JEREMIA 41:5 - ASII LAKDAP Bible (BSI)

⁵ maiq kongshi maiqwere roqtiichat ka Shekhem chela, Shilo chela, kiimaq Samaria chela maq aki saühoto. Tsangshiq ka tsang nübin thun sije, raüta tsangkhu tsangkhea ka achai raüta tiichai miiphai wunthaü riinaü sam raqraq, kiimaq tsangdü niimin ami atsi phan tiihan raüta saühoto. Tsangshiq ka rai awong thun, kiimaq honglu na kechang homseng thun ka Shomjam na kekai ma nguta hoho raüta saühoto.

Hawa Naga Bible 2001

⁵ Shekhem, Shilo nuiyc Samaria wawc miq warok tvjvt httuiuc kaz tueq. Tsuinghez rueq kaq mul htenc kuex sulx gay ruiux, tsuinghez khvy htenc kuex juir vtueq, tsuinghez shauk gvnz kuex tvmac tsac wuez tueq. Tsuinghez rueq Shomc Yuimx nuex shomc kuy juing htenc nuiyc vhomc vtumc phvnx htenc kuex laq wuez tueq.

JEREMIA 41:5 Referencias Cruzadas

RAPHA HIQWA LAK 33:18

Jakob ka Mesapotamia mung maq jangho raüta khu asang maq Kanan mung na Shekhem chela na saühoto. Kiimaq apaiq sichang piitiip ka kra chela tho na wak ram ashi na teito.

RAPHA HIQWA LAK 34:2

Kiimaq Hiwaiq phan Hamor se Shekhem, kra wang na welawe raq Dina ka chhito. Kiimaq apaiq raq Dina ka sheahoto. Raüta haihiito.

RAPHA HIQWA LAK 37:12

Ranaiqshi Joseph phutiim ka awe nyamse kong rümkai Shekhem hiq na kihoto.

2 SAMUEL 10:4

Krai mren, Hanun raq Dawit tsasoqtibi ka lapto. Raüta tsangnübin ka nükoko kra sibaiqto. Kiimaq tsangshiq dü wa khea ka hüko ba tiithi kiimaq tiithiqrokrok chumbaiqto. Raüta tsangshiq ka tiijang baiqto.

1 HOKHVMX 12:1

Rehoboam ka Shekhem chela na kihoto. Kiijaq Israilnok shekhu nü mungti mungmaiqse ka apaiq ka hokham ma shongkai thungto.

1 HOKHVMX 12:25

Hokhamwe Jeroboam Israil mung langtiwe raq ku akin tonglong Ephraim wang wa Shekhem chela, ka trotam maq kiitelong maq rukto. Raüta apaiq ka kiijaq heashi sithüto. Raütiishe apaiq ka kriiwa tiijin wanto. Raüta Penuel chela kriishe trotam maq kiitelong maq rukto.

1 HOKHVMX 16:24

Raütiishe apaiq raq Samaria kin wang kra kampho ngamsii hingtrok maq maiq weshi amang min Shemar ngutlaqwe jaq wa hiq ka rito. Raütiishe Omri raq kra hiqkii ka wiikütam miishe kiitelong maq trotam maq rukbaiqto. Raüta chela ashi miishe teito. Raüta kra chela mang ka man niiwa hiq tatiwe Shemar mang tiikop na Samaria chela ngutiishe mangto.

1 HOKHVMX 16:29

Juda mung Hokhamwe asa raq Juda mung na hokham jawanli maq wiiroqtsam ri wiitiichat she angu na, Omri se Ahab ka Israil mung na hokham ma shongto. Raüta apaiq raq Samaria chela maq ngaraüta mung ka wiiroqnai ri wiinai pengto.

2 HOKHVMX 25:9

Raüta apaiq raq Shomjam kra, hokhamwe jam kra, kiimaq Jerusalem na siti welabi ajongbi thun jam kra wiita wa maq chaq baiqto.

1 KAÜWA WERAÜ 19:4

Krai mren Hanun raq Dawit kiimwebi ka lapto. Raüta tsangshiq nübin ka sibaiqto. Kiimaq tsangshiq dü na asam khea ka tsang hüko jam ba maq chumbaiqto. Raüta tsangshiq ka tsangshiq na tiijang baiqto.

Tvtsvmc 102:14

Ümjaqshise raq kriinyung ka lungwiito, apaiq ka wiita tiithenbaiq kli jumin; tsangshiq raq kriinyung ma tiihang mangchan tiichhishat, apaiq ka wiita athenkaikun she jiimin.

Tvtsvmc 78:60

Apaiq raq apaiq sichang tombutiip ka Shilo hiq na miimbaiqto, kriika apaiq nashiq phong na sichang jam riito.

ISAIA 15:2

Dibon chelati ka hiq lam thaq kiina sumla noqchang asi hiqba kiijaq maaho wa wawanto. Mob mungti ka Nebo chela nai Medeba chela thentaq kra miitu majo agi lülü hoqsiq trangtlo. Tsangshiq tsanbi hositsi ma maajo tsang khu thun ka loktam sibaiqto. Kiimaq tsang nübin kiimin maajo tsanbi tsi ma sibaiqto.

JEREMIA 16:6

Armung wa chiithe maiqse nai miitsan maiqse thun ka wiita mitsai. Shatmaq tsangshiq maaphong lapti maiq ka ahü miraq. Kiimaq tsang maa joti maiq ahü miraq. Maajo tsanbi tiichhi tsangshiq dü na tiimi hanti riimakla tsangkhu kra loktam maq si raüta maahoketi maiq jumin ahü she miraq.

JEREMIA 41:4

Kriimaq napjai na, Gedalia tsatbaiqtaq tsütsa ka maiq ahinti jurmin misap shaq na,

JEREMIA 47:5

Gaja chela na siti ma aho ajü jonghea saüto, kiimaq Ashkelon chelati ka kaiqshak shak she. Philistain mungti chela ahinti raq ümtincho na saüli wa mihoqsiq?

JEREMIA 48:37

Tsangshiq wiitarü raq tsangkhu ka loktam sibaiqto. Raüta tsang nübin ka sibaiqto. Tsangshiq wiita raq tsang jaq na wiita tiimitsi hanto. Kiimaq maiq loweatek raq wunthaü riinaü khea sam raüta maaho majü jümiitlo.

JEREMIA 7:12

Shilo na kilanta liiki rongkiqta. Kriika ngi raq imang ka shomnoq wan miitu apha shaqshaq atsea wanha hiqshong. Shatmaq isengi Israilnok raq ngarai pahea klowan kha na, ngi raq kra chela ka jamkho riikang kra liiki rongkiq.

JEREMIA 7:14

Arningkhan she, ngi raq Shilo chela ka jamkho tiijabaiq kang, kiikhiisii hali, namshiq kamsiqtlan i Shomjam kaü ara ngi raq atiithen she mirbaiqha. Ara Shomjam arka ngi raq namtitiim ma akuq wanha kiimaq namshiq miimin kuq wankang. Ngi raq jamkho Shilo chela wa tiithen baiq kang kiikhiisii hali armin mitiithen baiqha.

Yoel 2:13

Namkhu namkhea chailanta riimak, namtsantsii ka chai lanta, Warong ra, jang wan ronglaq nam Tati Shiikeawe phana. Apaiq pinthum ka mangchan rümtiwe. Apaiq ka pinthum anin wantiwe. Apaiq kiqkham ka tiipoi mak phan. Apaiq ka shokkhot nokhot tsiiti, mra kechang lam wa tsii klaitlo.

TRI CHONGKE 14:1

Mosheq raq Israilnok ma nguto, “Namshiq ka Tatiwe namshiq Shiikeawe senginok. Kra ningkhan pongnok phan maiqse raq maaho majütlaq akhing na tsangshiq khum na tiimi hantlaq ikha kiimaq tsangshiq khakam wa khubin ka sibaiqtlaq ikha namshiq riika namkhum naq tiimihan rongkiq kiimaq nam khakam wa khubin ka naq sibaiq rongkiq.

JOSHUA 18:1

Israilnok raq Kanan mung ka kunlishe khatto. Raüta hiqshong thun ka jiiwanto. Raüta tsangshiq ka wiimungtam kunli Shilo chela na thungto. Raüta Tatiwe sichang tombutiip ka haito.

JOSHUA 24:32

Joseph maa, Israilnok raq Ejip mung wa api wan ka Shekhem chela na lapto. Kra hiq phu ka Jakob raq Hamor setiim jaq wa, Shekhem ka Hamor awe kra jaq wa kampho ngam shishi maq ari riito. Kra hiqphu ka Joseph setiim ma tachong hiqshong chumkuqto.

PHOWEBI 18:31

Mika raq ahai phra sumla ka Shiikeawe shomnoq chang Tombutiip Shilo chela na sitlaq kiijaq siruqli thüto.

PHOWEBI 9:1

Arjai maq Gideon se Abimelekh ka Shekhem chela na anyung ma tanyang senobi sichang hiq na wawanto. Anyung ma tanyang senobi thun ka tlotli kiijaq siisaq sitlo. Kiimaq tsangshiq ma

1 SAMUEL 1:7

Rawiitek ka akhli leawan lili riitlo. Ümtiikiiwa tsangshiq ka Tatiwe jam na kitlaq, Peninna raq Hanna tsan ka pinthum tiibitlo. Kriikha na apaiq ka kai aho anyi jümii lili riitlo. Kiimaq tü adung jammin phaqsiq mak miili sitlo.