JEREMIA 48:41 - ASII LAKDAP Bible (BSI)

⁴¹ Raüta Mob mung wa chela thun nai chela kiitelong ruk thun ka wiita khat raüta mijii wan. Kra ranaiq akhing na Mob mungti phenlabi thun ka jechak nyung asechii nowüchhi tsi dongho raüjaq kiinyii phephiiq tlaq ikha mihaisiq.

Hawa Naga Bible 2001

⁴¹ miqghaq htenc nuiyc nolaungx ghaqshungc htenc kuex lvp gay shuex ngoz tueq Yehowa rueq bomkhvmc taq tueq. Kvruex raungnuiyq Moba nolaungx bix kuex nox wuic khic thuiuz rvhumc yaq yalxjuik nyuiuz ikhoc hisungx wuez tuex.

JEREMIA 48:41 Referencias Cruzadas

ISAIA 13:8

Tsangshiq tarü phiip raq mitsai, kiimaq jechak nyung nowüchhitsi ma phephiiqtlaq ikha atsitsi ma miphetrang. Tsangshiq nai tsangshiq liipan na riilii riilii raüta mikiinyiisiq. Kiimaq tsang theaphi na munjuk mijuk tapkhu dali she miraq.

ISAIA 21:3

Riisham mak maq jamlai wa chhikang kiimaq riisham ni maq taikang kriithun raq ngi ka phiip ma tiitsai wanto. Kiimaq itsan mong na tsihea, jechak re asechii na atsi chamchaotlaq ikha tsito.

JEREMIA 30:6

Ümchaü min tsaq ronglaq lanta tiima ronglaq! Maiqwe ashi riika ase michiisha? Ikhiijiika Ngi raq maiqwere loweatek ka tsang jaq maq tsangwok po na kam raq raq, jechak nyung ase chii na phephiiqtlaq ikha ka jaro? Maiq loweatek ka tsang theaphi mut maq maq ka jaro?

JEREMIA 4:31

Ngi raq maiq nyung no wüchhitsi ma hantlaq ikha aho taikang, ase chhikhu do akhing na siiraitlaq ikha. Kriika Jerusalem hotlo, atsitsü pit wan kiita ajaq wiinai ka ra na tiipii raüta ngutlo, “Ngi ha miqkang she! tsangshiq ka ngi tsea wa watlo!”

JEREMIA 4:9

Tatiwe raq nguto, “Kra ranaiq hokhambi nai ajong alabi raq tsaiji wiita mitiidoq. Ramwebi ka phiipraq mitsai. Kiimaq shammibi ka akii anyiili she miraq.”

JEREMIA 48:24

Kerioth chela ma, kiimaq Bojra chela ma. Mob mung na chela thun tlotli ma khaphoke akhing saüto she. Aje na siti kiimaq alu na siti wiita ma khapho ranaiq saüto she.

JEREMIA 49:22

Re raq Bojra chela ka liihawe raq pechong mun maq ajolulu raüta wu dophaq wan tlaq ikha mido phaq wan. Kra akhing na Edom mungti phenlabi ka jechakre nowüchhitsi na phela tlaq ikha ahai sitsi ma miphela.”

JEREMIA 49:24

Damaskas chelati ningkun ka ajom she. Raüta akiinyii tsi ma wiita she pintrangto. Tsangshiq ka jechakre nowü chhi tsi akhing na phetlaq ikha kai chamchaotlo.

JEREMIA 50:37

Akumrang kong nai akumrang leng thun ka tiithen baiq ronglaq! Apaiq raq amaqkham ashiip phenlabi ka tsaito she— tsangshiq ka ningkun ahüshe! Atsiiq tum ka tiithen baiq ronglaq, run ronglaq, lanta tsuq wan ronglaq.

JEREMIA 50:43

Bebilon mung hokhamwe raq tsütsa ka taito, kiimaq ajaq aji ka atiikhai rokrok maakito. Apaiq ka akii anyii phiip raq tsai wanto, jechak nyung nowüchhi tsi chamchao tlaq ikha.

JEREMIA 51:30

Bebilon mungti phenlabi raq rekhat ka athaq she riibaiqto. Raüta tsangshiq ka chela kiitelong ruk mong niili ngakito. Tsangshiq ningkun ka ajom she, jechakre ikhiishe haitlo. Chela tro wa kilamchong thun kiimin wiita thenkito. Jamthun ka wa miishe chaqbaiqto.

JEREMIA 6:24

“Naishiq raq tsütsa ka taikaishe,” nguta Jerusalemti raq ngutlo. “Kra tailaita naishiq hok ajaq wiita nintata she tiikhaikito. Jechak nyung nowüchhi akhing na atsitsi ma phetlaq ikha kiinyii wankai.

AMO LUIK DVP (AMOS) 2:2

Arningkhan ngi raq Mob mung ka rekhat wa maq michaqha. Lata Kerioth chela trotam maq aruk, kiitelong peruk weshaü wiita wa maq michaqha. Krai mren Mob mung na reriikhat watrang, rewe rüriiq watrang, lerong tsüwa trang liishe, mirjiip wan.

1 Thessalonians 5:3

Maiqse raq ümtiikiiwa, “Ai, ümchaü kla, jamlai chapa chang min ahü she. Mungtsing mung-ngang she. Ümchaü kla, jam min ngusiq mak she,” nguta tsangshiq ka, ümtum ümmai misisiq. Kra bala shon li, tiihanghiiq miili, tsangshiq ka miqchup, mithen wan! Kra Phangthum akhing Ranaiq saükai ka, jechakre nowüchhi tsi, tiihanghiiq miili dongki tlaq, ikhli tiina misaüki. Krai mren, mungmaiqse ka, kra chamchao walü mong wa, jumin hang wanlot mak she miraq.