JEREMIA 49:8 - ASII LAKDAP Bible (BSI)

⁸ Dedan chelati lei, pin ronglaq. Lanta jurong laq! Tiipaü rong laq! Ngi raq Esau saüse phan ka wiita she mitiithen baiqha. Ngi raq tsangshiq ma mo tiiho akhing ka saü wato she.

Hawa Naga Bible 2001

⁸ Dedan miqsaz lex, kvroz vtueq yuz wvnc kuinz! Kvhttuiyq kuinz! Esaw suiuz vsaz hez muex murx tvgurc jauz shex httuiuc tueq ningkhvnc nuex, ngaz rueq tsuingshiq kuex tvbac gay shaungx.

JEREMIA 49:8 Referencias Cruzadas

ISAIA 2:21

Ümtiikiiwa Tati ka mangjong hiq ka naübaiqkai saühotlaq, kra akhing na maiq thun ka apaiq tsankhiq walü kiiwa kiimaq apaiq ningkun jong nai apaiq khushü jonglu kiiwa tiiwong miitu maiq thun ka hiqkho bok thun na kiimaq longraq kam na longkhong bok thun na juraüta mitiipaü wa.

ISAIA 21:13

Arka Arabia mungti tiithai tsütsa. Namshiq Dedan chelati lei, namshiq piikii hupsam hoti nyamsekong ka Arabia mung na kumtsaiphii wang na piitiip tei raüta sitlo.

ISAIA 34:5

Tatiwe raq anep jasaikaü ka ramungtan maq tiije thüto she. Kiimaq ümchaü sanha kriiraq Edom mung ka mijiipbaiq. Maiq thun ümchuwa apaiq raq tiishutbaiqtaq thun kra mijiipbaiq.

JEREMIA 46:21

Apaiq raq amaq kham asheaki phenlabi thun kiimin, minsaü sekong jamkhii ijasiq ikha. Tsangshiq raq re ka khat lot mak riito; tsangshiq wiita apin ajin jutrangto. Tsangshiq chongthum jawan ranaiq she saüto, tsangshiq laimiq then wan rahiq saüto.

JEREMIA 48:28

“Mob mung na siti mungmaiqse kong lei, namshiq chela thun kra baiqthü ronglaq! Longraq khu thun kiina walanta siwa rongkiq! Haütaü kaü raq achü ka jüwiibok tho na haitlaq ikha sirong laq.

JEREMIA 48:44

Juwa phiiptsi chang rathaiq saü wan tlaq kriiwa jula ngutla manhii raüla, khobok theje thütaq kriijaq midea wan. Kiimahali, juwa khobok mong kriiwa donghola nguta adü wan man tlaq kriiti ka bi tsanje athü kriijaq mimin rai. Jamkhano ngukla Mob mung tiithenbaiq miitu Tatiwe raq apaiq ningthoi ranaiq ka atiihongthü kun she dongdii.

JEREMIA 48:6

‘Jaqlo, namchiim jintlo ronglaq’ nguta tsangshiq raq ngutlo. ‘Kumtsaiphii rumnyangkhi wa kumtoqkaü ikha juronglaq!’

JEREMIA 49:30

“Hajor chelati lei, Ngi, Tatiwe raq honlam bom chong tiikang, namshiq ka luhea na chiim jin wan jutlo ronglaq. Lanta tiipaü ronglaq. Bebilon mung Hokhamwe Nebukadnejar raq namshiq miitu tiikho athe kun she. Apaiq raq akha ngutlo,

JEREMIA 49:32

“Tsangshiq kumtsong kong kiimaq tsangshiq jam nyamsekong thun ka wiita tsuq wan ronglaq! Ngi raq tsangshiq khu tap raüta sitinok ka barap binrii na wiita mitiipin baiqha. Ngi raq tsangshiq khu thaq na trotam maq chamchao walü mitiisaüha.

JEREMIA 50:27

Tsangshiq phenlabi thun ka tiisiirai jiipbaiq ronglaq! Hihut jiipbaiq ronglaq! Bebilon mungti ka miqto she! Tsangshiq ma mo tiiho ranaiq ka saüto she!”

JEREMIA 6:1

Benjamin wangti lei, maiqmii khupi jutlo ronglaq! Jerusalem wa chiim jintlo ronglaq! Tekoa hiq na redong hünong buktlo ronglaq. Kiimaq Beth-Hakherem hiq na redong wanii tu tiinyaitlo ronglaq. Shekhu nü maq mungthen wan chang nai mungbun wan chang rahai ka saü wantlo she.

EJEKIEL 25:13

Ümchaü Ngi raq Edom mung ma mo mitiihoha nguta bom ka tiitaitiikang. Lata kiijaq siti maiqse kiimaq nyamse thun loweatek mijiipbaiqha. Ngi raq kra mung ka Teman chela maq phaho lata Dedan chela na saüli botkhulai rai mishot baiqha kiimaq maiq nai nyamse thun ka re ma wiita mitiijiipbaiqha.

MALAKI 1:3

Kiimaq Esau nai asaü asetiim ka ashulii riiwan kang. Ngi raq Esau hiqshong ku akin ka tiithenbaiq wan kang. Lata tsanghiqshong rahai kra miikakoi ma kuqbaiq thükang.”

MALAKI 1:4

Kiimaq Esau saüsetiim, Edom mungti raq, “Naishiq hiqshong chela thun wiita shiithen baiq wanto. Shatmaq naishiq raq atiihea mirnong hai,” nguta tsangshiq raq mingu. Kiijiishe, Tatiwe raq hali mitre nong, “Tsangshiq raq bamtiihea laq. Ngi raq tsangshiq chela thun ka thongshi ri hali mirun baiq nongha. Kra chhi raüta nanok ahinti raq, ‘Armungti ka abi. Tsangshiq rai ka Tatiwe tsankhiq ka pattup siruq li miraq,’ nguta mirchong.”

Revelation 6:15

Kiijiishe, ara mangjong hiq na honyung hokham bi, mungtubi, kiimaq phentu ajong ala bi, chiithe lüwa ajong ala bi, kiimaq maiqse angu sephii nojii hiq ma hutse, di ama kiimaq aki miikiim wiita, chongkhong longsha mong na, kiimaq ku akin takiq na niishe tiipaü wanto chhikang.

PHOWEBI 6:2

Midiannok ka Israilnok thaq na ahong ala, srea nola riito. Kriikha niishe Israilnok ka Midiannok ma hai ma longshabok thun na nai ku akin binjü kiina tiipaüto.

1 SAMUEL 13:6

Raütiishe, tsangshiq raq Israilnok ka ningkun aheng maq tiikot trot she khat wanto. Kriikha niishe Israilnok ka ümkhiimin jalot mak she riito. Kra ningkhan, Israilnok wiijam ka longsha mong na nai hiqkho bok na tiipaüto. Kiimaq wiijam ka chongkhong longsha bok na maiqmii khure tiipaü jutrangto. Kiimaq hiqkhobok mong na riimak la, kham ahü khappong mong na tiipaü jutrangto.