JEREMIA 36:3 - ASII LAKDAP Bible (BSI)

³ Jursap Juda mungti raq, Ngi raq tsangmung tiithenbaiq wan chongtiikang kra tsangshiq raq tai raüla, tsangshiq tsan nai tsii abi thütlaq kriilo klai raü. Kra nguraü ka Ngi raq tsangshiq ajiq ümchuwa klotlaq kiimaq tsangshiq ngarai thun kra adii mirbaiqha.”

Hawa Naga Bible 2001

³ Yuda miqsaz tsuingshiq htauk nuex ngaz rueq ruec dvnc vshaungx tvbac tac gay lvmz htenc nuex seng vtueq tay wuez ruiux yuq, tsuingshiq layx vbac kvwawc kvyez wvnc wuez tuex wueq. Kvkaq ngaz rueq tsuingshiq honc vbac nuiyc tsuingshiq mvrax htenc kuex dawc kuq gay shaungx,” ngoz tueq jungx tueq.

JEREMIA 36:3 Referencias Cruzadas

NEHEMIA 1:9

Shatmaq tiina, namshiq raq maiqmii ngarai kra tiidii lanta, iwokhong na jang wan nonghan jiila; ngi raq namshiq ma jamlai aming tri wa khakuq kang, kra thun kra lang wan nong lanta shongnga wan nong han jiila; ngi raq namshiq ka iwokhong na hali mishea wan nong kang. Ngi raq namshiq ka ara mangjong hiqdiim ara hamli na; shokrap norii na atiipin jobaiq wan ha kiiwa; ngi shomnoq wan miitu hiqshong bashi tiihong tsea kang kriiba na hali mitriichom hea wan nong kang,’ nguta ngulaü.

Tvtsvmc 139:24

Rit-laq i tsan i mongjii na phanshira abi asi sha laüta ngi ka pattup pat-sa lamphan na shunshea laq.

ISAIA 6:10

Kra nguraütiishe apaiq raq ngi ma chongto, “Arnok khutsai ka ahü ma tiijabaiqlaq. Tsangni ka biila miishe tiijabaiqlaq. Kiimaq tsangshiq mak ka makchuk ma tiijabaiqlaq. Kraimren tsangshiq raq chhimak she, kiimaq taimak she kiimaq takmak she mirlaq. Tsangshiq raq chhi raü jiika, tai raüjiika, takraü jiika iwokhong na miwa wan wa. Raüta tsangshiq ngarai tsi si ka atiihea mirkuqha wa.”

JEREMIA 18:11

Riita ümchaü man, Juda mungti nai Jerusalemti ma chongkuqlaq, Ngi raq tsangshiq ka tiithenbaiq miitu khatan raütu sürii wan tiikang. Tsangshiq ma imo mitiihoha. Tsangshiq ma ngarai rilung lamphan ka thaqbaiq ronglaq nguta chongkuqlaq. Tsangshiq raq ashut lamphan kra klai ronglaq kiimaq tsangshiq raq jamlai wa kiimungtlaq kra thaqbaiq ronglaq nguta chonglaq.

JEREMIA 18:8

shatmaq kra mungti ka tsangshiq raq abi klotlaq kra thaqbaiq raüla, Ngi raq tsangmung ka mitiithenbaiqha anguha kriiwa, tiithenbaiq mang she mirha.

JEREMIA 23:14

Shatmaq arthaq niimin bihea Jerusalem na siti shammibi raq sham wantlo; tsangshiq ka maiqchak rai sra tlo kiimaq arot chongtlo; tsangshiq raq nokmaiqse ma ashut jaqsham khrumtlo, kra ningkhan abi kiimung ka jurmin tsaq mak phan kiimungtlo. Ngi maklii niika tsangshiq tarü Sodom nai Gommorati ikha ngarai kaü siisaq.

JEREMIA 24:7

Ngi raq tsangshiq tsan mong na Ngi ardea Tatiwe nguta sap wan miitu roriitsii mithii kuqha. Kra riihajiila tsangshiq ka isengi ma mija wan. Kiimaq Ngi ka tsangshiq Shiikeawe ma mija wanha. Jamkhano ngukla tsangshiq ka tsangshiq tsan nai tsü wiita kuq raüta Ngi wokhong na hali mijang wan nong.

JEREMIA 26:3

Jursap mungmaiqse raq ibomtsi kriiwa taijiiq riila. Raüta tsangshiq raq abi jaqshamtlaq kriilo thaq baiqjiiq riila. Tsangshiq raq kra thaqbaiq raü ka, Ngi riimin, tsangshiq raq ngarai pahea klotlaq kha na, tsangshiq ka atiithen mirbaiqha nguta toqtan tiikang kriika, tiithenbaiq mang, ngi tiima ka aklai mirha.”

JEREMIA 35:15

Ngi raq namshiq phana ijaqshisetiim shammibi thun ka tiiki ruqruq tiikikang. Kiimaq tsangshiq raq namshiq ma, namshiq raq abi lam phan thun ka thaq baiqtlo ronglaq, lanta jaqsham ahea awa phan kra sham ronglaq nguta chongkuqto. Tsangshiq raq namshiq ma ahin phra thun ka naq shomnoq rongkiq kiimaq naq shiililii rongkiq nguta hon lam bom chongkuqto. Kriika Ngi raq namshiq ma nai namtitiim akuqha hiqshong rahai thun kiijaq hansang maq shongnga wan miitu honlam tsii chongkuqto. Shatmaq namshiq raq ibom chong ka taiman tlea wan lan. Kiimaq ibomtsi ka namtsan mong na akhiismin rüm wan man riilan.

JEREMIA 36:7

Jursap tsangshiq raq Tatiwe jaq wa achulo jaü jiiq riila. Raüta tsangshiq ka abi kiimung lam phantlaq kriiwa aklai lo riiwan jiiq riila. Jamkhano ngukla Tatiwe raq arnok ka mishthenbaiqha she nguta atsankhiq henghea amok dungdung miishe tiiphiiptlo.”

EJEKIEL 12:3

“Riita, ümchaü min, maiqse lei, wanshawe raq ahupsam thop tlaq ikha, laüta raji raban wantlaq akhing na manglaü wan ikha hukho samho wawan laq. Nanok tarü raq ümniika maiqhiq na laü wan kra michhilaq. Jursap kra nilannok ikiqkhii srutinok raq lo chhiraü.

EJEKIEL 18:23

Tati Rakaü Hiqwe raq, “Namshiq nga, Ngi ka abiwe tsaitlaq kra liisea lungwiitlo ngutiisha tiima tlan?” nguta waito. “Riimak. Ngi riika apaiq ngarai kra tiidii raüta, atra siwan chhiro tiikang.

JEPHANIA 2:3

Tatiwe wokhong na jang rong laq. Namshiq tsannin woknin maq shongti, singmung maiqse lei; apaiq aming thun langtibi; tingting jaqkli sham ronglaq. Kiimaq Tatiwe makki na aran ma jaronglaq, jursap Tatiwe raq atsankhiq tiichhi tlaq ranaiq na, namshiq ka mipaükuq lo riila.

Matthew 13:15

Tsangshiq khutsai ka abikai kun she. Tsangshiq ni kiimin alan kai kun she. Kiimaq tsangshiq makpo kiimin achukkai kun she. Kra riimak ngu raü jiika tsangshiq raq michhi wan wa. Tsangshiq ni maq mitai wan wa; tsang khutsai na minyap wa. Raüta tsangshiq ka ngi phana miwa wan wa, kiimaq ngi riimin tsangshiq ngarai ka midii kuq wan ha wa,’ nguta Shiikeawe raq chongtlo.”

Mark 4:12

Arka, asii bomtsi na akha chongthüje dongdii, ‘Tsangshiq raq mak maq chhi shatshat taü miimin, chhi mak miraq; tsangshiq raq taishat shat taü miimin, tak lot mak miraq. Tsangshiq raq tak raü jiika, tsangshiq tsantsii miklai wa; kiimaq Shiikeawe raq tsangshiq ngarai ka midii kuq wa.’ ”

Luke 20:13

Kra riikiitiishe, spiqtsi ro wakchongti we riika, ‘Riita, ümchaü sanha, ngi raq jamlai she wa mirha? Ikhla, ngi raq I se shaq arli she tiikai chang miraq. Tsangshiq raq I se shaq arshe kla, mishreng she ahiq!’ nguta atsan mong na tiimato.

Acts 26:18

Ümniiraq tsangshiq mak ka mitiipiiq kuq wan haü. Kiimaq tsangshiq ka ranyaq nyang mong wa rawü lam phan niishe mishun shea wan haü. Kiimaq tsangshiq ka Thupkaü Thawe jaqkhon mong wa, Shiikeawe wokhong niishe mishun shea wan haü. Krai mren, tsangshiq raq ngi ma kamtsantsii thü tlaq kra lii miishetiq, tsangshiq ngarai ka midii kuq wan. Raüta tsangshiq ka Shiikeawe sengi maiqsetiim rai she shongnga wan dam miitu tsangshiq ma chapchang ngachang she mitiihong thaq kuq wan.’

Acts 26:20

Ngi raq mungmaiqse ma, namshiq ngarai ka tiidii wan tlo ronglaq. Lanta, Shiikeawe puk na nyap wan tlo ronglaq, lanta tsantsii klai wan kai she nguta, maiqse raq mak maq chhi tai wan li chang, namshiq jaqsham kaiwa ahea awa kra shamlam wan lili lantiishe, rilung jaqsham nai namshiq chapnai nga maq tiichhi kuq wan ronglaq, nguta tsangshiq ma traho bom chongkuq wan kang. Ngi raq ara traho bomchong ke wan jaqsham arka, apha na Damaskas na tra hokuq wan kang. Lata Jerusalem niishe tra hokuq wan kang. Kra jai miishe, Judia wang tlotli niishe tra hokuq wan kang. Kiimaq Pongnok phan maiqse miishe tra hokuq wankang.

Acts 28:27

Ara jamkhano ngutiikang ngukla, arnok sung atsii ka alamlatkai wishe; kiimaq tsangshiq ni ka alankai wishe. Kiimaq tsangshiq mak ka amiikai wishe. Kiikha riimak ngu raü ka, tsangshiq raq mak maq michhi wa, tsangshiq raq ni maq mitai wa, tsangshiq sung atsii ka tsangrakrak maq misap wan wa. Raüta tsangshiq ka ngi phana miwa wan wa, kiimaq ngi raq tsangshiq tsisi ka, wiita mitiihea kuq wanha chang wa, raüta tsangshiq ka, hansang maq singa wan chang wa,’ ” nguta Shiikeawe raq chongtlo.

Acts 3:19

Riita, ümchaü min, ara chong tiikai arai mren, namshiq raq maiqmii ngarai ka tiidii tlo ronglaq. Lanta, Shiikeawe wokhong na nyap wan tlo ronglaq. Kra riihan jiitiq, Shiikeawe raq namshiq ngarai kra midii kuq. Namshiq raq kra riihan jiila,

TRI CHONGKE 30:2

Kiimaq namshiq nai namsaü namsetiim ka Tatiwe wokhong na hali nyap wan nong hanla, lanta namtsan nam mongjii wiita kuq lanta ümchaü ranaiq ngi raq namshiq ma apaiq aming thun kuqtiikang ara lang han jiila,

TRI CHONGKE 30:8

Kiimaq ümniika thongshi ri hali apaiq wokhong na misi wan haü. Kiimaq apaiq aming thun, ümchaü ranaiq ngi raq kuq tiikang thun kra phaq chii nichii maq lang laüta misi wan haü.

TRI CHONGKE 5:29

Tsangshiq raq wranaiqshe akhiisii haisong tsantsii rüm raü ka ahea riichang! Tsangshiq raq Ngi ka wranaiq she akha anato raüta shreng raüka ahea riichang. Raüta Ngi raq akuqha aming thun kra lang raüta shong nga raüka ahea riichang. Kra nguraü ka tsangshiq ma phanrap na jamlai phan rongraa min ahü khusang rakhang maq mishong nga wan wa. Kiimaq tsangsaü tsangsetiim pat niimin pattup pat-sa ahea misi wan wa.

2 Peter 3:9

Tatiwe ka apaiq raq jamlai wa mikloha nguta kiqkhamtaq, kra sham wan miitu ka tiihit mrot ka riimak. Nanok maiq wiijamti raq tiima wan ka, apaiq ka atiihit rai riitlo nguta tiima tlo. Shatmaq Tatiwe raq namshiq ka tsankhun maq khe wan tlo. Jamkhano ngukla, apaiq raq ngarai maiqse ka weshi ra dongdii min tiitsai baiq romak. Shatmaq ngarai maiqse wiitarü raq tsangshiq ngarai ka tiidii raüta tiichhii wan tlo haü jaq nguta, tsangshiq ma atsan tiitsi kha maq kherat tlo.

1 SAMUEL 7:3

Samuel raq Israilnok ma nguto, “Namshiq raq tsantsii wiita kuq lanta Tatiwe puk na nyapro tlan jiila, namshiq raq pongmung phra kong, kiimaq phra nyung Astarte sumla thun ka wiita tiisiirai tsuqbaiq ronglaq. Namshiq khum ka Tatiwe miilishe kiinong kuq ronglaq. Lanta apaiq kli she shomnoq ronglaq. Raüla apaiq raq namshiq ka Philistainnok jaqkhon mong wa mitiichhii kuq wan.”