JEREMIA 49:23 - ASII LAKDAP Bible (BSI)

²³ Tatiwe raq Damaskas chela miitu akha nguto, “Hamath chelati nai Arpad chelati raq tsütsa abi tai raüta kai chapatlo. Tsangshiq tsan na akii anyiili she khamjong chum tso blun wantlaq ikha tiikaü miilap sitlo. Tsangshiq ka tsan asang maq silot mak.

Hawa Naga Bible 2001

²³ Vruex kuex Damasku nuex seng vtueq Yehowa rueq jungx tueq: “Hamat nuiyc Arpad ghaqyungx htenc nuex httax yaq miq htenc kuex thuix thaungx vbac tay vtueq, rvwvlc tvmaung nuiyc vkuilc vdaz rvhumc wuez yaq. Tsuingshiq rueq rvwvlc tvmaung yaq kvraq tsuingshiq htauk nuex svmuktvrax yuix ikhoc puingc yaq ningkhvnc nuex tsuingshiq kuex kuiyqshuik httax lot muq.

JEREMIA 49:23 Referencias Cruzadas

RAPHA HIQWA LAK 14:15

Kiijaq apaiq raq asenginok ka akong akong niishe triipheato. Raüta rewe ka rawa na khatto. Raüta tsangshiq ka tangto. Apaiq raq tsangshiq ka Damaskas chela maq shekhu nü na Hoba hiq na saüli jowanto.

RAPHA HIQWA LAK 15:2

Shatmaq Abram raq treto, “Tati Rakaü Hiqwe lei, ümniiraq poksi kuqtlaü ka ngi ma jamliip wa miraq, isetiim ri ahü? Ngi tachong hupsam lap wanti ka Damaskas hiqti Eliejar sitlaq kli kata.

2 SAMUEL 17:10

Kiikhiishe tsütsa tai raüla, srea nolajongbi, hangsikaü ikha siti thun kra dongdii min, tsangshiq haisitsi ma aphiip ajiip she mihai song wan. Jamkhano ngukla, Israil mung tlotli raq ümwe ka srea nolajong pinthum kiimaq asengi phenlabi thun ka nolajongbi kong siisaq, kiimaq rekhat na sreajong kong siisaq nguta tarü raq asap siisaq.

2 SAMUEL 8:9

Hamath mung Hokhamwe Toi raq Dawit raq Hadadejer phenlabi thun wiita she tangto nguta tsütsa taito.

1 HOKHVMX 11:24

Raüta apaiq ka maiqse tri na ri-tsi mak pantlat na haiseati kong kra triitam raüta, apaiq ka tsangshiq khuthaq na wela miishe jakito. (Arka Dawit raq Hadadejer ka khat raüta tangtaq raüta, Hadadejer rai reraüshi maq pongti Siria mungti rewe thun kriimin khat raüta jiipbaiqtaq kra jai niishe riito.) Rejon nai asengi kong ka Damaskas chela na wawanto. Raüta asenginok raq apaiq ka Siria mung thaq na hokhamwe miishe shongto.

2 HOKHVMX 17:24

Asiria mung ajong hokhamwe raq mungmaiqse ka Bebilon chela, Kuth chela, Iwa chela, Hamath chela, kiimaq Shepharwaim chela thun wa tsuqho raüta Israil mungti munglu shumwi ma tsuq wantaq kriiti sichang Samaria wang na chela thun kiijiishe tiishong wanto. Tsangshiq raq arthun chela ara jiiwan raütiishe shong wanto.

2 HOKHVMX 18:34

Riita ikhla Hamath chelati phrakaü thun, kiimaq Arpad chelati phrakaü thun ha ümchaü ümbano? Riita Shepharwaim chela riimti phra kaü, Hena chela riimti phrakaü thun, kiimaq Iwwa chela rümti phrakaü thun ha ümchaü ümbano kihota? Riita phrakaü ashi ra raq Samaria chela ka tiichhiikuq tiisha?

2 HOKHVMX 19:13

Kiimaq hali Hamath chela hokhamwe, Arpad chela hokhamwe, Sepharwaim chela hokhamwe, Hena chela hokhamwe kiimaq Iwwa chela hokhamwetiim thunha ümchaü ümbano?”

2 HOKHVMX 5:12

Kiimaq arthaq niimin, Israil mung na sitlaq jürai thun kriithaq na ahea pinthum jürai ka Abana rai nai Pharpaq rai Damaskas chela tho na sitlaq kra ahea lin riimak shea? Ngi ka kriithun kiijaq riiheki lata nguraü min ithatsi ka miheaki riimak shea!”

2 KAÜWA WERAÜ 16:2

Kra ningkhan Asa raq Shomjam kampho tek wa nai hokhamwe jam na kampho tek wa kampho nai chaq ka lamto. Raüta Damaskas na siti Hokhamwe Benhadad, Siria mung hokhamwe ma bom ka akha tiichong wan raüta tiikuq wato:

DUNGWVNC 15:15

Edom mung welabi phiipjiip wanto; Mob mung nola jongbi atiikhai riitlo; Kanan mungti tsangshiq tsaiji tiidoqto.

ISAIA 10:9

Ngi raq arthun chela ara khatkang. Lata jiiwan kang. Kalno chela kiimaq Karkemish chela, Hamath mung wa chela thun nai Arpad mung wa chela thun ka jiiwan kang. Ngi raq Samaria chela nai Damaskas chela kra khat lata jiikang.

ISAIA 11:11

Kra ranaiq akhing she saü wan raüla, Tati raq jangshi ri hali aningkun maq, asenginok Asiria mung na nai Ejip mung na, kiimaq Pathros mung na, Sudan mung na, Elam mung na, Bebilon mung na, kiimaq Hamath mung na, kiimaq khamjong chumkii wang binjü na kiimaq khamjong chum mong na siti maiqmung thun na atiichongki thun kra tsangmung na mitsuq wan nong.

ISAIA 13:7

Maiqse angu wiita jaq ka riibat rang she anin mirki. Maiqse wiita jurmin khulot makshe miraq.

ISAIA 36:19

Tsangshiq thun ka ümchaü ümbano, Hamath mungti nai Arpad mungti phra kong thun ha ümbano? Sepharwaim mungti phra kong phong ka ümbano? Phra kaü ashi ra raq Samaria chela ka tiichhiikuq tiishea?

ISAIA 37:13

Kiimahali, Hamath chela hokhamwe, Arpad chela hokhamwe, Sepharwaim chela hokhamwe, Hena chela hokhamwe, kiimaq Iwwa chela hokhamwe thun ha ümbano kihota?”

ISAIA 57:20

Shatmaq abi kiimungtibi ka khamjong chum blun raitlaq ikhli, chum phom blun ka atsaq min tsaq mak blun wan ruq. Ashe ashi sinchiitsap phong kra takii na tsuq wantlo.

ISAIA 7:8

Jamkhano ngukla, Siria mung ningkun ka tsang mung nyungchong Damaskas chela thaq na ajong riimak. Kiimaq Damaskas chela ningkun ka tsang Hokhamwe Rejin ningkun thaq na ajong riimak. Kriimaq Israil mung khuthaq wa bom ka akha, wiiroqtrok ri wiibiingi liipan kiijiili Israil mung ka mungtan ashi ikha silotmak athum she mirki.

JEREMIA 39:5

Shatmaq Bebilon mungti phenlabi raq Jedekia ka joho raüta, Jeriko chela tho na hiqthung tan kiiwa lohoto. Raüta lapto. Raütiishe tsangshiq raq apaiq ka Hokhamwe Nebukadnejar phana shea wanto. Kra akhing na apaiq ka Ribla chela na riito. Ribla chela ka Hamath chela wang na riito. Kiijaq Nebukadnejar raq Jedekia kha ka pho raüta, tiishutto.

EJEKIEL 27:18

Damaskas chelati raq ümjaq wa piikii hup asam thun kiimaq ümniiraq aklo haü hupsam thun kra ri ma Helbon chela wa che kiimaq Sahar chela wa unirai maq song raüta rito. Tsangshiq raq jinsang, kiimaq süse tapan phan kra ümhupsam thun kra ri ma kuqto.

AMO LUIK DVP (AMOS) 6:2

Kalne chela kra liiwa rongkiq, lanta kriimaq Hamath chela jonghea kra, liiki rongkiq. Lanta Philistain mung na Gath chela kra, liiki rongkiq. Riita armung thun thaq na Israil mung nai Juda mung ka, holi ajong chiithe shea? Israil mung nai Juda mungti hiq ka armungti thaq na, ajong lin shea?

NAHUM 2:10

Ninewi ka botkhulai rai shotto! maiq thun wiita pinto! Hiqmiq changkhü miishe jato! Tsaihü jihü phiipjiip wanto. Tsanghok tsangjaq tiikhai rokrok; rok-hü riihü tiimelot mak. Tsang theaphi na tapkhu da, munjuk mijuk!

WEAWEA 13:21

Krai mren, siwebi ka shekhu nü nü wang kiina wa wanto. Raüta mung ka shemai nü na Jin rumnyangkhi wang maq sipha wan raüta, shekhu nü wang na Hamath Pumchit tho na Rehab wang binjü na saüli siwanto.

Acts 27:20

Rathaiq rahai heng wan ka rahiq luhea she, ranaiq rawa heng wan ruq lishe heng wanto. Ranaiq na rashe makpo kiimin chhi mai she kiimaq rawa na raiqsaiq sham kiimin chhimai she riikai. Kiimaq rathaiq wa ka henghea riiwan riiwan lishe heng wanto. Kriikha miishe, naishiq ka lunlot mai she sham nguta tsiim jüshushu she riikai.

Acts 9:2

Raüta, Damaskas chela na sinagok thun sitlaq kra liiwanti welabi ma, apaiq rai mang triisapke, lak thun ka jaüto. Kra lak thun ka, apaiq raq Tatiwe Lam phantibi Damaskas chela na asi hum wa raüla, apaiq raq tsangshiq ka, jechak maiqwe wiita lapho raüta, Jerusalem na tiijang hitho nong miitu jaüto.

2 Corinthians 11:32

Ngi ka Damaskas chela na bala, kiiwa wanghupti we, hokham Aretas we jaqkhong na sitiwe raq, ngi tlap lu wan ma nguta, chela kilam chong thun na phenlabi ma tiikhe wanto.

TRI CHONGKE 20:8

“Kiimaq phentubi raq phenlabi ma akha hali mingu, ‘Riita arjaq maiq weshi ra atsaiji aranti kiimaq ahai asongti maiq asi sha? Kiikhiiti maiq siraüla, apaiq ka jam niili mijang wanlaq. Kra riimakla, apaiq raq kongtibi tsaiji kra mitran.’

JOSHUA 14:8

Shatmaq, ngi rai wadamti siwebi ahinti raq nashiqnok ka atiihai khoti riito. Shatmaq ngi raq Tatiwe I Shiikeawe aming ka tsapkapkap langkang.

JOSHUA 2:11

Naishiq raq kra tsütsa ka tailaita, naishiq ka pinthum atiikhairokrok she hai wan kai. Naishiq ka namshiq ma haima, tsitsü min dong mak she. Tengto. Namshiq Tatiwe Shiikeawe ka ramungtan nai mangjong hiq ara rümti dea.