JEREMIA 48:44 - ASII LAKDAP Bible (BSI)

⁴⁴ Juwa phiiptsi chang rathaiq saü wan tlaq kriiwa jula ngutla manhii raüla, khobok theje thütaq kriijaq midea wan. Kiimahali, juwa khobok mong kriiwa donghola nguta adü wan man tlaq kriiti ka bi tsanje athü kriijaq mimin rai. Jamkhano ngukla Mob mung tiithenbaiq miitu Tatiwe raq apaiq ningthoi ranaiq ka atiihongthü kun she dongdii.

Hawa Naga Bible 2001

⁴⁴ Kawc yawc juing kvwawc yuz lvp tvkoc hunglaungx jix kuex ghaqkhurx htenc kvyuq dvy wvnc tuex, ghaqkhurx mungx wawc rvwak vtueq dungc wvnc lot jix kuex bix htenc nuex manz wuez tuex, yvmx khoc lac ngoz ruiux lec Yehowa rueq Moba bac wvnc vkhing kuex htvp htaz taq shec tueq.

JEREMIA 48:44 Referencias Cruzadas

1 HOKHVMX 19:17

Juwa Hajjael raq tsatlap mak dea jutlaq, kriiti ka, Jehu jaq niishe mitsai. Kiimaq juwa Jehu raq tsat lap mak dea jutlaq, kriiti ka Elisha riishe mitsatbaiq.

1 HOKHVMX 20:30

Kriiwa abung akhü atiichong ka Aphek chela mong na tiipaü juto. Kriiwa chela tro kiitelong ruk kra ri wan raüta hingroqnai ri hingmiishe tiinamtok pat baiqto. Kiimaq Benhadad kiimin chela mong na juto. Raüta maiq jam ashi jamcha nü tap mong khok na tiipaü wato.

ISAIA 10:3

Riita Shiikeawe raq namshiq ma mo tiihotlaq akhing na jamkho mijahan? Apaiq raq pongmungti luhea wa tsuqho raüta namshiq ka tiithen baiqtlaq akhing na jamlai she wa mirhan? Namshiq ka khrum jaüwa jupha niishe wa mijuhan? Namshiq tsiiq nai nyamtum phong ka ümbano mipaühan?

ISAIA 24:17

Taironglaq, ngi chongpha, wiitarü raq! Phiiptsi chang tonglongli asi. Thiikhobok tonglong. Kiimaq namshiq tiipat chang chhii pahea tsanto.

ISAIA 24:18

Juwa kra phiiptsi rathaiq saü wan tlaq kriiwa lun wan hajaq nguta manhiiti ka thiikho bok na midea wa. Kiimaq juwa kra thiikhobok wa lunhajaq nguta jutlaq, kriiti ka chhü na mipat. Ra maq rajun piikhaü khamraü ikha mijun. Hiqraikhü tiichap wan chang jamkhü ashong kra thun ka wiita atiikhai rokrok mitiibai.

JEREMIA 10:15

Tsangshiq ka thiihü hiq tili krai mren shipoqpoq no na tsuqbaiq changli; Tsangshiq ka Tatiwe saühotlaq akhing na wiita ashthen mirbaiq.

JEREMIA 11:23

Ngi raq Anathoth hiqti khuthaq na phiiptsi chang rahiq saü wan akhing ka tiihong kang she. Kra akhing she saüwa raüla, tsangshiq phong wa maiq ka ju min lunlot mak mijiim.”

JEREMIA 16:16

Tatiwe raq ngutlo, “Ngi raq ngiq khupti maiq pahea tiihea wakang. Lata arnok ara mitiikhupha. Kra latiishe Ngi raq ngamhiipti kong maiq pahea mitiihea wanha. Lata tsangshiq ma Israilnok ka pum aweatek wa kiimaq ku akin aweatek wa kiimaq chongkhong longsha aweatek wa, longraq mong wa wiita kunkun mitrit wanha.

JEREMIA 23:12

Tsangshiq khumchang lam thun ka tsaram tai phongli nyealaplap, kiimaq ranyaq tang tang. Ngi raq tsangshiq ka atiithap lata mitiidea baiqha, Ngi raq tsangshiq ma chamchao henghea mitiisaüha; tsangshiq ma mo tiiho akhing ka saütlo she. Arka Ngi, Tatiwe raq toqtan tiikang.

JEREMIA 46:21

Apaiq raq amaq kham asheaki phenlabi thun kiimin, minsaü sekong jamkhii ijasiq ikha. Tsangshiq raq re ka khat lot mak riito; tsangshiq wiita apin ajin jutrangto. Tsangshiq chongthum jawan ranaiq she saüto, tsangshiq laimiq then wan rahiq saüto.

JEREMIA 49:8

Dedan chelati lei, pin ronglaq. Lanta jurong laq! Tiipaü rong laq! Ngi raq Esau saüse phan ka wiita she mitiithen baiqha. Ngi raq tsangshiq ma mo tiiho akhing ka saü wato she.

JEREMIA 50:24

Bebilon lei, ümniiraq Ngi ka longliiq laü ihata. Shatmaq ümniika ümnaq tiimin ma bi tsankang kiijiishe min rai laü. Biilaq! Ngi raq bi tsankang kriika ümniiraq sap maü dea riilaü.

JEREMIA 50:27

Tsangshiq phenlabi thun ka tiisiirai jiipbaiq ronglaq! Hihut jiipbaiq ronglaq! Bebilon mungti ka miqto she! Tsangshiq ma mo tiiho ranaiq ka saüto she!”

JEREMIA 51:18

Tsangshiq ka thiihü hiqtili maiqsai asi; Tatiwe ka saüho raüta tsangshiq kha mipho, raüta tsangshiq ka mitiithenbaiq.

JEREMIA 8:12

Isenginok lei, namshiq raq atinkhan maiqphai asi jaqsham tlan ningkhan nam jeasi tiisi man shea? Tumman namshiq raq namshiq tiijeasi ka sap man. Namshiq riika jamlai nang wa atiijeasi ngutlaq kriimin sapphaq man! Arningkhan namshiq kiimin nanok abiti thun jamkho miqphaq wantaq, kiikhiisii mimiq phaq han. Ümtiikiiwa ngi raq namshiq ma imo mitiihoha, kra akhing kriishe namshiq ma athum wan akhing miraq. Arka Ngi Tatiwe raq ngutiikang.

AJONJÜ 3:47

Ahai asong tsaühea athen arun ka naishiq thaq na saüto, tsaimiq khusiq lam niili she siwan tiikai.

Hosea 9:7

Shiikeawe manson saüto she Israilnok ma. Tsangshiq khapho akhing saüto. Israilnok hoqtlo, “Shammiwe ka angiwe! riisham bomchongti ka aruwe!” nguta ngutlo. “Namshiq ngarai jonghea, kra ningkhan ngi ngengtlan,” nguta Tatiwe raq ngutlo.

AMO LUIK DVP (AMOS) 5:19

Kra ranaiq akhing ka, maiq weshi ka hangsikaü raq jowan raüta aju, chapbi kaü rai riihum rainong tlaq ikha miraq! Kiimaq maiq weshi ka wakmaq awa ajam na saü, ajaq hiqkhu chong na arwiiq, kiiwa paü raq athaü ikha miraq!

Mikha 7:4

Tsangshiq phong wa maiqshaq pinthumwe kriimin, kiida raü tsung ikha mairam maiq raq. Shiikeawe raq tsangshiq ma tiichamchao ranaiq ka saüto she, arka apaiq raq shammibi lumaq, kiq akhamkuq kriishe.