JEREMIA 48:13 - ASII LAKDAP Bible (BSI)

¹³ Kriishe ngu raütiq, Mob mungti ka tsangshiq phrakaü Khemosh ma kamtsantsii thütlaq kra tsiim jüshushu she miraq. Israilnok raq Bethel chela na shomnoq wantaq phra kaü rai jamkho tsangshiq tsiim tiijübaiqtaq kiikhii she miraq. Tsangshiq raq kam wantaq phra kaü raq laorattaq ikha miraq.

Hawa Naga Bible 2001

¹³ Kvruex yimaq Israel miqsaz htenc kuex tsuingshiq rueq tvluimc yaq Bethel tishox ningkhvnc nuex yvlc sac yaq ikhoc, Moba miqsaz htenc muinz tsuingshiq Kemosh tishox ningkhvnc nuex yvlc svy khiz shuex.

JEREMIA 48:13 Referencias Cruzadas

1 HOKHVMX 11:33

Ngi raq akha klo wantiikang arka, Solomon raq Ngi ka shishe baiq wanto. Raüta pongmungti phrakong kra shomnoq wanto kriikha arthun ara klo wantiikang. Apaiq raq Sidon mungwa jechak phrakaü Astarte; Mob mung wa phrakaü Kemosh; Ammon mung wa phrakaü Molekh thun kra shomnoqto. Kiimaq Solomon raq ikiq khü wanto. Raüta ashut klo wanto. Raüta awe Dawit raq ngi tri raütu thun nai aming thun jamkho lang wantaq kiikha apaiq raq lang wan mak riito.

1 HOKHVMX 11:7

Kiimaq apaiq raq Jerusalem maq shedong nü na hiqlam sitlaq kriijaq Mob mungti phra maiqphai asi Kemosh shomnoq chang hiq bashi haito. Kiimaq Ammon mungti phra kaü maiqphai asi Molekh shomnoq chang min hiq bashi kriimin haito.

1 HOKHVMX 18:40

Kiijiishe Elija raq, “Baal shammibi thun kra laptlo ronglaq. Tsangshiq phong wa weshi ra min naq tiiju rongkiq!” nguta aming kuqto. Mungmaiqse raq tsangshiq ka tarü laphoto. Kiimaq Elija tsangshiq ka Kishon Jürai kiiniishe sheahoto. Raüta tsangshiq ka jiipbaiqto.

2 KAÜWA WERAÜ 25:15

Arkha na Tatiwe tsan kai khiqto. Kra ningkhan apaiq raq shammi weshi Amajia phana tiikito. Shammiwe raq apaiq ma akha shiitep waito, “Ümniiraq pongmungti phra thun ka tsangshiq noqti tsangsenginok santla ümjaq khon mong wa tiichhiikuq lot mak riitaq, kriithun ka jam nguto shomnoq tlaü?”

ISAIA 16:12

Mob mungti ka pumthun na sumla phong noq chang hiqba thun kriijaq kiimaq tsangshiq shomjam thun kiijaq achu jaüwa kli hunnii raitlo. Ningkun shaphaqli. Shatmaq kriiwa tsangshiq ma amet dong chang ka jammin ahü.

ISAIA 2:20

Ümtiikiiwa kra ranaiq akhing she saüwa jiiq, tsangshiq raq chaq nai kampho maq atiiq sumla phra phong ka rum niishe mibaiqki. Raüta kriithun ka juk kong nai phaqsaiq kong miishe mikiinong kuqbaiq.

ISAIA 45:16

Sumla phra thun haitibi raq jea mingaü; tsangshiq wiita raq jea mingaü phaq.

ISAIA 45:20

Tatiwe raq ngutlo, “Warongra adam na, maiq mung thun wiita, mungtan thenjai aso tiichonglanti thun; namshiq kha tiipho rung na chap ronglaq! Namshiq pe sumla phra kong rai arü ariiq khumlanti thun, kiimaq tisho kong raq tsangshiq chhiilot makti thun; tsangshiq ka jammin sapphaq mak!

JEREMIA 48:12

“Arningkhan na, ümchaü sanha, Ngi raq maiq tiikilata Mob mung ka che ham liitak kiiwa khu raüta hamlii takshi na khubaiq tlaq ikha, mitiikhu baiqha. Tsangshiq ka kiraüta che hamlii tak thun kra araü she mirbaiq. Raüta hamlii tak thun kriimin wiitashe mitiibun bukbaiq.

JEREMIA 48:39

Mob mung ka tiibunbaiqto she! Hoqtrang ronglaq! Mob ma jea tiingaüto she. Apaiq ka thento she! Apaiq tro na siti maiq mung thun wiita raq apaiq ka khüphit nüphit saisitlo. Arka Ngi, Tatiwe raq toqtan tiikang.”

JEREMIA 48:46

Mob mungti ma mangchan tsi! Khemosh phra kaü shomnoqtinok ka tiithenbaiqto she. Tsangsetiim maiqwe sere nai jechakse re thun wiita re raq munglu shumwi kong ma tsuq wanto.

JEREMIA 48:7

“Mob mung lei, ümniiraq ümningkun ma nai ümtsiiq tum ma kamsiq laü, shatmaq ümchaü ka ümniimin re raq mitang wan; ümphra kaü Khemosh kiimin munglu shumwi miishe miwa wan, asengi lüsi lüwabi nai ramwebi kong rai mitsuq wan.

PHOWEBI 11:24

Riita, ümniiriika hiqshong thun ka nyeahola ngutiisha tankhan tlaü? Ümphra kaü Kemosh raq ümniima ümtinkhan wa hiq kuqtaq kriili thü liina. Shatmaq naishiq riika, Tatiwe naishiq Shiikeawe raq hiqshong rahai ümchuwa kuqtaq kra wiita kunkun mithühai.