JEREMIA 44:12 - ASII LAKDAP Bible (BSI)

¹² Riita arningkhan na, Juda mung na maiq ümchuwa aso atiichongki thun raq ümchaü Ejip mung na laüho raa dongdii, raüta Ejip mung na shongkai raa nguta honglatlaqti thun ka, ahea na, Ngi riitiq miliiha. Tsangshiq ka tiithumpak laimiq mitiithum baiqha. Tsangshiq tarü kunli, ajong aran wiita kunli Ejip mung na mijiim. Redong akhing na riimakla ramdong raq mijiim. Tsangshiq thum wan kra chhi raüta maiqse makki na phiiptsi chang miraq. Maiqse angu raq tsangshiq ka shummii shaq shaq raüta milii. Kiimaq tsangshiq mang ka chong raüta maiq raq manson bom shiiton ashi miishe mitiija.

Hawa Naga Bible 2001

¹² Ejip mungx nuex httaz tvkoc htvp htaz vtueq httaz kay jix kvjungx yaq Yuda miqsaz kvlec kuex tsuingshiq lotlaz tvbac gay rvhumc tuex kuex ngaz rueq khiz shaungx. Ejip mungx nuex httax yaq vruinx maq vyungx nuex httuiuc laz tsuingshiq lotlaz kuex ralx rvlungc nuex muinz, khvmx vrvmc rueq muinz, thueyc mvy wvnc tuex. Tsuingshiq kuex kvhiz juing muex yaungx wvnc tuex; miq htenc rueq tsuingshiq kuex shummarc vtueq tsuingshiq muingc kuex mvnhttonc mvntvmc kvjaz nuex jungx yaq ikhoc shuimx wuez shuex.

JEREMIA 44:12 Referencias Cruzadas

ISAIA 1:28

Shatmaq ngarai kloti nai apaiq kiq khiiti thun ka wiita kunkun atsea mirbaiq. Apaiq wokhong wa dongho raüta, apaiq miimbaiq thüti ka loweatek wiita atsea mirbaiq.

ISAIA 65:15

Ngi raq atsea arwanha isenginok raq namshiq mang ka chong raüta maiq ma manson miitu mishton wan. Ngi Ajong Thaq Na Ajong Pinthum Tatiwe raq, namshiq ka mitsatbaiqha. Shatmaq jurwa ibom tai tlaq raüta iwokhong na sitlaq kriiti miika mang anye she mikuq wanha.

JEREMIA 16:4

Tsangshiq ka thadong henghea phiiptsi chang dongtlaq kiina mijiim. Tsangshiq maajoti maiq jumin ahü miraq. Kiimaq tsangshiq maaphong kra lapsheti min ahü miraq. Tsang maaphong ka minsaü daiq phong wak na aphong ikha mirphong. Tsangshiq ka redong akhing na re raq mijiipbaiq, riimakla ramdong raq amang maq mijiim. Tsangshiq maaphong ka wushikong raq miphaq kiimaq rum wa ngam kong raq miphaq.

JEREMIA 18:16

Tsangshiq raq armung ka phiiptsi chang mung miishe tiijabaiqto, pattup pat-sa maiq thoda phong chang she miraq. Maiq ümchu riiwa wanlea lam maq chhijiiq; tsangshiq ka phiip raq atsai miraq; tsangshiq ka amaorai raüta tsangtok bai laqlaq miraq.

JEREMIA 24:9

Ngi raq tsangshiq khuthaq na pinthum achonglot mai, chamchao sangrai mitiisaüha. Kra tsangshiq thenjen wan kra chhi raüta pongmungti thun pahea ka phiip raq mitsai. Maiqse raq tsangshiq ka pinthum aslailii she mirwan. Kiimaq tsangshiq ka slailii raüta naikü sherüli she miraq. Raüta, shummii shaqshaq mirwan. Kiimaq tsangshiqnok mang kra chong raüta, Ngi raq tsangshiq ka maiq mung ümtin niiwa tiipin baiq kang kiijaq maiq manson tiihap chang bomtsi miishe mitiija wan.

JEREMIA 26:6

Namshiq raq ibomchong ka tlea wanruqli la riihanla, Ngi raq Shilo chela wa asii jam ka jamkho tiithen baiqkang, kiikha, ara Shomjam armin atiithen mirbaiqha. Kiimaq maiq mung thun raq ara chela mang ka chong raüta manson shiiton miishe mitiija.”

JEREMIA 29:18

Ngi raq tsangshiq ka re ma mitiijo wanha. Ram tiidong lata, ram ma mitiihaüha, kiimaq tsangshiq ma tha mitiidongha. Raüta tsangshiq thenjen wan kra chhi raüta mangjong hiq na siti maiq mung thun tlotli ka phiip raq mitsai. Ngi raq tsangshiq ka barap binrii na mitiipin baiqha. Tsangshiq thenjen wan ka chhi raüta mangjong maiqse ka akii anyii phiipraq atsai miraq. Maiqse raq tsangshiq ka aslailii, ashummii she mirwan. Raüta tsangshiq mang ka chong raüta maiqse liipan na manson bom shiiton ma mitiija wan.

JEREMIA 29:22

Ümtiikiiwa Jerusalem wa Bebilon mung na re wa shumwi kong ma tsuq wantaqti raq maiq ashi thaq na manson kuq raüla, tsangshiq raq, ‘Tatiwe raq ümniika Bebilon hokhamwe raq Jedekia nai Ahab ka atra maq wa na shu raüta tiikhiim phaqtaq kiikhiitiq mitiikhiim chaq kiiphaü!’ nguta mison.

JEREMIA 42:1

Kiitiikaq phentubi tlotli rai adam maq Karea se Johanan kiimaq Heshaia se Ajaria kiimaq mungmaiqse ajong aran wiita kunli ka kiqshi maq ri raüta,

JEREMIA 42:22

Kra ningkhan ümchaü sanha, ara tsan na tiitsang ronglaq: Namshiq ka redong na mijiim han; riimakla ramdong raq mijiim han; riimakla thadong raq mijiim han; namshiq ümra mung na sikai wa laüho tlan, kiijaq mijiim siq han.”

JEREMIA 43:11

Nebukadnejar ka kiraüta Ejip mung ka mikhat. Raüta mitang wan. Mungmaiqse phong wa juwa thadong raq tsai chang athiiq, kriiti ka thadong na mijiim. Maiq ümchuwa munglu shumwi kong ma tsuq wan chang athiiq, kriiti thun ka munglu shumwi kong ma pongmung na mitsuq wan. Kiimaq maiq ümchuwa redong na re raq tseabaiq chang athiiq, kriiti ka rejaq na mitsai.

JEREMIA 44:22

Ümchaü ranaiq na saüli, nam mung ka hiqmiq changkhü miishe jakito. Maiq ka kiijaq jumin simak she. Nammung ka maiqphiip maiqjiip changli she sitlo. Nam hiqshong namrahai mang kra chong raüta maiqse raq manson shiiton ke bomtsi miili she tiijatlo. Jamkhano ngukla Tatiwe raq namshiq raq abi kiimung tlan homa thun ka ninlot mak she riito.

Hosea 4:6

Isenginok ka thento she. Tsangshiq raq ngi ka juwa sapmak kha na. Namshiq ramwebi raq ngi sapman shishe wan lan. Kiimaq ngi raq ashrinkuqha tri shishe wan lan, kra ningkhan ngi riimin namshiq ka shleqbaiq tiikang, kiimaq namsetiim ka ka ngi ramwebi ma nguta thüwan mang she mirha.

Hosea 9:6

Shiikeawe sintsang she saüki raüla, Israilnok ka barap niishe mitiipinbaiq. Ejip mungti raq tsangshiq ka adam na mirchom. Raüta Mephi chela na tsang maaphong milap! Tsangshiq rongwin wan chang hiqshong thun ka, hiqmiqchangkhü ma mija, shukrü tonglong lishe miraq.

JEKERIA 8:13

Juda nai Israil mungti lei! Man na richü pat na, maiq pongmungti nai pongmungti liipan na, atiitum ta raüjaq, ‘Ei, Juda nai Israil mungti ma jamkho chamchao riihumtaq, kiikhiisii ümnaq miimin misaü laq,’ nguta riisontlo. Shatmaq ngi raq namshiq kra mitiichhii kuq kang. Kiimaq kra pongmungti thun liipan na akha mirbom, ‘Ei, namshiq riimin la, ümchaü san Juda mungti nai Israil mungti raq jamkho achu shiiman lap wantlaq, kiikhiisii achu shiiman she lap wan han jaq ahea!’ nguta ramram bomtsi mirbom.”

WEAWEA 5:27

Kiimaq krii-nyung raq ngohea dea sethoq jataq jiila, kra tumkham kriiraq akhum na tsihea she mitiitsi wan. Awok ka achhang she mirwan. Kiimaq apaiq hupsam kiimin ashin riiwan raüta aranse she mijaki. Kiimaq apaiq mang ka tsangshiqnok liipan na manson tiihap chang miishe mijaki