JEREMIA 32:44 - ASII LAKDAP Bible (BSI)

⁴⁴ Mung maiqse raq kriithun ka miri wan nong. Raüta asha ari kra lakdap na waiq raüta sil maq mikha wan. Kiimaq kiimwebi raq misuhi wan. Arthun ariirithii wan jaqsham arka Benjamin wang na, Jerusalem tro na hiqshong thun na, Juda mung na chela thun na, kiimaq ku akin tonglong wang chela thun na, kiimaq kinji thun na maiq hiq shong na, kiimaq Juda mung na shemai nü wang binjü na miriirithii wan. Ngi raq mungmaiqse ka tsangshiq hiqshong rahai chü thun kiijaq wiita she mitiishongnga wanha. Arka Ngi, Tatiwe raq, toqtan tiikang.”

Hawa Naga Bible 2001

⁴⁴ Miq htenc rueq Benjamin hong nuiyc Yerusalem tvroz wawc miqghaq htenc, Yuda mungx wawc miqghaq htenc, kuz wawc miqghaq htenc, kuz yaz hong htenc, Yuda mungx yuix yaz kox hong htenc wawc wuik vnax ruiyx wuez vtueq, yauk mal wuiyq ruiux tvsik wung vtueq hakhix tvyaungc wuez shuex. Ngaz rueq miq htenc kuex tsuingshiq mungtan nuex tvyek yek shaungx. Ngaz, Yehowa rueq jungx vshaungx,” ngoz tueq.

JEREMIA 32:44 Referencias Cruzadas

ISAIA 44:26

Shatmaq ümtiikiiwa ijaqshise raq tiithaitlaq; ümtiikiiwa Ngi raq itsa soqtiwe tiikitiikang, lata ikiimung sürii tiikang kra tiichhi kuqtiikang. Ngi raq kra kiimung thun nai riishambom tiithaitlaq thun ka tiikupi tiikang. Ngi raq Jerusalem ma maiq ka kiijaq mishong wan nong nguta chongtiikang, kiimaq Juda mung wa chela thun ka mitiihea hainong nguta. Kra chela thun ka hiqrai ashotbaiq wa midong wan nong.

JEREMIA 13:19

Juda mung wa shemai nü wang na siti chela thun ka re raq trotam maq akom phaq wan kun she. Jumin chela mong na nyap wa lot mak she. Juda mungti tlotli ka re raq munglu shumwikong ma pong mung na atsuq wan kun she.”

JEREMIA 17:26

Mungmaiqse ka Juda mung na sitlaq chela thun kiiwa kiimaq Jerusalem chela tro na sitlaq hiq shong thun kiiwa miwa; kiimaq tsangshiq ka Benjamin wang wa, kinji thun na hiqshong thun wa, pum thun na hiqshong thun wa, kiimaq Juda mung shemai nü wang wa miwa. Tsangshiq raq i Shomjam na, chaqtlii-honglu thun, kiimaq nyamse ataa kechang honglu thun, wong-honglu thun kiimaq homseng honglu thun kiimaq kechutum-honglu thun kra howan raüta miwa.

JEREMIA 30:18

Tatiwe raq ngutlo, “Ngi raq isenginok ka tsang mung na hali mitiishong wan nongha, kiimaq takitek ka mitiihang kuqha; Jerusalem ka atiihea mihai wan nong, kiimaq hokham jam ka mitiihea hai nong.

JEREMIA 30:3

Jamkhano ngukla jai maq akhing saüwan raüla Ngi raq isenginok, Israil mungti nai Juda mungti ka tsangshiq hiqchü rachü kiina mitiishongnga wan nongha. Ngi raq tsangshiq ka tsangtitiim ma akuq wanha hiqshong rahai chü mung kiijaq mitsuq wan nongha. Krai mren tsangmung ka tsangshiq raq hali milap wan nong. Arka Ngi, Tatiwe raq ngutiikang.”

JEREMIA 31:23

Tati Ningkun Ajongwe, Israilnok Shiikeawe raq ngutlo, “Ümtiikiiwa Ngi raq mungmaiqse tsangmung niishe mitiishong wanha, tsangshiq raq Juda mung maq nai Juda mung na chela thun kiimaq akha mingu, ‘Tatiwe raq asii Jerusalem hiq lam ka mishman kuq laq, apaiq sichang asii hiqshong ba kra.’

JEREMIA 32:10

Ngi raq kra wakri lakjaq na suhikang. Lata sil maq thangkang. Kiimaq kiimwebi ma hali tiisuhikang. Lata kampho ka tok na shin lata kuq kang.

JEREMIA 32:37

Ngi raq itsankhiq tsi ma nai itsankhiq walüwa hengtsi ma pongmung thun pahea na barapse na nyinshin baiq kang Israilnok ka adam na arjaq hali mitriichom wan nongha. Lata Ngi raq tsangshiq ka arhiq na mishea wan nongha. Lata tsangshiq ka hansang rakhang miishe mitiishong nga wanha.

JEREMIA 33:11

Chojong chise agi asii watrang kiimaq wiinum shewa maiqlam poi polo watrang poi klo she mitai wan nong haü. Ümniiraq nokmaiqse ka I Shomjam na kechutum honglu thun howan raüta kra kewa lam maq ashi ange watrangli she mitai haü. Tsangshiq raq akha mingu, ‘Tati Ningkun Ajongwe ma kechu tum ronglaq, jamkhano ngukla apaiq ka ahea kiimaq apaiq lungwii tsii ka pattup pat-sa thum mak.’ Ngi raq armung ka man na jamkho rongboq sitaq kiikha, arong awin hali mitiija wan nongha. Arka Ngi, Tatiwe raq toqtan tiikang.”

JEREMIA 33:13

Ku akin tonglong wang na chela thun kiijaq, kinji thun na, kiimaq Juda mung maq shemai nü wang binjü kiijaq, kiimaq Benjamin wang thun kiijaq, kiimaq Jerusalem chela tro na maiqhiq shong thun kiijaq, kiimaq Juda mung na chela thun kiijaq, sku rümti kong raq tsangshiq sku sekong kra miwea won wan nong. Arka Ngi, Tatiwe raq ngutiikang.”

JEREMIA 33:26

Krai mren, Ngi raq ara jamkho tiiq wan kang krai mren sii hali, Ngi raq Jakob saüse phan nai ijaqshise Dawit rai tongshong wan kang tri kra phanphan, mithü wanha. Ngi raq Dawit lai ala phan kiiwa maiq weshi kra tsea wan lata, Abraham saüse phan, Isak saüse phan, kiimaq Jakob saüse phan kra peng wan miitu tuwe mishong wanha. Ngi ka isenginok ma tiihang mangchan thü lata misi wanha. Lata tsangshiq ka thongshiri hali arong awinnok ma mitiija wanha.”

JEREMIA 33:7

Ngi raq Juda mungti nai Israil mungti ka rongboq she mitiija wanha. Kiimaq Ngi raq tsangshiq rilung ka man na jamkho arong awin siwantaq kiikhali mitii chhanchhi wan nongha.

Obadia 1:19

“Juda mung wa shemai nüti raq, Edom munghiq jiiwan raüta misiq wan. Shenyap nü wangti kinjiji na shongti raq, Philistainnok hiq mijii wan. Raüta misiq wan. Israilnok riika Ephraimnok wang nai Samaria wang kra, jiiwan raüta misiq wan. Benjamin phan riika Gilead wang kra jii, raüta misiq wan.

Obadia 1:20

Israil mung shekhu nü mungti pongmung na, munglu shumwi asiwati maiqmii mung na mijang wan. Raüta Phonesia wang ka, shekhu nü na Jarephath chela na saüli khat wan raüta mijii wan. Raüta misiq wan. Jerusalemti Sardis mung na munglu shumwi asiwati ka, ajang mirwan. Raüta Juda mung wa shemai nü wang chela thun ka, khat wan raüta mijii wan. Raüta misiq wan.

JEPHANIA 2:7

Juda mungti abung atiichong kriiti riishe, nam mung ka jiiwan raüta misi wan. Tsangshiq raq kiijaq tsang skukong mirüm wan. Raüta Ashkelon chela na jam thun kiijaq mikon. Tatiwe tsang Shiikeawe ka, tsangshiq rai adam sishat miraq. Raüta tsangshiq ka thongshi hali, arong awinnok ma mitiija wan.

JEKERIA 7:7

Ara bomtsi arka Tatiwe raq apaiq shammibi lümaq, man na Jerusalem ka chiithe, kiimaq mungmaiqse raq ama siwantlaq, kiimaq kra chela tro na chela thun niimin, kiimaq shemai nü wang nai shenyap nü wang na mungmaiqse ka pahea siwantaq choji na achong.