JEREMIA 47:4 - ASII LAKDAP Bible (BSI)

⁴ Philistain mung tiithenbaiq akhing saüwato, Tajar chela nai Sidon chela wa khrum lap chang lam min chumbaiqto she. Ngi, Tatiwe raq Philistain mung ka mitiithen baiqha, Kret khamjong mung maq awati thun, thum thum mishthen baiqha.

Hawa Naga Bible 2001

⁴ Philistin miqsaz tvbac gay tvkoc muinz, Tire nuiyc Sidon wawc kvjungx yaq romc kuy juing lotlaz kuex jumc gay vkhing httuiuc wvnc tueq shex. Ngaz, Yehowa rueq Philistin miqsaz htenc muinz, Krete julc tvnx hep htenc wawc vhttuiuc kaz htenc lotlaz muinz tvbac gay shaungx.

JEREMIA 47:4 Referencias Cruzadas

RAPHA HIQWA LAK 10:15

Kanan setiim ka, Sidon, apaiq ka chhikhuwe pinthum. Kiimaq Heth, tsangnai kiiwa tsangnai mangponti maiq phan thun ka puwanto.

1 KAÜWA WERAÜ 1:12

Pathrus phan, Kaslu phan, kiimaq Kret phan, (apaiq lai ala phan wiika Philistain nok kra riito).

YOBA 9:13

Shiikeawe tsankhiq ka siruqli. Apaiq raq ajaqti thun ümriiti riiwa khamjong jungrü kaü Rahab rai pong raüta akiq khiitlaq kriiti thun ka tiinamtok tsatbaiqtlo.

Tvtsvmc 37:13

Shatmaq Tatiwe raq abi maiqkong kra liiraüta anai riitlo, jamkhano ngukla apaiq raq tsangshiq ka jaqloli she mishthenbaiq nguta asap.

ISAIA 10:3

Riita Shiikeawe raq namshiq ma mo tiihotlaq akhing na jamkho mijahan? Apaiq raq pongmungti luhea wa tsuqho raüta namshiq ka tiithen baiqtlaq akhing na jamlai she wa mirhan? Namshiq ka khrum jaüwa jupha niishe wa mijuhan? Namshiq tsiiq nai nyamtum phong ka ümbano mipaühan?

ISAIA 14:31

Agi lülü hoqtrang ronglaq. Lantea khrum jaü hoqtrang ronglaq, Namshiq Philistain mung wa chela thun tlotli raq hoqtrang ronglaq! Phiip jiip ronglaq, namshiq tarü! Shekhu nü mung maq botkhulai khuk wa rathaiq saü wantlo. Kra rekong saü wan tlaq phong niika wepuq ngutiika weshi ra min ahü. Srea nolakong siisaq.

ISAIA 20:6

Kra akhing she saüwa raüla, Philistain mung na sammoktra chum wang na sitibi raq akha mingu, ‘Liironglaq nashiq ka Asiria mung ajong hokhamwe jaqkhon wa mitiikhup wongkuq nguta ranphan wankainok ka jamkho jakita! Nashiq ka jamkhiishewa milun rong i?’”

ISAIA 31:8

Asiria mungti ka re dong na miqchup mithen wan, shatmaq kriika maiqse ningkun miika riimak. Asiria mung ka re khat kai aki kiiwa wiita apin mirwan. Kiimaq tsangshiqnok jerobi thun ka re raq disekong miishe mitiija wan.

JEREMIA 46:10

Arka Tati Rakaü Hiqwe Ningkun Ajongwe ranaiq; ümchaü ranaiq apaiq raq phuk milam; ümchaü ranaiq apaiq raq ajaqtinok ma mo mitiiho. Apaiq nepja raq tsangshiq ka awok mipheshaq wiiwii mibak phaq, raüta tsan miheashaq wiiwii tsang tiijai ka minyang. Ümchaü ranaiq Ningkun Ajongwe raq ajaqti thun honglu na takuqtlo, shekhu nü na Euphretis rai maq.

EJEKIEL 21:25

“Namshiq ka abi, Israil mung ka ashe jaqsham lanta peng wan lan. Namshiq ningthoi, atiithum khatham moho akhing ranaiq ka saü wanto she.

EJEKIEL 21:29

Namshiq raq riisham makchhi thun chhitlan kriika arot. Kiimaq namshiq raq tiithaitlan kra arot. Namshiq ka abi kiimaq ashut kiimungti. Kiimaq namshiq ningthoi ranaiq ka saüwantlo she. Namshiq ma mo tiiho ranaiq. Nepja ka nam dangkong niishe misaü.

EJEKIEL 25:16

Kriikha na, Ngi raq tiitaitiikang, Ngi raq Philistain mung ka mikhat wanha. Lata tiisiirai botkhulai rai mishotbaiqha. Ngi raq Philistain mung na maiq abung atra atiichongki thun kra weshi min tiichong mang mijiip baiqha.

EJEKIEL 30:8

Ümtiikiiwa Ngi raq Ejip mung ka wa maq michaqbaiqha kiimaq amung kheti thun ka mijiipbaiq, kiijiishetiq tsangshiq raq Ngi ardea Tatiwe nguta misap wan.

EJEKIEL 7:12

Akhing ka saü wantlo she. Ari athii asha ata piikii ka jam achu min ahü she miraq. Jamkhano ngukla Shiikeawe sintsang moho wan ka tarü ma pili chhaq maq misaü wan.

Hosea 9:7

Shiikeawe manson saüto she Israilnok ma. Tsangshiq khapho akhing saüto. Israilnok hoqtlo, “Shammiwe ka angiwe! riisham bomchongti ka aruwe!” nguta ngutlo. “Namshiq ngarai jonghea, kra ningkhan ngi ngengtlan,” nguta Tatiwe raq ngutlo.

AMO LUIK DVP (AMOS) 9:7

Tatiwe raq ngutlo, “O Israilnok lei, ngi raq Sudan mung jamkho lungwii tiikang, kiikhiisii namshiq min lungwii tiikang. Ngi raq namshiq Israilnok ka Ejip mung wa tsuq wan lata, sheawan kang! Kiikhiisii Philistainnok kiimin Kret mung wa shea wan kang. Kiimaq Sirianok ka Kir mung wa sheawan kang.

Luke 21:22

Kra matdong akhing kriika, Asii bomtsi na, ‘Atiichamchao wan Akhing,’ nguta chongtlaq kra bomtsi kra tiiku wan akhing rahiq she dea saü wanto nguta sap chang miraq.

TRI CHONGKE 2:23

Kiimaq Mediterenian khamjong chumkii wang thun ka khamjong mong wa Kret mung na siti alaü wan maiq phan riishe jiiwan raüta siwanto. Tsangshiq raq kra mung na shongti noktinok Awwim phan kra chongthum tiithenbaiqto. Raütiishe tsangshiq raq kra mung ka tlotli Gaja chela na saüli jiiwanto.)

JOSHUA 22:30

Ramwe Phinehas nai apaiq rai akidam mung welabi weroqshi kriiraq, shenyap mung na siti aweraü khuthaq wa welabi raq, Reuben phan, Gad phan, kiimaq Shedong nü na siti Manase phan shiilangbi raq tsangshiq ma bom tru chongkuqtaq kra tai raütiishe, tsangshiq ka mit si mitsaq, tsansang she riito.