JEREMIA 5:29 - ASII LAKDAP Bible (BSI)

²⁹ “Shatmaq, Ngi Tatiwe raq, tsangshiq ka arthun ashut klo wan kha na mo mitiihoha. Ngi raq armungti khuthaq na phuk milamha.

Hawa Naga Bible 2001

²⁹ “Yuq muinz kvruex phvnx htenc tvkoc nuex tsuingshiq muex ngaz, Yehowa rueq murx tvgurc shaungx.

JEREMIA 5:29 Referencias Cruzadas

ISAIA 57:6

Namshiq raq kiiwa longkaü kaünyea nyea thun kra lam lantea tisho kong nguta noqtlan. Namshiq raq che khap ka honglu na tsangshiq ma raü kuqtlan kiimaq rai awong honglu thun kuqtlan. Namshiq nga Ngi ka arthun klotlan arma chochitlo ngutiisha tiimatlan?

ISAIA 65:7

Tsangshiq ngarai thun nai tsangtitiim ngarai thun kra miitu. Tsangshiq raq kin na thatsang berong chong thun na homseng honglu kuqto. Raüta Ngi ma ngengseng bombi kiqsü kuqto. Kriikha na Ngi raq tsangshiq ka man na ngarai ümchuwa tang wantaq kra phan phan mitiicham chaoha.”

JEREMIA 5:9

Riita ngi raq tsangshiq ka arthun ngarai khana mo tiiho mangli sha mirha? Kiimaq akha sitlaq maiq mungti thaq na iphuk lam mang shea mirha?

JEREMIA 6:6

Ajong Pinthum Tatiwe raq arthun hokhambi ma pechong thun daq lantea Jerusalem kra khatwan miitu chela peruk tro kiijaq maiq düwan chang hiqkhu thun hiqphong ronglaq nguta aming tatto. Apaiq raq nguto, “Ngi raq archela ka sintsang maq mitsat ha. Jamkhano ngukla mungmaiqse ka ji maq nishishi tiichamchaotlo.

JEREMIA 9:9

Tsangshiq raq atinkhan ashut klotlaq arkha na, Ngi raq tsangshiq ma mo tiiho mangli shea mirha? Akhnok mungti khuthaq na iphuk lam mang li shea misiha? Arka, Ngi, Tatiwe raq ngutiikang.”

MALAKI 3:5

Tati Ningkun Ajong Pinthumwe raq ngutlo, “Ngi ka namshiq phong na midongkiha. Lata namshiq kha ka miphoha. Mintin loqle kloti, maiqchak rai srati, rung na arot saqse keti, ningchang jaqmaq kuq mak haihiiti, kiimaq thümwaq manti-nyungre nanshanti, jechi-nomi kiimaq wanshawe haihiiti kha, kiimaq ngi ma shreng manto thüwan makti thun kha kra miphoha.

James 5:4

Namshiq raq namwak na ningchang tham phaqti, tsamhan jaq maq kampho ka kuq man maq haihii lan. Tsangshiq raq aholülü maq tiipaiqnea jaü tlaq kra tai man sha! Tsangshiq hoq trang tlaq kra Tatiwe, Ajong Shiikeawe raq taito she.