JEREMIA 40:5 - ASII LAKDAP Bible (BSI)

⁵ Riita ngi raq tre mang kangtiishe, Nebujaradan raq nguto, “Gedalia, Ahikam se kiimaq Shaphan ma asaü phana kilaq. Apaiq ka Bebilon mung hokhamwe raq Juda mung na chela thun kra peng ma wanghuptiwe ma shongto. Ümniika apaiq rai sikai mimai, riimakla ümniika ümriiba na kiraü jiiwa ahea miraq nguta ümniiraq tiimatlaü kiijaq sikikiq.” Raütiishe apaiq raq ngi ma kongphiq ashi kuqto. Kiimaq lamsea kuqto. Raüta ngi ka tiiwa baiqto.

Hawa Naga Bible 2001

⁵ Ngaz rueq yvmx muinz tvralc mauk rvkoq tueq Nebuzaradan rueq, “Babelon hokhvmx waz rueq Yuda mungx miqghaq htenc kuex guimz lawc tvkoc mungx walaungx vtaq Shaphan suiuz, Ahikam saz Gedalia kox nuex yek waung kuiuz. Mnoz kuex piq rulc vdvmz httax vtueq mungx miqsaz hvl nuex muinz httax kuiuz, rvmuq ngoz ruiux mnoz rueq tvmaung aungx yaq mkhoc baung nuex yuq muinz mnoz kaz lvp tuiux,” ngoz tueq jungx tueq. Kvruex yimaq piq rueq ngaz muex yauk noalc nuiyc phuiuz vsvy raungluingx kuq vtueq tvkaz gay phuex, ngaz muinz ngvy lvmx phvnc kaz wvnc tauk.

JEREMIA 40:5 Referencias Cruzadas

2 HOKHVMX 22:12

Kiimaq apaiq raq akhiishe ramwe Hilkia ma, kiimaq Shaphan se Ahikam ma, Mikaia se Akhbor ma, kiimaq rung liiti cherewe Shaphan ma, kiimaq hokhamwe shiilitiwe Asaia ma, aming ka akha kuqto;

2 HOKHVMX 22:14

Krai mren, Hilkia, Ahikam, Akhbor, Shaphan kiimaq Asaia ka maiq nyung ashi amang ka Hulda, apaiq ka shammi nyung Jerusalem anye tei wantaq siim nü ba kiijaq siti nyung phana bom riiwai kai kihoto. (Awese mang ka Shallum. Apaiq ka Tikwa se kiimaq Harhas miika asaü ka Shomjam wa ramwebi samtong jong kaütiim kra liitiwe.) Tsangshiq raq kriinyung ma jamlai bom wa dongtaq kra aheawiq tlü chongkuqto.

2 KAÜWA WERAÜ 34:20

Raüta apaiq raq Hikiah ma, Shaphan se Ahikam ma, Mikaia se Abdon ma, rung na ngati cherewe Shaphan ma, kiimaq hokhamwe jaqtreti Asaia ma aming ka akhiishe kuqto:

EJRA 7:27

Ejra raq Shiikeawe ka akha shomnoqto, “Nanyung nawe Tati Shiikeawe kli tiitsam rong i! Apaiq raq Jerusalem Shomjam ka shreng wan miitu ajong hokham tsantsii ka pinthum tiininja wanto.

EJRA 7:6

Israilnok Shiikeawe raq Mosheq ma Thungtri kuqto. Riita Ejra ka Thungtri shamwantiwe taksu maiqse riito. Ejra khuthaq na apaiq Tati Shiikeawe achu shiiman ka asi kha maq, Ejra raq hokhamwe jaq wa jamlai phan wa jaütaq, kriika hokhamwe raq Ejra ma khrum kuqto. Riita ara chongtiikai arai mren, Artajarses raq munglang wanli maq wiimiishi she angu na, Ejra ka Bebilon mung maq Jerusalem na kaiho kiimwiiq phahoto. Apaiq rai Jerusalem na laüho damti Israilnok mungmaiqse ka arthun armin kiho damto. Ramwebi, Lewinok, Shomjam na ashi ashunti, Shomjam kheti petabi, kiimaq phanrap shamti thun laühoto.

NEHEMIA 1:11

Ümchaü ngi achu jaü ara trekuq laq. Kiimaq, ümjaqshisetiim ahinti ümmang shreng wantibi thun achu jaü tlaq kra tre kuq laq. Ngi ma ümchaü ranaiq tiihongkuqlaq ara hokhamwe man na achu jaütiikang ara!” Kiitinchoji, ngi ka hokhamwe jam na, apaiq ma che tsümketi luqkhap riikang.

YOBA 22:29

Shiikeawe raq khüngati atiidea riibaiqtlo kiimaq wepuq wesebi ka khup wong kuqtlo.

TAKSU LAK 16:7

Ümniiraq Tatiwe tiichochi haüla, ümjaqtibi kiimin ümkongtibi ma mitiijalot haü.

TAKSU LAK 21:1

Tatiwe raq hokhamwe, khutsai ka traprutlo, raüta jeriiqriiq heali jüse rai kok ikha, sheaho tlo.

JEREMIA 15:11

Tatiwe lei, ngohea dea ngi raq ümniika aheawiq maq riikhaqli maq shomnoq wan mang dea jiila, tsangshiq manson ka minilaq. Ijaqtinok ka chamchao sangrai riihum raitaq akhing na, ngi raq tsangshiq miitu ümjaq wa achu jaükuq mang dea la jiila, manson ka ngi ma minilaq.

JEREMIA 26:24

Shatmaq ngi ka Shaphan se Ahikam raq khrumke kha na, ngi ka mungmaiqse ma kuqbaiq mak dea. Kra ningkhan ngi ka tsatbaiq mak dea riito.

JEREMIA 39:14

ngi ka hokham jam rinkea khok mong wa tiidong kito. Raüta tsangshiq raq ngi ka Ahikam se Gedalia, apaiq ka Shaphan ma asaü she, kriiwe wokhong na ngi ka aheawiq maq jam na sheathü wan ronglaq nguta aming kuqto. Krai mren ngi ka kiijaq nanok rai she siwan dam kang.

JEREMIA 40:4

Riita ümchaü ngi raq ümjaq dang wa jinraü kharü ka adii she riibaiq tiikang. Lata ümniika wase miishe tiija tiikang. Ümniika ngi rai Bebilon mung na wadam lungwiitlaü jiika, ümniiraq thi. Kra ngu raüla ümniika ngi raq miliikuq kang. Shatmaq ümniika waro maü jiika, kriimin ümniiraq thi. Ümnaq miitu armung ka binlu binli. Ümniiraq aroro hiq kiina kilaüta silaq.”

JEREMIA 41:1

Kra rawii niili, jipi lümiishi angu na, Nethania se Ishmael kiimaq Elishama ma asaü she, apaiq ka lüwase ashi, kiimaq apaiq rai hokhamwe sengi ajong pinthumbi phongwa weshi krai kongtibi maiq weroqshi shea raüta Mijpa chela na wanghuptiwe Gadalia liiwa nguta wawanto. Raüta tsangshiq tarü adam na dungsea rea lowanto.

JEREMIA 41:2

Kriiwa Ishmael nai akongtitiim maiq weroqshi wataq kriiraq maiqmii nepja ka chat rang raüta Gedalia ka tsatbaiqto.

Acts 27:3

Kiimaq napjai ranaiq naishiq ka Sidon chela na saü wan kai. Julias ka Paul ma mangchan asi riito. Krai mren, Paul ma jamlai phan wa rong raa tlaq, kra akongtitiim raq mikhrum kuq laq ngo maq, Paul ka akongtitiim rai riihum nai riibom riinyiim, ahai asea lam miili shea wanto.

Acts 27:43

Shatmaq, phentujong we raq, Paul ka tsatjiiq nguta apaiq tiichhii kewan miitu, phenlabi ma shumwi kong ka atsea raa mak nguta tiiwinto. Kra rii na, apaiq raq maiq ümchu riiwa jüwai atsin, kriiti thun ka kongkhu laijong maq kham na doq rong laq; lanta tareko kiina wai wan tlo ronglaq nguta aming kuqto.

Acts 28:10

Kiimaq tsangshiq raq naishiq ma kongphiq jaqmiiq kiimin pahea kuqne wanto. Kiimaq naishiq ka kra hiq maq tiido wan akhing niishe, tsangshiq raq naishiq ma khamjong lam maq wawan na tungsea lamsii ümchu wa raa tlaq kra thun ka laijong na ho thü kuq kito.

Hebrews 13:6

Ningkun shoq laita akhiili ngu i na, “Ngi liiti Tatiwe ri asi, Ngi ka hai mang; Maiqse raq ngi ka jamkho miraq?”