JEREMIA 39:2 - ASII LAKDAP Bible (BSI)

² Riita Jedekia ka hokham jawanli maq wiiroqshi ri wiishi she angu na, kra rawii wa jipi lüblai lü na kra lüwa jiha ratiikaü ranaiq, na re raq Jerusalem chela kiitelong ruk thun kra tiibun siiqbaiq wanto.

Hawa Naga Bible 2001

² Hokhvmx Zedekia hoc nuex ngaungc tueq wawc rokshiz rac wawc shiz, yapix lex bvlic raungx tvkuiuz raungnuiyq ghaqyungx palx ruk htenc tvbunx httak gay rvhumc tueq.

JEREMIA 39:2 Referencias Cruzadas

JEREMIA 1:3

Kiimaq apaiq raq Jeremia rai Josia se Jehoiakim ka Juda mung na hokham jatlaq pat niimin riibomto. Kra jai maq Tatiwe raq Jeremia rai jang pahea riibomto. Raüta Josia se Jedekia ka Juda mung na hokham jawan raüta rawii wiiroqshi ri wiishi angu na saüli riibom damto. Kra rawii jipi lübiingi angu na Jerusalem chelati ka pongmung na munglu shumwikong ma tsuq wanto.

JEREMIA 32:1

Juda mung langti hokhamwe Jedekia raq hokham jawanli maq wiiroqshi she angu na Tatiwe raq ngi ma chongto. Kriika Bebilon Hokhamwe Nebukadnejar raq hokham jawanli maq rawii roqshi ri wiitiichat she angu na riito.

JEREMIA 34:22

Ngi raq aming mikuqha. Tsangshiq ka ara chela khatkai nong mijangki. Tsangshiq raq ara chela ara mikhat. Raüta chela ka milap wan. Raüta arka wa maq michaqbaiq. Ngi raq Juda mung wa chela thun ka rumnyangkhi kumtsaiphii miishe mitiija baiqha. Kiijaq maiq asiti jumin ahü she miraq. Arka Ngi, Tatiwe raq toqtan tiikang.”

JEREMIA 37:8

Raüla, Bebilon mungti phenlabi ka hali mijangki nong. Raüta Jerusalem chela ka mikhat. Raüta chela ka mijii wan. Kiimaq chela ka wa miishe michaq baiq.

JEREMIA 5:10

Ngi raq isenginok spiqro thun kra dabaiqkaiti rewe pahea mitiikiha. Shatmaq tiisiirai langlang kla tiijiipbaiq mang. Ngi raq akü ako thun kriili jambaiq ronglaq nguta michongha. Jamkhano ngukla kra kü thun ka ikü ka riimak.

EJEKIEL 33:21

Naishiq ka munglu shumwi ma jawan li maq wiiroqshi ri wiinai she angu na, kra rawii wa jipi lüroqshi na, kra jipi wa jiha rabiingi ranaiq na, Jerusalem wa lun raüta aju wan maiq weshi kra saü wato kiimaq ngi ma chela ka thento she nguta tsütsa ka chongto.

EJEKIEL 4:3

Laüta jinpen kaü ashi kra lam laüta, chela kra nai ümnaq heawea na jin pen kriimaq ruk ka hailaq. Laüta chela ka liilaq. Riita arka chela ka re raq trotam maq akom wan kun she. Kiimaq ümniika re nok chela kra khat wanti nguta tiimalaq. Riita arka Israilnok mungti miitu maji binriim miraq.

EJEKIEL 5:2

Mantsam kiiwa manshi ka chela ka re raq khat-lotto she angu na chela mong na wa maq chaqbaiqlaq. Kiimaq mantsam wa mannai ngoja kra hali lam laüta, ümjaq na shamshat maq chela tro kiijaq kinphai na tro khum laüta tap chum baiqlaq. Kriimaq atiisup mantsam ngojati kriika rahai na tiipan wanbaiqlaq. Kiimaq kriika, Ngi raq inepja maq joshjo she mijo wanha.

JEPHANIA 1:10

Tatiwe raq ngutlo, “Kra ranaiq namshiq raq, Jerusalem na Ngiq Kilamchong na, agi asii maiqho trang mitai han. Kiimaq namshiq raq anye atei han, chela ba kiijaq, maiqhotrang mitai han. Kiimaq kin thun kiijaq atham wan trang, jonghea mitai han.

JEKERIA 8:19

Juda mungti raq jipi lüblai ngoja, jipi lübiingi ngoja, jipi lümiishi ngoja kiimaq jipi lüroqshi ngoja na amang maq achu jaü wan tlaq kra, Juda mungti ma chojong chise nai khoqriiq shishiiq maq poi klo miishe mija. Arningkhan namshiq raq tingting lam nai hansang lam kli lungwii ratlo.