JEREMIA 32:15 - ASII LAKDAP Bible (BSI)

¹⁵ Tati Ningkun Ajongwe, Israilnok Shiikeawe raq, jam thun, wak ram thun, kiimaq spiqtsiro thun ka armung arjaq riiri riithii hali mirshata nong nguta chongto.”

Hawa Naga Bible 2001

¹⁵ Tvphaungc Tvsuip Yehowa Israel Tishox rueq yuimx htenc, wuik vnax htenc nuiyc svpiq sunc kuex vruex mungx vyuq ruiyx yek lvp shuinx, ngoz tueq jungx tueq,” ngoz tueq.

JEREMIA 32:15 Referencias Cruzadas

ISAIA 44:26

Shatmaq ümtiikiiwa ijaqshise raq tiithaitlaq; ümtiikiiwa Ngi raq itsa soqtiwe tiikitiikang, lata ikiimung sürii tiikang kra tiichhi kuqtiikang. Ngi raq kra kiimung thun nai riishambom tiithaitlaq thun ka tiikupi tiikang. Ngi raq Jerusalem ma maiq ka kiijaq mishong wan nong nguta chongtiikang, kiimaq Juda mung wa chela thun ka mitiihea hainong nguta. Kra chela thun ka hiqrai ashotbaiq wa midong wan nong.

JEREMIA 30:18

Tatiwe raq ngutlo, “Ngi raq isenginok ka tsang mung na hali mitiishong wan nongha, kiimaq takitek ka mitiihang kuqha; Jerusalem ka atiihea mihai wan nong, kiimaq hokham jam ka mitiihea hai nong.

JEREMIA 31:12

Tsangshiq ka Jajon pum na wa raüta chojong chise miishe mishi nge wan, kiimaq ngi raq kongphiq thun kuq tiikang kra miitu kai mikhoq riiqsiq wan. Raipo wonglo, kiimaq spiqtsi tai nai olip khamtai kongphiq thun; sku kong kiimaq minsaü chhechhi kong kongphiq thun. Tsangshiq ka petsiro kham maq aheawiq nyuktlaq ikha chiithe jong rongboq miraq; tsangshiq ma jamlai wa rong ratlaq wiita kunkun asi miraq.

JEREMIA 31:24

Mung maiqse ka Juda mung niishe mishong nga wan. Kiimaq Juda mung na chela thun kiijaq misi wan. Kiijaq maiq wak sham seati, kiimaq sku kong riimti asi miraq.

JEREMIA 31:5

Thongshi ri hali namshiq raq Samaria kin thun na spiqtsi sonruk michhi han, lanta jurwa spiqro chhitlan, spiqro na atsi dongmantlaq kra miphaqsiq han.

JEREMIA 32:14

“Tati Ningkun Ajongwe, Israilnok Shiikeawe raq, ümniima aming kuqtlo, ümniiraq ara wak phu hiq ri lakjaq kom wiinai ara sil maq khajeti nai khahüti anai wiita kra hamlii tak ashi mong na thiilaq. Arka rawiichii rawii luhea sijai niimin thenki makchang miitu, akha saiqsam chang.

JEREMIA 32:25

Li jiiminla, Tati Rakaü Hiqwe lei, ara chela arka Bebilonnok raq khat raüta ajii wan napnap she taü maq, ümniiraq ngi ma hiqphu ka kiimwebi makki na rilaq nguta aming kuqlaü.”

JEREMIA 32:37

Ngi raq itsankhiq tsi ma nai itsankhiq walüwa hengtsi ma pongmung thun pahea na barapse na nyinshin baiq kang Israilnok ka adam na arjaq hali mitriichom wan nongha. Lata Ngi raq tsangshiq ka arhiq na mishea wan nongha. Lata tsangshiq ka hansang rakhang miishe mitiishong nga wanha.

EJEKIEL 28:26

Tsangshiq ka kiijaq hansang rakhang miishe misi wan. Tsangshiq raq jam awak thun mihai wan. Kiimaq spiqtsi ro kra michhi jang wan. Ngi raq tsang mung tro na siti maiq mung thun raq tsangshiq ka thophi riiqphi haihü wanti thun wiita ma, Ngi raq mo mitiihoha. Kiimaq Israil mung ka khusang rakhang miishe mishong nga wan. Tsangshiq raq Ngi ardea tsangshiq Tatiwe tsangshiq Shiikeawe nguta misap wan.”

JEKERIA 3:10

Kra ranaiq she saü raüla, namshiq ashi maq riita ashi raq, maiqmii jamthaq jamkiqti ka mihea han. Lanta chojong chise maq, kiimaq hansang maq, nam jamkea tro na, spiqro nai phupmupro mong niishe mishong wan han,” nguta Tatiwe raq ngutlo.