JEREMIA 49:1 - ASII LAKDAP Bible (BSI)

¹ Tati Ningkun Ajongwe raq Ammon mung miitu akha nguto; “Israilnok maiqwere kong ka ümbano? Tsangmung kra khebomti maiq ka jumin ahüshe sha? Molekh phra kaü shomnoqtinok ma Gad wang kra jam nguto tiijii wanta. Kiimaq tsangshiq kiijaq jam nguto tiisi tla?

Hawa Naga Bible 2001

¹ Vruex kuex Yehowa rueq Ammon miqsaz nuex seng vtueq jungx tueq: “Israel waz rulx kuex m-yuq lac? Tsuingshiq mungtan kuex tvguing jix vshiz muinz vguez haz? Tsuingshiq rueq yvmx ngoz tueq lac Molek muex nawk palx jix miq htenc rueq Gad phvnx ghaq kuex lvp wvnc vtueq kvruex yuq httax kaz wuez tuinx?

JEREMIA 49:1 Referencias Cruzadas

RAPHA HIQWA LAK 19:38

Kiimaq ano-nyung riimin ase ka maiqwe se humto. Raüta apaiq raq ase ka Benammi nguta mangto. Apaiq ka ümchaü pat wa Ammonnok phan kriima kaüwati riito.

2 HOKHVMX 10:33

Kriithun ka Jordan rai maq shedong nü wang thun kriimaq phaho raüta, shemai nü mung na Arnon rai khü na sitlaq Aroar chela kiina saüli she jii wanto. Riita arthun jiiwantaq arka Gilead wang binjü nai Bashan wang binjü thun kra riito. Arbinjü thun arka Gad phan, Reuben phan sichang kiimaq Manase phan sichang shedong nü wang binjü thun kra wiita hamli niishe jiiwanto.

2 HOKHVMX 24:2

Shatmaq Tatiwe raq man na ashammibi nübok maq Juda mung ka mitiithen baiqha nguta tiithai wantaq kra phan phan she, Tatiwe raq Juda mung ka tiithen baiq miitu, Bebilon mungti phenlabi, Siria mungti phenlabi, Mob mungti phenlabi kiimaq Ammon mungti phenlabi ka Jehoiakim khatkai tiikito.

2 KAÜWA WERAÜ 20:1

Kriimaq ashaqpuq sijai na, Mob mungti phenlabi, kiimaq Ammon mungti phenlabi ka Meunaiq mungti rai adam na pongraüta Juda mung ka khatto.

2 KAÜWA WERAÜ 20:23

Ammon mungti nai Mob mungti raq Edom mungti phenlabi kriishe khat wanto. Raüta tsangshiq ka tiinamtok tiithumpak jiipbaiqto. Raütiishe tsangshiq nai tsangshiq liipan niishe ngamsang riiphaqtlii miishe riikhat wanto.

NEHEMIA 2:19

Ara jaqsham ahang sürii wan tsütsa ka tai raüta, Sanballat, Tobia, kiimaq Arab phan wa maiq weshi, amang min Geshem ngutlaq kriiwetiim raq, naishiq ka shumtsü miitsü raütiishe shummii siqto. “Ei, riita, namshiq riika jamlai riihokai ngutiiwa tiima tlan? Namshiq ka ajong hokhamwe wokhong wa dongho lanta maiqmii wela jaho ngutiisha dan tlan?”

NEHEMIA 4:7

Shatmaq, Sanballat, Tobia, kiimaq Arabia hong na siti nok raq, Ammon hong na sitinok raq, kiimaq Ashdod hong na sitinok raq, naishiq raq Jerusalem chela ruk tiihea ka lot wan kai she nguta taito. Ruk heawea wa apu thun ka kunkun she tiitang wanto nguta taito. Kriikha na tsangshiq ka kai khiqriq wanto.

Tvtsvmc 83:7

Gebal mungti, Ammon mungti, kiimaq Amaleknok; kiimaq Philistain mungti nai Tajar mungti liipan na.

Tvtsvmc 9:6

Naishiq ma renok ka pattup miitu miqto she; ümniiraq tsangshiq chela thun tiithenbaiq laü she, krai mren tsangshiq mang ka siirai she laqbaiqto.

JEREMIA 12:14

Tatiwe raq ngutlo, “Ngi raq Israilnok ma siqke binre mungti thun ma, ngi raq Israilnok ma akuqha mung tiithenbaiqtinok ma bom chongke chang asi. Ngi raq kra mung thun wa abi maiqse thun ka, pechong arangchong maq babaiqtlaq ikha mibabaiqha. Lata Ngi raq, Juda mung ka tsangshiq jaqkhon mong wa midokda wanha.

JEREMIA 25:9

‘Ngi raq mangjong maiqse tlotli khuthaq na, shekhu nü mung wa, re mitiikiha, kiimaq ijaqshise Bebilon Hokhamwe Nebukadnejar kriishe mitiikiha. Ngi raq tsangshiq kra sheaho lata Juda mungti nai Juda mung tro na siti maiq mung thun kra mitiikhat wanha. Ngi raq armung ara kiimaq armung tro na siti maiq mung thun kra wiita re ma tiikhat lata botkhulai rai she pattup miitu mishotbaiqha. Maklii jai na tiijangphat kiimaq maiqphiip maiqjiip she mitiithen baiqha. Arka Ngi, Tatiwe raq toqtan tiikang.

JEREMIA 27:3

Raütiishe Tatiwe raq ngi nangnga, tsütsa ka Mob mung hokhamwe, Ammon mung hokhamwe, Tajar mung hokhamwe, kiimaq Sidon mung hokhamwe ma, tsangshiq kiimwebi Jerusalem na Hokhamwe Jedekia phana awa kriiti ma tiichongholaq nguta chongto.

JEREMIA 48:1

Tati Ningkun Ajongwe raq Mob mung miitu akha nguto: “Nebo chelati ma mangchan tsi— tsangshiq chela ka tiithenbaiqto! Kiriathaim chela re raq jiiwanto, chela tro kiitelong ruk ka tiibunbaiqto, kiimaq chelati ma jea tiingaüto.

JEREMIA 49:23

Tatiwe raq Damaskas chela miitu akha nguto, “Hamath chelati nai Arpad chelati raq tsütsa abi tai raüta kai chapatlo. Tsangshiq tsan na akii anyiili she khamjong chum tso blun wantlaq ikha tiikaü miilap sitlo. Tsangshiq ka tsan asang maq silot mak.

JEREMIA 49:28

Tatiwe raq Kedar phan khuthaq na nai Hajor hokhamwe raq pengtlaq wang thun khuthaq na bom ka akha chongtlo. Ara wang thun arka Bebilon mung Hokhamwe Nebukadnejar raq man na khat raüta ajii wan riito: “Kedar chela kra khat laq. Laüta shedong mungti maiq thun kra tiithumpak hiqrai shot baiq laq!

JEREMIA 49:7

Tati Ningkun Ajongwe raq Edom mung miitu akha nguto: “Edom mungti raq tsang khutsai wa lairap ahea abi shinron tsii ka atiimo she sha riibaiqta? Tsangshiq danhonketi aki miikiimbi thun raq tsangshiq ma tsii chongkuq tsü mak she sha? Tsangshiq taksu phaqchi ka wiita amo she sha riikita?

EJEKIEL 21:25

“Namshiq ka abi, Israil mung ka ashe jaqsham lanta peng wan lan. Namshiq ningthoi, atiithum khatham moho akhing ranaiq ka saü wanto she.

EJEKIEL 25:1

Tatiwe raq ngi ma akha nguto.

JEPHANIA 1:5

Ngi raq wukhu na wa raüta, jurwa rashe, jipi, raiqsaiq thun kra, noqti ka wiita mitsat baiqha. Kiimaq imang chong raüta ngi shomnoqti, kiimaq iwokhong na siti nguta tiitumtati, shatmaq Molekh phra mang na, tumkham nyangti ka, wiita mishthenbaiqha.

TRI CHONGKE 2:19

Kra riihantiq namshiq ka Lot saüse phan Mobnok shongtlaq hiq rai tho tho na mirhan. Tsangshiq ka naq niq siq wan rongkiq. Riimakla tsangshiq rai ka naq riikhat rongkiq. Jamkhano ngukla Ngi raq tsangshiq ma hiqshong kuqkang kra wiika namshiq ma phushi min chumkuq mang she.’”

TRI CHONGKE 23:3

“Amonnok phan riimakla Mobnok phan wa riimakla tsangshiq lai ala phan wa, maiq ka maiq pat pat roqshi na saüli, Tatiwe sengi phungtu na tlomdam maimak.

TRI CHONGKE 23:4

Jamkhano ngukla tsangshiq raq ümniika Ejip mung wa laü wan laü akhing na, tsangshiq raq lam maq ümniima lamsea kuq mak dea kiimaq khu akham min kuq nyang mak dea riito. Kiimaq tsangshiq raq Beor se Balaam ka Pethor chela Mesapotamia mung na sitiwe kra üm khuthaq na manson miitu shiipto.