JEREMIA 43:3 - ASII LAKDAP Bible (BSI)

³ Neria se Barukh raq ümniima naishiq ngeng raüta lule kloto. Kriika Bebilon mungti phenlabi raq naishiq ka tsangshiq wokhong na mithü laq. Raüta naishiq ka atsea mirbaiqlaq, riimakla naishiq min Bebilon mung na mitsuq wan laq nguta lule klotlo.”

Hawa Naga Bible 2001

³ Babelon miqsaz kuex nuiyshiq htauk nuex luimc vkawc httax wvnc vtueq, nuiyshiq kuex thvy gay muex, rvmuq ngoz ruiux Babelon nuex shvlc wvnc tvkoc Neria saz Baruk kuex nuiyshiq laulawc tvkoc mnoz muex htuiuz shuiuz kv-phux,” ngoz tueq jungx tueq.

JEREMIA 43:3 Referencias Cruzadas

Tvtsvmc 109:4

Ngi raq tsangshiq lungwiitiikang, kiimaq tsangshiq miitu achu jaütiikang, shatmaq tsangshiq raq ngi tangtatlo.

JEREMIA 32:12

Latiishe ngi raq kra jaqnai ri ka Neria se Barukh jaq na kuq kang. Apaiq ka Mahseia ma asaü she. Ngi raq kra lakjaq wiinai ka Hanamel nai kiimwebi kiijaq suhiti, kiimaq kiijaq rung na ngadamti maiqlare makki na Barukh ma kuq kang.

JEREMIA 36:10

Kiijiishe, mungmaiqse wiita raq tiitsang taishat na, Barukh raq lakdam kom wa ngi raq chongkuq kang kra phanphan tiitai phat kuqto. Apaiq raq arka Shomjam mong maq, Shaphan se Gemariah, apaiq ka Shomjam rungkhok liiti cherewe, ngachang khok maq phat kuqto. Apaiq khok ka rathongti rungkhok na Shomjam na walam Kilamchong Nye tho na riito.

JEREMIA 36:26

Kra raütiishe, apaiq raq Hokhamwe se Jerahmeel nangnga, Ajriel se Seraia kiimaq Abdeel se Shelemia kra shea raüta, ngi nai icherewe Barukh nainai ka lapki rongkiq nguta aming kuqto. Shatmaq Tatiwe raq nainai ka apaü raüta thüto.

JEREMIA 36:4

Kra ningkhan she, ngi raq Neria se Barukh ka ngi phana heakang. Lata Tatiwe raq ngi ma jamlai bomtsi wa chongkuqtaq kra kunkun chong lata twaiq kang. Kiimaq Barukh riimin lakwaiq chang damkom ashi na wiita tlotli waiq thüto.

JEREMIA 38:4

Kiijiishe ajong alabi thun ka hokhamwe phana wato. Raüta akha nguto, “Arwe arka atseabaiq ratlo. Apaiq raq akha bom raüta, chela na siti phenlabi tsaiji ka trantlo. Kiimaq apaiq raq ara chela na nokmaiqse abung tiichongtlaq loweatek tsaiji ka tranbaiqhoto. Apaiq raq mungmaiqse ka khrumkuq mak. Apaiq riika tsangshiq kli nansiqtlo.”

JEREMIA 43:6

Maiqwere thun, jechakre thun, nosere thun, kiimaq hokhamwese jechaksere thun wiita tsuqhoto. Tsangshiq raq phentu ajongwe Nebujaradan raq Gedalia wokhong na mungmaiqse ümchuwa tiisithütaq kra kunkun, Barukh nai ngi miitaq nong nong wiita tsuqho raüta Ejip mung na laü hoto.

Luke 6:26

“Ümchaü nokwe raq maiqshaq dea nguta shomra tlaqti ma, phiiptsi chang jonghea. Tsangtitiim riimin la arot shammibi ka, akhiisii shomra siq wanto.