JEREMIA 33:12 - ASII LAKDAP Bible (BSI)

¹² Tati Ningkun Ajongwe raq ngutlo, “Armung na, kumtsaiphii rumnyangkhi ikha sitlaq kiimaq ümjiiwa maiq simak, kiimaq ngam saü ngiqse min simak, arjaq jaimaq nyamse dungchang nyiim lung heala miraq. Kiijaq sku rümti kong raq tsangshiq sku kong miriim.

Hawa Naga Bible 2001

¹² Tvphaungc Tvsuip Yehowa rueq jungx tueq, “Miq muinz, nyvmx saz muinz httax muq ghaqkuiyq ghaqkhvmx kumtsvy tvnx ikhoc yaungx yaq vruex mungx vyuq, khelbuenx remc jix rueq tsuingshiq khelbuenx htenc remc juing baung htenc lauk shiz httax wvnc yek tuex.

JEREMIA 33:12 Referencias Cruzadas

ASHICHONG 1:7

Itsanrowe lei, ümskukong ka ümbano mirümki haü? Ranaiq shethung rakiitsi na ümbano mitiibum haü? Riita ngi raq ümniika ahin skukong rümti, phong mong niika jaram miliikiha?

ISAIA 65:10

Tsangshiq raq Ngi mishomnoq wan. Raüta tsangshiq skukong nai minsaü kong thun kra shenyap nü na Sharon Tan na nyiim lung tan na midung wan. Kiimaq Shedong nü na Chamchao Tan kiijaq midung wan.

JEREMIA 17:26

Mungmaiqse ka Juda mung na sitlaq chela thun kiiwa kiimaq Jerusalem chela tro na sitlaq hiq shong thun kiiwa miwa; kiimaq tsangshiq ka Benjamin wang wa, kinji thun na hiqshong thun wa, pum thun na hiqshong thun wa, kiimaq Juda mung shemai nü wang wa miwa. Tsangshiq raq i Shomjam na, chaqtlii-honglu thun, kiimaq nyamse ataa kechang honglu thun, wong-honglu thun kiimaq homseng honglu thun kiimaq kechutum-honglu thun kra howan raüta miwa.

JEREMIA 31:12

Tsangshiq ka Jajon pum na wa raüta chojong chise miishe mishi nge wan, kiimaq ngi raq kongphiq thun kuq tiikang kra miitu kai mikhoq riiqsiq wan. Raipo wonglo, kiimaq spiqtsi tai nai olip khamtai kongphiq thun; sku kong kiimaq minsaü chhechhi kong kongphiq thun. Tsangshiq ka petsiro kham maq aheawiq nyuktlaq ikha chiithe jong rongboq miraq; tsangshiq ma jamlai wa rong ratlaq wiita kunkun asi miraq.

JEREMIA 31:24

Mung maiqse ka Juda mung niishe mishong nga wan. Kiimaq Juda mung na chela thun kiijaq misi wan. Kiijaq maiq wak sham seati, kiimaq sku kong riimti asi miraq.

JEREMIA 32:15

Tati Ningkun Ajongwe, Israilnok Shiikeawe raq, jam thun, wak ram thun, kiimaq spiqtsiro thun ka armung arjaq riiri riithii hali mirshata nong nguta chongto.”

JEREMIA 36:29

Kiimaq Tatiwe raq ngi nangnga hokhamwe ma akha chonglaq nguta thaüto, “Ümniiraq lakdam kom ka wa na chaqbaiq laü. Kiimaq ümniiraq Jeremia ma jamlai nguto Bebilon mung hokhamwe ka ana miki. Raüta armung ka mitiithenbaiq kiimaq armung wa mungmaiqse nai jam nyamse thun ka wiita mitsatbaiq nguta waiq laü.

JEREMIA 50:6

“Isenginok ka skusekong skurümti kong raq pum thun na atiimo baiq rat kong ikha, Tsangshiq ka skusekong pum ashi maq riita pum ashi na miikitlaq ikha tiimii baiqto. Kiimaq tsangshiq raq maiqmii jam ka ümba niiwa kriimin sapmak she.

JEREMIA 51:62

Kra laüta akha achu jaülaq, ‘Tatiwelei, ümniiraq armung arka atiithen mirbaiqha nguta ngulaü. Krai mren, armung na atra phan ka jammin ahü she miraq. Maiqse min simak she miraq. Kiimaq ngamsaü ngiqse min simak she miraq. Armung ka pattup pat-sa rumnyangkhi kumtsaiphii ikhiishe mijaki.’

EJEKIEL 36:35

Maiq loweatek raq, armung arka man na rumnyangkhi she riito, shatmaq ümchaü ka Eden Sonruk ikhiishe jakito. Kiimaq chela thun ka botkhulai rai shotbaiq raüta tsiiq nai nyam tum ka run wanto, raüta hiqmiq changkhü ma tiijabaiqtaq thun kra, ümchaü sanha maiq tup tup she shong wan nongto. Kiimaq chela tro ruk thun ka kiitelong maq thep thep achhechha phan riimak she ruk baiqto nguta mingu.

HAGAI 1:4

“Isenginok lei, i Shomjam jam ka wiita atrunkai wishe riiraü, namshiq maiqmii singa chang jam awak kriika thepthep jamhea siisaq hai wan lanta sitlan nya?” nguta tiichongto.