JEREMIA 33:4 - ASII LAKDAP Bible (BSI)

⁴ Ngi, Tatiwe, Israilnok Shiikeawe raq ngutiikang, Jerusalem wa jam thun nai Juda mung hokhamwe jam kra re raq trotam maq komwanto, raüta khat wanto krai mren wiita mitiibunbaiq.

Hawa Naga Bible 2001

⁴ Yerusalem wawc yuimx htenc nuiyc Yuda hokhvmx hoc htenc kuex tuimx wvnc vtueq khvt gay rvhumc ningkhvnc nuex, kvhttak bac wvnc tuex ngoz tueq ngaz Yehowa Israel Tishox rueq jungx tauk.

JEREMIA 33:4 Referencias Cruzadas

ISAIA 32:13

Raüta kiidashuk rüro nai kiimko rü tonglong lishe mungmaiqse wakram na tang wanto. Hoqtrang ronglaq, maaho manyi. Maiqjam thun na man na chojong chise siwanto. Kiimaq kra chela ka mungmaiqse kiijaq siti ama siwanto. Akei alei jupjup riito.

ISAIA 32:14

Hokham jam thun kiimin jammiishe miraq. Mungnyung chong chela ka hiqmiq changkhü miishe mijaki. Maiqjam thun kiimaq kriithun tiiwong chang chela tro na kiitelong peruk weshaü thun kriimin pattup pat-sa miitu botkhulai rai she mishot baiq. Kiijaq rum na siti kumtoq kong mihaisiq. Kiimaq skukong ka kiijaq nyiimphaq mihaisiq.

JEREMIA 32:24

“Bebilon mungti raq chela kra khat raüta jiiwan miitu chela trotam na hiqphong raüta hiqkhu thun she haito. Redong raq, ram raq haü wan raüta, kiimaq thadong raq jiim wan raüta chela mong na siti maiqse ka tsangshiq jaqkhon niishe mitsai. Ümniiraq jamlai wa chonglaü ümchaü sanha ümmakki niishe hongtha wanto.

JEREMIA 6:6

Ajong Pinthum Tatiwe raq arthun hokhambi ma pechong thun daq lantea Jerusalem kra khatwan miitu chela peruk tro kiijaq maiq düwan chang hiqkhu thun hiqphong ronglaq nguta aming tatto. Apaiq raq nguto, “Ngi raq archela ka sintsang maq mitsat ha. Jamkhano ngukla mungmaiqse ka ji maq nishishi tiichamchaotlo.

AJONJÜ 2:7

Tatiwe raq apaiq hongluke chang, berong-wacha nai, apaiq asii Shomjam kiimin jai maq nong baiqto. Apaiq raq rewe ma atuk thun, runbaiq miitu kiinong kuqto. Man na naishiq shomnoq chochi chang Jam na, tsangshiq raq tang raüta riiriiq wanto,

EJEKIEL 21:22

Riita ümchaü! Ajaqtsi nü niika liqsin kii, ‘Jerusalem’ nguta twaiq raü kra shamraü miraq. Kra liichum ka apaiq ka Jerusalem na kaichang ngutlo. Raüta chela ruk mong na nyap wan chang hiq phong raüta lam thun ka tiicho mihai, raüta rekhatho ma boli mitsü, kiimaq chela kilam chong thun kiijaq kilü jin wan chang hiqkhu thun kra mipa wan. Raüta hiq phong raüta hiqkhu lam thun kra mihai, kiimaq kiituk thun kra mithu.

EJEKIEL 26:8

Wang mong binjü na siti thun ka redong akhing na mijiim. Re raq kiituk thun mithu; raüta chela ruk kiijaq düwan chang hiq phong raüta hiqkhu mihai. Raüta ümnaq long ma tsangshiq tiiwong chang khetuk hai raüta mikhat wan.

EJEKIEL 4:2

Kra laüta, Jerusalem ka re raq khat wan tlaq kra sumla kra tiichhike miitu kra tro na hiq na kiituk thun ka thulaq; kiimaq chela tro ruk na düwan chang hiqkhu hiq phonglaq, laüta apa riila; kiimaq phenlabi piitiip thun hailaq; kiimaq, chela tro na chela ruk kra tiibun siiq wan miitu pepa rinchü thun hailaq.

HABAKUK 1:10

Tsangshiq raq nokhinti ka, shummii shaqshaq riitlo. Tsangshiq raq munghin hokhambi nai welabi ka, ji maq nishishi li riitlo. Tsangshiq raq chela peruk ka, weahü wiqhü miili watlo. Peruk jai na hiqphong raüta, chela mong na nyap wan raüta, chela kra jii wantlo.

TRI CHONGKE 20:20

Namshiq raq laihin pechong thun kla adaq mimai. Lanta chela ka namshiq raq mijii wan han shaq wiiwii, pe thun kra lam lanta chela ruk tro na adü wan chang hiqkhu thun kra hai ma pe ka lang ronglaq.