JEREMIA 32:2 - ASII LAKDAP Bible (BSI)

² Kra akhing na Bebilon hokhamwe phenlabi raq Jerusalem ka khat wanto. Kiimaq ngi ka hokhamwe jam rung khok na phaqtek mong na riikang.

Hawa Naga Bible 2001

² Kvkaq Babelon hokhvmx waz piq nolaungx bix rueq Yerusalem kuex khvt yaq, ngaz kuex hokhvmx hoc wangx wawc khoktep nuex vshauk gay baunglaung rvtueq.

JEREMIA 32:2 Referencias Cruzadas

2 HOKHVMX 25:1

Jedekia ka Bebilon mung Hokhamwe Nebukadnejar wokhong wa donghoto. Raüta tijong tsiiq wa khiito. Kra ningkhan she Nebukadnejar ka asengi phenlabi wiita sheaho raüta Jerusalem longkai kito. Raüta Jerusalem ka Jedekia raq mung lang wan li maq wiitiikaü she angu na kra rawii wa jipi lüroqshi she angu na kra jipi jiha raroqshi ranaiq na khat pha wanto. Tsangshiq raq Jerusalem trotam na phenlabi piitiip teito. Raüta chela mong na wa chang chela kiitelong ruk tro na hiqphong raüta lam thun pahea tiicho phongto.

NEHEMIA 3:25

Kra jaqtho miika, Ujai se Palal raq tiihea haito. Apaiq riika, khetuk tapshok nong ba kiimaq phawan raüta, lamthaq nüti hokham jam kongmong chong tho na kintsong chang ba keathung kiijaq saüli haito. Kra jaqtho miika, Parosh se Pedaia raq haito. Apaiq riika, tapshoknong ba kiimaq pha wan raüta, Shedong nü siim na Khamrai Kilamchong kra ham wan tlii raüta, Shomjam kheti kintsongti chapchang kongmong chong kra hamli na haito. (Arka chela mong wa maiqhiq bashi, Ophel ngutlaq ba kra nangnga chongtlo. Kiijiika Shomjam na jaqshamti jaqshisetiim sitlo.)

Tvtsvmc 88:8

Ümniiraq ngi ka ikongti ma tiishaübaiqthü laü; ümniiraq ngi ka tsangshiq maklii na maklii jai na tiijangphat tiijabaiqlaü. Ngi ka trotam maq arukbaiq wishe kiimaq ngi ka lunlot mang she;

JEREMIA 32:3

Hokhamwe Jedekia raq ngi ka kiijaq phaqtek na shaqto. Kriika ngi raq nang nga Tatiwe raq akha ngutlo nguta nokmaiqse ma tiitai laü nguta shaqto. Tatiwe bom ka akha, “Ngi raq Bebilon hokhamwe kiima ara chela ara tiikhat lata mitlapha.

JEREMIA 32:8

Kiijiishe, Tatiwe raq ngi ma chongtaq kra tiiphanphan, Hanamel ka kiijaq rungkhok na ngi sichang kiijaq saükito. Raüta ngi nangnga wakphu bashi kra rithü laq nguta chongto. Krai mren, ngi riimin taksaqli she riikang arka Tatiwe riidea ngi miitu tiihong thatlo nguta sapkang.

JEREMIA 33:1

Ngi ka phaqtek rungkhok na sitiikang liipan bala na hali, Tatiwe tsütsa ka ngi phana saüki nongto.

JEREMIA 34:1

Bebilon mungti Hokhamwe Nebukadnejar raq apaiq phenlabi shea raüta, kiimaq awokhong na siti maiq thun ümchuwa sitlaq kriiwa phenlabi thun kra apaiq rai shea raüta, Jerusalem nai kra tho na siti chela thun kra longtlaq akhing na, Tatiwe raq ngi ma chongto.

JEREMIA 36:5

Latiishe ngi raq Barukh ma tsii ka akhiishe chongkuq kang: “Ngi ri Shomjam mong na tiiwa mak she tangta baiqtaq.

JEREMIA 37:15

Krai mren, tsangshiq ka ngi ma kai khiqto. Raüta ngi ka atiitea riito. Kiimaq rung cherewe Jonathan jam khok na tiishaqbaiqto. Apaiq jam ka phaqtek rung ma atiijabaiq wishe riito.

JEREMIA 37:21

Krai mren she, Hokhamwe Jedekia raq ngi ka hokhamwe jam rinkea rungkhok niilishe shaq ronglaq nguta aming kuqto. Ngi ka kiijaq she sikang. Kiimaq ranaiqtek winsii lumchang jam wa ngi ma winsii ka thopshi shi lamkuq wan li li riito. Kriika chela mong wa winsii ka wiita thumli mithum shaq wiiwii kuq wa ruq riito.

JEREMIA 37:4

Ngi ka phaqtek na mishaq shaqli riito. Krai mren, ngi ka mungmaiqse phong na jam tiibanbi ahü maq khumshkhum sitiikang.

JEREMIA 38:13

Raütiishe tsangshiq raq ngi ka khappong mong wa kinphai na tiidong dokuqto. Kra jai maq ngi ka hokhamwe jam rungkhok na shaqto.

JEREMIA 38:6

Krai mren she, tsangshiq raq ngi ka sheahoto. Raüta Hokhamwe se Malchia khappong khamhü mong na raü maq tiisatto. Kra khappong ka hokhamwe rinkea na riito. Kra khappong mong na kham ka ahü riito. Shatmaq boq chumli. Kiimaq ngi ka kra boq chum mong niishe tiinyap baiqto.

Matthew 5:12

Namshiq ka khoqriiq shishiiq miili sironglaq. Jamkhano ngukla namshiq miitu ramungtan na poksi jonghea thütlo. Namshiq ma kongkhu pat wa shammibi min la akhiisii dea tiichamchao wanto.”