JEREMIA 47:6 - ASII LAKDAP Bible (BSI)

⁶ Namshiq hoq trangtlan, ‘Tatiwe nepja! Ümtincho na saüli wa maiq ka mijiipbaiq haü? Ümhiqmong niishe jap wa nongkiq, laüta kiijaq silaq kiimaq ümnii tiitsak ngalaq!’

Hawa Naga Bible 2001

⁶ Mnoz rueq, ‘Yehowa yaung lex! Mtanc khvnc httvmx laz lac soalc shuiux? M-yaung kuex vhex nuex tv-nyuip yek vtueq, kvyuq kuiyqshuik httax kuiuz!’

JEREMIA 47:6 Referencias Cruzadas

2 SAMUEL 2:26

Kiijiishe Abnar raq Joab ma, “Riita nashiq liipan niika riikhat wan ruq li shea mirkhat siq i? Atiisup niika jamlai liip dong chang min ahü, atiishudaq chang li miraq riimak shea? Naishiq ka namshiq rai mungshi manshiti siili ahata. Riita ümniiraq ümsengi ma naishiq ka naqjo rongkiq she nguta ümtinchotiq wa aming mikuq haü?” nguta riimto.

1 KAÜWA WERAÜ 21:27

Tatiwe raq rase ma anepjasai ka athü she riilaq nguta chongto. Kiimaq rase riimin aming ka langto.

Tvtsvmc 17:13

Kira, Tatiwe lei! ijaqtinok ka tiinamtok khat laq! Ngi ka abi maiqsetiim jaqkhon wa ümnepjasai maq tiichhii kuqlaq.

ISAIA 10:15

Shatmaq Tati raq ngutlo, “Mangchi kaü riika, mangshamtiwe thaq na ajong nguta mitiingolot shea? Pehan chang tansang ka pehantiwe tansang shamtiwe thaq na renghea shea? Riiwung raq maiqwe ka domak, maiqwe raq riiwung ka dotlo.”

ISAIA 10:5

Tatiwe raq nguto, “Asiria ka! Ngi raq Asiria ka riiwung ma tiijatiikang. Lata ju khuthaq niiwa itsankhiq sitlaq, kriiti ma mo tiiho buk tiikang.

JEREMIA 12:12

Rumnyangkhi kumtsaiphii thun kra hamli na, rekong tsiiqtum thun tsoqsea kai kito. Ngi raq armung ka tiithumpak khatkai re tiikikang; jumin hansang maq silot mak she.

JEREMIA 12:4

Ümtincho na saüli wa namung ka shinriiqriiq miraq? kiimaq wak ram aweatek wa sangphii ka shinriiqriiq mijungsiq? Rum nyamsekong nai wushikong thun ka atsai riiwanto, nashiqnok raq ajiq klowan kha maq, tsangshiq raq, ‘Nashiq raq jamlai wa klotiikai ka Shiikeawe raq chhimak,’” nguta ngo kha maq.

JEREMIA 15:3

Ngi, Tatiwe raq, tsangshiq khuthaq na phiiptsi chang phanblai tiisaü raa dongdii nguta tri ashat thü kun she: tsangshiq ka re na mijiim; tsangshiq maa phong ka hi kong raq mihit phaq wan. Rum wushi kong raq tsangshiq maa phong ka miphaq. Kiimaq kiiwa abung tiichongtlaq ka rum ngam kong raq miphaq.

JEREMIA 25:27

Kiijiishe Tatiwe raq ngi ma chongto, “Mungmaiqse ma chongkuqlaq, Ngi Tati, Ningkun Ajongwe, Israilnok Shiikeawe raq, tsangshiq ma che ka phetaktak, chok wantlii baknyang ronglaq, che raq pherai raüta, tsangshiq ka hiq na küram liira, aphai agoqtrang liishe, atiido min lot mak baknyang ronglaq nguta tsangshiq ma aming kuq tiikang. Jamkhano ngukla Ngi raq tsangshiq khuthaq na re dong jonghea tiisaüho tiikang.

JEREMIA 4:21

Ümtincho na saüli wa ngi raq redong ara miliisiqha kiimaq nüchhong lerong thun tsütrang phoktlaq kra mitaisiq hata?

JEREMIA 48:10

(Juwe riiwa Tatiwe jaqsham ka tsantsii kuq raüta shammak kriiwe ma man sonlaq! Juwe riiwa maiq ka kholam kholiiq raüta sebaiq mak kriiwe ma man sonlaq!)

JEREMIA 50:35

Tatiwe raq ngutlo, Bebilon ka tsaito she! asengi mungmaiqse ka tsaito she, apaiq pengtibi, asengi taksubi ka tsaito she.

EJEKIEL 14:17

“Riimak jiila, Ngi raq kra mung na re tiidong lata, chuntsi nyiim win henghea phan maq khat lata, kra mungti ka kiimaq nyamse thun ka kunkun hiq maq pili mitiijiip baiqha.

EJEKIEL 21:30

“‘Nepja ka ra na do ronglaq! Ngi raq namshiq ka nam phansang chang hiqshong, namshiq rawü chhichang hiqshong maq miphoha.

JEKERIA 13:7

Tati Ningkun Ajong Pinthumwe raq ngutlo, “O jasai lei, tiidolaq, Laüta isku rümtiwe ka riithit se laq! Apaiq ka tsatbaiq laq, skukong ka mipinholaq. Ngi raq isenginok mikhat ha.

John 18:11

Kiijiishe, “Ümnepja ka ahi na rei tlo laq! I We raq ngi ma akuq chamchao kok kra, ngi raq nyang mang miili lea wan chang ngutiisha tiima tlaü?” nguta Jesuq raq Petar ka sonto.

PHOWEBI 7:20

Kiimaq ahinti kongnai kra riimin kiikhiisii riito. Tsangshiq tarü raq jaq pha nü na waniitu ka doraq chhaq riito, kiimaq jaqtsi nü na lerong kra doraq chhaq riito. Raüta tiihong raüta, “Tatiwe miitu nepjasai kiimaq Gideon miitu nepjasai!” nguta gitrangto.