JEREMIA 5:11 - ASII LAKDAP Bible (BSI)

¹¹ Israil mungti nai Juda mungti raq ngi ka shubaiqtlii no na tsuqbaiqto. Arka, Ngi, Tatiwe raq ngutiikang.”

Hawa Naga Bible 2001

¹¹ Israel miqsaz nuiyc Yuda miqsaz rueq ngaz muex tvmtuing vguez rvtueq. Ngaz, Yehowa rueq jungx vshaungx,” ngoz tueq.

JEREMIA 5:11 Referencias Cruzadas

ISAIA 24:16

Mangjong hiq ratsüko na siti maiqse raq kechu Israil mung tiitsam shinge mitai rong i. Shatmaq ngi ma tsan ransea chang ka jammin ahü! Ngi ka wiita ajam lata sarai wan kang! Ngi ka maiqshaphaqti raq maiq jaq na shaphaq baiq ruqli. Kiimaq tsangshiq raq ngi shaphaq thiikho thütlaq kriika bihea riiwan wanli riitlo.

ISAIA 48:8

Ngi raq asap-ha, namshiq ka maiq kamsea chang riimak, namshiq ka maiq wokhong na siti riiman. Kra ningkhan tiina namshiq raq ara bomtho lapwan man dongdii riilan kra, namshiq ni na ara bomtho saümak dongdii riitiika arningkhan kata.

JEREMIA 12:1

Tatiwe, ngi raq ikha ka ümniirai riikhiiha jiila, ümniili riikhaqli ma mijahaü. Li jiimin ngi raq ümniima tingting tri maq khaphoke bom ka awai chang dongkito. Riita abi kiimungtibi ka jaro chiithe liiwa tonglong jatla? Laopha maiqsebi raq jaro ongwan ruq laptla?

JEREMIA 3:20

Shatmaq sethoq nyung ikha, ümniika iwokhong na tsapkapkap simaü riilaü. Arka Ngi Tatiwe raq ngutiikang,”

JEREMIA 5:10

Ngi raq isenginok spiqro thun kra dabaiqkaiti rewe pahea mitiikiha. Shatmaq tiisiirai langlang kla tiijiipbaiq mang. Ngi raq akü ako thun kriili jambaiq ronglaq nguta michongha. Jamkhano ngukla kra kü thun ka ikü ka riimak.

JEREMIA 9:2

Itsan mong na riiweasea kla kumtsaiphii rumnyangkhi na ngi sichang hiq bashi asi nguraüjaq ahea riichang, kiijaq inok ita makki wa alu na akihoha chang wa. Tsangshiq ka tsapkap mak pinthum, iwokhong na simak mung siiqbaiq tiikong,

Hosea 5:7

Tsangshiq raq Tatiwe kai shishe wanto. Tsangsetiim ka siqphinsekong howanto, tsangsetiim ka Tatiwe rü riimak she. Arkha na tsangshiq nai tsangmung ka Tatiwe raq ashthen she mirbaiq.

Hosea 6:7

“Shatmaq isenginok raq tsangshiq ma akuq ha, Kannan mung wa Adam chela na saü raüta, tongshong jaqkhaq raü atiipakuqha, tsangshiq raq kra diibaiqto.