JEREMIA 39:16 - ASII LAKDAP Bible (BSI)

¹⁶ Sudan mungtiwe Ebedmelekh ma, Tati Ningkun Ajongwe, Israilnok Shiikeawe raq, akha ngutlo, “Ngi raq ümniima ara chela ka ashthen mirbaiqha nguta chongkang irai mren, ümchaü Ngi raq ara chela ka atiithen she mirbaiqha. Tiijong lu wan mang she. Riita arshe hongtha wan raüla, ümniiraq maiqmii mak miishe michhi haü.

Hawa Naga Bible 2001

¹⁶ “Mnoz rueq Ethiopi miqsaz Ebedmelek muex, Tvphaungc Tvsuip Yehowa Israel Tishox rueq ngoc, ngaz rueq kungkhux nuex jungx wvnc tauk rulc rv-ngvlc ghaqyungx vruex tvbac gay shaungx, kvruex kuex tvrungx wanx shaungx rvmuq. Kvkaq vruex yaungx wvnc tuex nuex mnoz rueq khic lvp tvkoc kvyuq httax kuiuz.

JEREMIA 39:16 Referencias Cruzadas

2 KAÜWA WERAÜ 36:21

Krai mren she Tatiwe raq shammiwe Jeremia lümaq riisham bomtsi akha tiithaitaq kriishe kupi wanto: “Armung arka rawii roqmiishi hiqmiq changkhü ma mitiija baiq wan, kriika Niitiitsak akhing lang wan mak tlea baiq wantaq kra tiinyi wan miitu miraq.”

Tvtsvmc 92:11

Ijaqtinok raq rekhat tangmak riitaq kra ngi raq chhikang kiimaq abi klotibi hoqtrangtaq kra taikang.

JEREMIA 26:15

Shatmaq namshiq raq ara bomtsi arka tsan na riikhaqli thü ronglaq: Namshiq raq ngi tsatbaiq han jiila, namshiq ajong alabi nai mungmaiqse ara chelati ka maiqse ashi khahü na tseabaiq wan kha na ngarai khabu she mihohan. Jamkhano ngukla, Tatiwe raq ngi ka namshiq ma ara honlam bomtsi ara chongkekai tiikito.”

JEREMIA 26:18

“Man na Hejekia raq Juda mung na hokham jataq akhing na, Moresheth hiqti shammiwe Mika raq mungmaiqse tlotli ma Tati Ningkun Ajongwe raq jamlai wa ngutaq kra akha chongto, ‘Jajon chela ka wak thutlaq ikha mithubaiq, Jerusalem ka jamriim phong li she miraq, kiimaq Shomjam haichang jamkhii ka rumtang pero ma mijaki.’

JEREMIA 26:20

(Kiimaq man na maiq weshi min asi riito, apaiq ka Shemaia se amang ka Uria. Apaiq ka Kiriath Jearim hiqti. Apaiq riimin Tatiwe mang na ara chela nai armung khuthaq na Jeremia raq chongtaq kiikha chongkuqto.

JEREMIA 34:22

Ngi raq aming mikuqha. Tsangshiq ka ara chela khatkai nong mijangki. Tsangshiq raq ara chela ara mikhat. Raüta chela ka milap wan. Raüta arka wa maq michaqbaiq. Ngi raq Juda mung wa chela thun ka rumnyangkhi kumtsaiphii miishe mitiija baiqha. Kiijaq maiq asiti jumin ahü she miraq. Arka Ngi, Tatiwe raq toqtan tiikang.”

JEREMIA 35:17

Riita arningkhan, ümchaü min, Ngi, Tati Ningkun Ajongwe raq, Israilnok Shiikeawe raq, namshiq Juda mungti nai Jerusalemti khuthaq na, Ngi raq mitiithenbaiqha nguta ikiqkham kang thun thenjen wan kriishe mitiisaüha. Ngi raq namshiq khuthaq na arthun tiisaü wan tiikang jamkhano ngukla, ümtiikiiwa Ngi raq namshiq ma ümtin khan wa chongkuq wan kang kra, namshiq raq taiman riilan, kiimaq Ngi raq namshiq heawan phata, namshiq raq ibom tre man riilan.”

JEREMIA 36:31

Ngi raq ümniima, ümsaü ümsetiim ma kiimaq ümsengi ajong alabi ma mo mitiihoha. Namshiq wiitarü raq ngarai pahea tangtlan kriikha na. Ümnii riimin, kiimaq Jerusalemti mungmaiqse riimin, kiimaq Juda mungti riimin, Ngi raq ümtinkhan wa honlam tsii chongkuq wan kang kriithun ka tsan na thü wan man riilan. Kra ningkhan, ümchaü sanha, Ngi raq namshiq ma jamlai chamchao rathaiq wa mitiisaüha nguta tiiphiip wan kang kriishe mitiisaüha.”

JEREMIA 40:3

Riita ümchaü min apaiq raq jamlai wa mirha nguta chongtaq kriishe kloto. Arthun thenjen wantaq arka nammungti raq Tatiwe man na ngarai tang kha na kiimaq apaiq kiq khii wan kha maq saü wato.

JEREMIA 44:27

Ngi raq namshiq ka shiiman kuq mang she. Namshiq ka rongboq ma tiija mang she. Shatmaq namshiq ka athen she mir wan han. Namshiq tarü kunli mijiim han. Redong na mijiim han. Riimakla thadong na mijiim han. Namshiq ka thumpak mijiim han shaq wiiwii, jiim wan ruq mirhan. Weshi min tiichong man maq mijiim han.

DANIEL 9:12

Ümniiraq naishiq ma nai naimung pengti ma mo mitiihoha ngulaü kra tiiho wan laü dea. Ümniiraq Jerusalem ka mangjong tlotli na siti chela ahinti thaq na, pinthum heanghea tiichamchao wan laü.

AMO LUIK DVP (AMOS) 9:4

Kiimaq tsangshiq ka rewe raq shumwi ma, tsuq wan raümin, kriiwa ngi raq ja ma mitiitsat baiq ha. Lata ngi raq tsangshiq liishat mirha, ahea miitu riimak, atsea baiq miitu miliiha,”

JEKERIA 1:6

Ngi raq namtitiim ma, i jaqshisetiim shammibi lümaq aming kuq kang. Kiimaq tiihaichhai lata hon atsii chongkuq wan kang. Shatmaq tsangshiq raq shipot baiqto. Kra ningkhan tsangshiq chamchao riihum raüta biiphaqto. Kra riihum raütiishetiq, tsangshiq raq maiqmii shut mra kra tiidii wanto. Raüta tsangshiq raq ngi Tati Ningkun Ajong Pinthumwe riidea, tsangshiq maiqmii ngarai khankhan, tsatson wankang ngutiishe tsangshiq raq tum wanto.”

Matthew 24:35

Ra nai hiq ka athum mirki. Shatmaq i bomchong arka poimak phan.”