JEREMIA 41:8 - ASII LAKDAP Bible (BSI)

⁸ Shatmaq kra maiq phong wa maiq weroqshi raq Ishmael ma akha nguto, “Mangchan laüta naishiq ka naqtsatkiq! Naishiq jaq na bunwong, jaili, olip petsi tai, kiimaq ngiq ngu wak ram na abaiq arthü hai asi.” Krai mren apaiq raq tsangshiq ka tsatmak dea tiihangto.

Hawa Naga Bible 2001

⁸ Yuq muinz kvruex phungc wawc miq waz rokshiz rueq Eshmael muex ngoc, “Kejux maq nuiyhez kuex nauk thvt gay vkueq! Nuiyhez nuex httax yaq nyensaz tsvmz, wanx tsvmz, olip puiz nuiyc nyaq ngurx htenc kuex nax nuex httuiyq taq shec tiq,” ngoz tueq jungx tueq. Kvkaq piq rueq tsuinghez kuex tvdung gay tueq.

JEREMIA 41:8 Referencias Cruzadas

YOBA 2:4

Kiijiishe Soitan raq treto, “Maiqse riika tsitsü atra maq si miitu phanrap phanrii wiita thum thum mimiimbaiq!

TAKSU LAK 13:8

Chiithe maiqse raq arilung ka, kampho maq tiida wantlo. Shatmaq miitsan maiqse ka, jurmin tiihaisong mak.

ISAIA 45:3

Ngi raq ümniima tsiiqtum ranyaq mong na apaüthü thun mikuqha; kiijiitiq ümniiraq Ngi ka Tatiwe dea nguta misaphaü, kiimaq Israilnok Shiikeawe riidea ümniika mang chong raüta hea wanto nguta misaphaü.

JEREMIA 41:9

Ishmael raq apaiq raq atsatbaiq maiq maaphong dobaiqtaq khappong ka ajong wiq kaü riito. Kriika Hokhamwe Asa pat na apaiq raq Israil mungti Hokhamwe Baasha raq long wantaq akhing na athuthü riito. Ishmael raq kra khappong ka maiq maa phong maq tiimabaiqto.

Matthew 16:26

Maiq weshi raq mangjong tlotli ka lap wan raü jiimin, apaiq tsitsü ka tiimo baiq raü jiika jamlai liip wa misi? Ahü, jamliip min ahü! Apaiq tsitsü ka thongshi lapkai nong miitu jamlai min kuqwanlot mak she miraq.

Matthew 6:25

“Arkha maq tiina ngi raq namshiq ma chongtiikang. Atra maq si ma tiipao wan miitu nai khum tiikhe miitu khu akhea rong ratlaq kra miitu naq chapa rongkiq. Rilung ka dung jada thaq na ara. Kiimaq khum ka khea sam wan tiikai arthaq na ara.