JEREMIA 40:8 - ASII LAKDAP Bible (BSI)

⁸ Krai mren, Nethania se Ishmael, Karea se Johanan, Tanhumeth se Seraia, Netopha hiq wa Ephai setiim, kiimaq Maka hiqti Jejania thun ka tsangshiq kongtibi thun shea raüta Mijpa chela na Gadalia rai riihumwa wawanto.

Hawa Naga Bible 2001

⁸ Kvkhoc rvtueq Eshmael saz Nethania, Yohanan saz Karea nuiyc Yonathan, Tanhumet saz Seraia, Netopha phvnx Ephai sahez nuiyc Maaka phvnx Jezania kuex tsuingshiq miq hez rulc vdvmz Mizpa ghaq nuex httax yaq Gedalia kox nuex httuiuc kaz wuez tueq.

JEREMIA 40:8 Referencias Cruzadas

2 SAMUEL 10:6

Kiijiishe Ammon mungti raq Dawit ka tsangshiqnok ma wesang miishe tiijabaiq kai nguta tsang tsii humto. Kriikha niishe tsangshiq raq Siria mungti phenlabi Bethrehob chela nai Joba chela wa, maiq ka hingroqnai shiipto. Kiimaq Tob chela wa maiq ka hingroqshi ri hingnai shiipto. Kiimahali Maka chela hokhamwe ka asengi maiqwere hingshi nong maq shiipto.

2 SAMUEL 10:8

Ammonnok phenlabi ka chap raüta tsangshiqnok chela nyungchong Rabba chela kilamchong kiimaq kheto. Kiimaq Sirianok phenlabi nai Tob chela wa aki phenlabi thun riika rum na wak ram binjü kriimaq khelito.

2 HOKHVMX 25:23

Riita ümtiikiiwa Juda mung wa siihiipbi nai phenlabi, Bebilon mung tijong puk na nyap mak deati thun raq kra tsütsa ka taito. Raüta tsangshiq ka Mijpa chela maq Gedalia rai pong wan damto. Ara ajong alabi thun ka arthun ara riito. Nethania se Ishmael, Karea se Johanan, Tanhumeth se Seraia. Apaiq ka Netopha chelati. Kiimaq Maaka chelati Jejania ri.

2 HOKHVMX 25:25

Shatmaq kra rawii niili jipi lümiishi she angu na, Nethania se Ishmael, apaiq ka Eliashama ma asaü she, apaiq ka hokhamwe jamti, kriiraq akongti maiq weroqshi sheaho raüta Mijpa chela na kito. Raüta Gadalia ka longkito. Raüta tsat baiqto. Kiimaq apaiq raq kiijaq Gadalia rai sidamtibi Israilnok nai Bebilonianok kra tsatbaiqto.

1 KAÜWA WERAÜ 2:48

Kiimahali Kaleb tanyung chakliip nyungshi hali asi riito. Apaiq mang ka Maaka. Tsangnai setiim ka maiqwe se nai anai. Tsangnai mang ka Shebar nai Tirhana.

1 KAÜWA WERAÜ 2:54

Salma ka Bethlehem chela teiwantiwe. Apaiq ka Netophath chelati ma, Atroth Beth Joab chelati ma, kiimaq Joraiq chelati ma, tsangshiq ka Mahanath phan wa maiq aweraü anai kiiwa weraüshiti rii, kriima ati.

EJRA 2:2

Tsangshiq welabi thun ka arthun ara riito. Jerubabel, Joshua, Nehemia, Seraia, Reelaia, Mordekai, Bilshan, Mispar, Bigwai, Rehum, kiimaq Baana riito. Israilnok mungmaiqse phong wa kaüwa weraü aphan maq munglu wansha asiwa wa jang wantiiti thun mang ka arthun ara riito:

NEHEMIA 7:26

Kiimaq mungmaiqse phong wa tsangti tsangwi pat na arjaq chongtiikai chela thun na siwanti thun min munglu wansha asiwa jang wanto. Tsangshiq ka arthun ara riito: Bethlehem nai Netopha chela na siti 188 Anathoth chela na siti 128 Beth Ajmaweth chela na siti 42 Kiriath Jearim nai Chephira kiimaq Beeroth chela na siti 743 Rama nai Geba chela na siti 621 Mikhmash chela na siti 122 Bethel nai Ai chela na siti 123 Pong Nebo chela na siti 52 Pong Elam chela na siti 1,254 Harim chela na siti 320 Jeriko chela na siti 345 Lod, Hadid, kiimaq Ono chela na siti 721 Senaa chela na siti 3,930 riito.

JEREMIA 37:15

Krai mren, tsangshiq ka ngi ma kai khiqto. Raüta ngi ka atiitea riito. Kiimaq rung cherewe Jonathan jam khok na tiishaqbaiqto. Apaiq jam ka phaqtek rung ma atiijabaiq wishe riito.

JEREMIA 37:20

Riita ümchaü min, Chaü lei, ngi raq ümniima tiipaiq nealata ngutiikang, ibom chong ara tai laq. Mangchan laüta, ngi ka Jonathan jam na phaqtek khok kiijiika naq thükikiq she. Ümniiraq ngi ka kiijaq hali la thüki raüla, ngi ka mitsaiha ngushat.”

JEREMIA 38:26

Kra nguraüla, ümniiraq tsangshiq ma, ümniika phaqtek mong na naq shaq kiqshe. Kiijaq shaq raüla ngi ka atsai mirha nguta tiipaiqnea kang ngutli riichongkai nguta chonglaq.”

JEREMIA 40:11

Kiimahali kra liipan bala siili, Israilnok Mob mung na, Ammon mung na, Edom mung na, kiimaq maiq mung ahin pahea na apin jin rai thun tlotli raq, Bebilon mung hokhamwe raq Israilnok aso atiichongki mungmaiqse thun ka, Juda mung na tiisi nongtlo nguta tsütsa ka taito. Kiimaq apaiq raq Gadalia ka tsangshiq thaq na wanghuptiwe ma shongto nguta tsütsa ka taito.

JEREMIA 40:13

Arjai miishe, Johanan nai phenlabi pengti welabi jurwa Bebilon puk na nyap mak deati thun kra, Gedalia rai riihumkai Mijpa chela na wato.

JEREMIA 40:14

Raüta tsangshiq raq apaiq ma akha nguto, “Ammon mung hokhamwe Baalis raq Ishmael ka ümnaq tiitsea wa tiiwato ngo ka saptlaü sha?” Shatmaq Gedalia riika lam mak dea.

JEREMIA 40:15

Kiijiishe Johanan raq apaiq ma, apaiq honhon se na chongto, “Ngi kilata Ishmael ka tsatki pha. Kra ngu raüla jurwa tsattaq kra jurmin sap mak miraq. Apaiq ma ümniika jaram tiitsea wa? Kriishe nguraü ka ümwokhong na siti Jehudinok thun kra wiita pongpin riipin she khata mipinki? Krai mren, Juda mung na aso atiichongki thun mungmaiqse miitu ka athen wan changli she khata miraq.”

JEREMIA 40:6

Ngi ka Gedalia rai Mijpa chela na sikai dam kihokang. Lata nokmaiqse armung na aso atiichong thüti kriiti rai sidam kang.

JEREMIA 41:1

Kra rawii niili, jipi lümiishi angu na, Nethania se Ishmael kiimaq Elishama ma asaü she, apaiq ka lüwase ashi, kiimaq apaiq rai hokhamwe sengi ajong pinthumbi phongwa weshi krai kongtibi maiq weroqshi shea raüta Mijpa chela na wanghuptiwe Gadalia liiwa nguta wawanto. Raüta tsangshiq tarü adam na dungsea rea lowanto.

JEREMIA 41:11

Kiijiishe, Johanan nai apaiq rai siti phenlabi pengti ajong alabi raq Ishmael raq ashut mat klotaq tsütsa ka taito.

JEREMIA 41:2

Kriiwa Ishmael nai akongtitiim maiq weroqshi wataq kriiraq maiqmii nepja ka chat rang raüta Gedalia ka tsatbaiqto.

JEREMIA 42:1

Kiitiikaq phentubi tlotli rai adam maq Karea se Johanan kiimaq Heshaia se Ajaria kiimaq mungmaiqse ajong aran wiita kunli ka kiqshi maq ri raüta,

JEREMIA 42:8

krai mren ngi raq Johanan kiimaq apaiq rai siti phenlabi ajong alabi thun tlotli, kiimaq mungmaiqse maiq ahinti thun kri adam na triitam heakang.

JEREMIA 43:2

Kiijiishe Hoshaia se Ajaria kiimaq Karea se Johanan kiimaq mungmaiqse phong wa ashkongtamli siti kong rai adam maq ikiq ka akhiishe khiito, “Ümniika arot. Tatiwe nashiq Shiikeawe raq ümniika naishiq ma Ejip mung na naqsiki rongkiq nguta tiichongki mak.

JEREMIA 43:5

Krai mren she, Johanan nai phenlabi ajong alabi tlotli raq Juda mung na mungmaiqse ümchuwa abung akhii tiichongtaq kra Ejip mung na tsuqhoto. Tsangshiq rai Juda mungti pong mung pahea na atiinyin rai wa Juda mung na ajang wanti thun kriimin wiita Ejip mung na tsuqhoto.

TRI CHONGKE 3:14

Kiimaq Manase phan wa Jair raq Bashan wang wa Argob hong binjü tlotli kra Geshur chela nai Maka chela hiq rai binjü na saüli jiiwanto. Raüta apaiq raq kra binjü wa hiqshong thun mang ka apaiq mang niishe mang wanto. Kra binjü wa maiq hiqshong thun ka ümchaü niitaq Jair hiqshong thun ngutli ngutlo.)

JOSHUA 12:5

Apaiq mungtan ka Harmon Pum maq riita Saleka binjü kiimaq riita, Bashan wang wiita hamli raüta, Geshur wang binjü kiimaq Maka wang binjü maq riita, Gilead wang binjü wa khoko tiikholiiq raüta, Heshbon chela Hokhamwe Sihon hiq rai kiina saüli riito.