq, kra nashiq raq jamtho min hemai riikai. Nashiq raq kra mra pintaq kiiwa jamlai tsü min chhi mai dea riikai.

ISAIA 48:4

Ngi raq asapha namshiq ka nilannok ma mijahan nguta, jinbu jamkho tsintlaq ikha tsin dang dang, kiimaq miiki ngam ikha atiiq ma tsinhea.

ISAIA 9:13

Ajong Pinthum Tati raq Israilnok ka tsatto. Shatmaq tsangshiq mra ka tiidiimak dea. Tsangshiq ka apaiq wokhong na jang wan mak dea.

JEREMIA 15:7

Armung na chelatek na Ngi raq namshiq ka tsamkü bun rahai ma tiipanbaiqtlaq ikha wanbaiq kang. Ngi raq namshiq ka tiithenbaiqkang, isenginok lei. Ngi raq namsetiim tsatbaiqkang, jamkhano ngukla namshiq raq abi lamphan ka thaqbaiq man riilan.

JEREMIA 17:23

Tsangtitiim raq ibom taimak riito. Kiimaq tsantsii kuq mak riito. Ibom taiwan rii na, tsangshiq ka nilan kong ma jawanto. Kiimaq ngi raq ashrinkuqha ka tlang wan mak riito.

JEREMIA 19:15

Tsangshiq ma chongkang, Tati Ningkun Ajongwe raq akha nguto nguta, “Ngi raq ara chela khuthaq na nai ara tho apha na chela thun sitlaq tlotli na, ngi raq ümtinkhan chamchao mo mitiihoha ngutiiwa chongkang thun kra, kunkun she mitiihoha. Jamkhano ngukla namshiq ka nilan wanshak shaknok kiimaq Ngi raq jamlai wa chongtiikang kra taiman tlea tlan.”

JEREMIA 2:30

Ngi raq ümniima mo tiihokang. Shatmaq kriika ümniima jam achu min ahüli jatlo. Ngi raq ümniika trantsii la nguta tiima phala, ümniiraq ibom tai maü. Hangsi kaü ahok aho giwan tlaq ikha, ümniiraq üm shammibi tsatbaiq laü.

JEREMIA 3:3

Kriikha maq tiina ra min junkuq mak she tsaqkitaq kra. Kiimaq lamsesat rajun kiimin jun mak she tsaq kitaq kra. Ümsham ka ümchaü mephe nyung sham ikhiishe. Ümniika jeahü nyung.

JEREMIA 32:19

Ümniiraq taksu pinthum jaqsham thun sürii tlaü. Laüta ajong pinthum jaqsham thun shamtlaü. Maiqse raq jamlai phan wa kloliitlaq kriika, ümniiraq wiita achhi haü siisaq. Krai mren, ümniiraq maiqse ka tsangshiq raq jamlai jaq wa shamtlaq kra phanphan poksi kuqtlaü.

JEREMIA 44:10

Shatmaq ümchaü ranaiq niitaq saüli, namshiq tsantsii ka klai wan man dea. Namshiq raq Ngi ka shreng wan man dea, kiimaq Ngi raq namshiq ma nai namtitiim ma kuq wan kang tri raütu kra lang lanta siwan man riitlan.

JEREMIA 7:26

Kra taü maq dongdii min, jurmin tsangshiq bom ka taiman. Kiimaq tsantsii kuq man shishe wan lan. Tsangshiq bom tai wan rii na, namshiq ka namtitiim thaq niimin nilan kiimaq kiqkhii srurii wan kli shiichaqtlan.

JEREMIA 7:28

Ümniiraq tsangshiq ma tsang mungti raq Ngi, Tsangshiq Tatiwe, Shiikeawe bom ka taimak riimakla, tsangshiq raq moho phataq kriiwa tsii chhiphaq mak dea nguta chonglaq. Atsap akap hon atsii atsaikai wishe. Kriika archong phan min riichongphan mak she.

JEREMIA 8:5

Ikhiijiika isenginok namshiq ka ngi phana jai na jang wan man maq, klang maq iwokhong wa jamkho juho lan? Namshiq ka nam phra sumla thun kriidii niili she tiipop wan lan. Lantea ngi phaniika jang wan roman she ngiimtlan.

EJEKIEL 2:4

Tsangshiq ka nilannok. Tsangshiq raq Ngi ka shreng mak. Arningkhan Ngi raq ümniika tsangshiq phana tiiwa tiikang lata, Ngi, Tati Rakaü Hiqwe raq ngutiikang ara chongkuq kikiq.

EJEKIEL 24:13

Jerusalem lei, ümsethoq jasha raq ümkhum ka tiishe shibaiqto. Ngi raq ümkhum ka tiisii hetseke shiikut kang. Li jiimin ümniika asheli riishat shat. Ümkhum na itsankhiq walü nyai heng kra ümniiraq kunli misap haü shaq wiiwii, ümniika ashe li she misihaü.

DANIEL 9:13

Mosheq raq awaiq thü Thungtri lakdap na chongtlaq kra phanphan dea, naishiq ma manson chamchao ka kuqlaü. Shatmaq ümchaü min, O, Tati naishiq Shiikeawe lei, naishiq ka naishiq ngarai lam phan wa ümwokhong na jang wan laita, ümnaq tiichochi wan ka tiima ra mai sitiikai. Kiimaq ümniiraq akuq haü tengteng bomtsi kra phan phan siwan mai riitiikai.

LEWI 26:23

“Kiimaq atinkhan mo tiiho jai min, namtsii chhiman, namshiq raq ibom taiman, shatmaq ikiq ka khii ruqli la sihan la,

AMO LUIK DVP (AMOS) 4:10

“Ngi raq Ejip mungti thaq na sawa thadong tiisaükang, lata maiq ka tiijiim baiq kang. Namshiq khuthaq niimin sawa thadong tiisaü kang. Lata maiq pahea tiijiim wan kang. Ngi raq namshiqnok jero jongbi, chiqse rewe tiidong lata, re na pahea tiijiip wan kang. Lata namrekhat chang kumrang kong, rewenok ma sepat lopi ma tlam wan kang. Namshiqnok phenlabi thun piitiip na, maiqmaa namtsam tiimok miichaq, maiqmaa phong ka pehürong ikha. Shatmaq namtsii chhi wan man dea, kiimaq ngi phana jang wan man dea, nguta Tatiwe raq ngutlo.

AMO LUIK DVP (AMOS) 4:11

“Ngi raq Sodom nai Gommora chela shiithen baiq kang ikha, namshiq phong wa maiq wiijam shiithen baiq kang. Kriiwa aso wathiq chongpot ikha, tiisambaiq wan kang. Shatmaq namtsii chhi wan man dea. Kiimaq ngi phana jang wan man dea,” nguta Tatiwe raq ngutlo.

AMO LUIK DVP (AMOS) 4:6

Tatiwe raq ngutlo, “Ngi raq namshiqnok chelatek na ram tiidong wan kang, shatmaq tsii chhi wan man dea, kiimaq ngi pha na jang wan man dea.

AMO LUIK DVP (AMOS) 4:8

Khamnyangtsi raq haü raüta, chela anai atsamti ka khamrit nyang kai, chela ashi na riidunghoto. Shatmaq kham ka humnyang mak dea riito. Shatmaq namshiq chhi wan man dea. Kiimaq ngi phana jang wan man dea, nguta Tatiwe raq ngutlo.

AMO LUIK DVP (AMOS) 4:9

“Tsamdong tlungji na rakii rahai tiiwa kang. Tsam ka wiita tiishin baiq kang. Ajong momi tiiwa lata tsam wiita tiiphaq kang. Kupchi ramwa tlong kang, Namshiq phupmuptsiro nai spiqro wiita, tiiphaq kang. Shatmaq namtsii chhi wan mang dea. Kiimaq ngi phana jang wan man dea, nguta Tatiwe raq ngutlo.

JEPHANIA 3:7

Ngi raq arthun klowan kang arka, isenginok raq ngi ma mishreng wan sham, nguta tiima wan kang. Kiimaq tsangshiq ma nithak lata, tsii chongkuq tiikang kra mitai sham, nguta tiima wankang. Ngi raq tsangshiq ma shrinkuq wan kang ka, ümtiikiimin laqbaiq mak miraq ahiq, nguta tiima wan kang. Shatmaq tsangshiq ka jaqlo liipan niilishe, man na sitaq kra thaq na, naolaqhea jabi wan wan khoti riito.

Romans 2:2

Shiikeawe raq, akha ashut kiimungti maiqse kha ka, riikhaqli kappe maq shin raüta, phokuq tlo nguta, nashiq raq asap i.

Hebrews 12:9

Riita, nashiq ma han-ngam na, nanyungwe riiminla trantsii tsatson tlo kata. Krai mren, nashiq raq tsangshiq shreng tiikai. Ikhiijiika, nashiq raq nashiq ma Wenyi We sitlaq kra wokhong na pinthum phaqchii nichii maq si chang kata!