JEREMIA 30:3 - ASII LAKDAP Bible (BSI)

³ Jamkhano ngukla jai maq akhing saüwan raüla Ngi raq isenginok, Israil mungti nai Juda mungti ka tsangshiq hiqchü rachü kiina mitiishongnga wan nongha. Ngi raq tsangshiq ka tsangtitiim ma akuq wanha hiqshong rahai chü mung kiijaq mitsuq wan nongha. Krai mren tsangmung ka tsangshiq raq hali milap wan nong. Arka Ngi, Tatiwe raq ngutiikang.”

Hawa Naga Bible 2001

³ yvmx khoc lac ngoz ruiux lec ngvy miqsaz rvtueq Israel nuiyc Yuda kuex tvhvlc httuiz yek vkhing httuiuc wvnc yaq. Ngaz rueq tsuingshiq jix vwaz tamx muex kuq tauk mungtan nuex tsuingshiq kuex shvlx wvnc yek shaungx, tsuingshiq rueq kvruex mungtan kuex lauk shiz guimz yek shuex. Ngaz, Yehowa rueq jungx vshaungx,” ngoz tueq jungx tueq.

JEREMIA 30:3 Referencias Cruzadas

EJRA 3:1

Jipi lümiishe angu na Israilnok ka chela thun na tsangshiq sichang chü thun na, chap nai nga kra tiipha wan wito. Raütiishe tsangshiq tarü kiqshi maq Jerusalem chela na mung thung ngawanto.

EJRA 3:12

Ramwebi phong wa, kiimaq Lewi phan wa, kiimaq maiq aweraü wa siwan tlaq kra thun wa, nyungwe re re angu thun riika, man niiwa, apha shaqshaq ahai wan Shomjam chü tiithen baiq wantaq kriika achhi riito. Kriikha maq, tsangshiq ka ara anye she sürii haiwan nongtlaq ka chhi raüta, tsangshiq ka tiihong raütiishe agi asii wa trang liishe hoq trang wanto. Shatmaq, kiijaq sitlaq mungmaiqse ahinti riika, tsangshiq chochisi tsi ma, arü ariiq watrang liishe siitrang wanto.

EJRA 3:8

Riita ara chongtiikai jaqsham arka, tsangshiqnok ka Jerusalem Shomjam kiijaq saü wan li maq, rawiishi siraüta, wiinai pha wan jipi lünai angu miishe, Shomjam tiihea haiwan jaqsham ara shampha wanto. Ara jaqsham arka Jerubabel raq shea raüta, Joshua, kiimaq maiqmii mungti thun raq, kiimaq ramwebi thun raq, kiimaq Lewinok thun raq, kiimaq lamshi maq liiwan raüla shumwi asi wa, mungmaiqse thun ümchu wa, Jerusalem na jang wantiiti thun kra kunkun miishe, kiqshi maq chaprang raüta, Shomjam ka tiihea haipha wanto. Lewinok phan ngusaq wa, maiq arawii wiiroq nai maiq lo kriima maiqlalati thun raq Shomjam haiwan jaqsham kra liiwan miitu aming kuqto.

Tvtsvmc 126:4

Tati lei, naishiq chiithejong ma tiijakuq nonglaq, shinriiqriiq jükhü thun na rajun kham tiikitlaq ikha.

Tvtsvmc 53:6

Ngi raq kai achu jaütiikang Jajon raq Israilnok rekhat mitiitangkuq laq nguta. Israilnok ka ümtiikiiwa Shiikeawe raq chiithe ma mitiija nong raüla tsangshiq ka pinthum michochi!

JEREMIA 16:15

Kra ngorii na, tsangshiq raq ngi mang chong raüta, ngi ka atra Shiikeawe tsangshiq Israilnok ka shekhu nü mung thun kiiwa riichom wan lata, kiimaq maiq mung thun ahin pahea na tsangshiq ka atiipin baiq wan ha kiiwa riichom wantiwe nguta mingu. Ngi raq tsangshiq ka tsangmung na tsangti tum ma akuq wan ha mung kiina hali mitsuq wan nongha. Arka Ngi, Tatiwe raq ngutiikang.”

JEREMIA 23:5

Tatiwe raq ngutlo, “Ngi raq Dawit saüse phan wa kechu hokhamwe ashi mishongha. Kra hokhamwe raq taksu tsü maq kiimaq tri raü ka riikhaqli sham raüta mung hamli ka aheawiq mipeng wan.

JEREMIA 27:11

Shatmaq ümra mungti wa Bebilon hokhamwe puk na nyap wan tlaq, raüta apaiq wokhong na sitlaq, raüla, kra mungti ka ngi raq tsangshiq maiqmii mung na, mitiishong nga wan ha. Raüta maiqmii wak ajam kra mishamsiq wan. Arka Ngi Tatiwe raq toqtan tiikang.”

JEREMIA 27:22

Kriithun ka Bebilon mung na mitsuq wan. Raüta Ngi raq itsantsii mikuqha shaq wiiwii, kriithun ka kiijiili mitiithü. Kra jai miishetiq Ngi raq kriithun ka ana hali milamho nongha. Lata arjaq hali mitiitsuq hoha. Lata thüchü chang na mitiithüha. Arka Ngi, Tatiwe raq toqtan tiikang.”

JEREMIA 29:10

“Tatiwe raq ngutlo, ‘Ümtiikiiwa namshiq ma Bebilon mung na wiiroq miishi siwan akhing kriishe thumjiiq, raüla, Ngi raq namshiq miitu tsantsii riimtiikang kriishe mitiichhi kuqha. Lata Ngi raq namshiq ka nammung niishe mitiijang shea wanha nguta kiqkham kuqkang kriishe mitiihong kuqha.

JEREMIA 29:14

Kriidea, Ngi raq ngutiikang, namshiq raq Ngi ka mihum han. Kiimaq Ngi raq namshiq ma nam mung ka mijang kuq nongha. Ngi raq namshiq ka maiq mung aweatek wa kiimaq maiqhiq aweatek na, Ngi raq namshiq ka pongmung na, ümchu mung niiwa munglu shumwi kong ma nyinbaiq kang, kra mungthun tlotli wa tsuq wan nong lata, nammung na hali mitiishong wan kang. Arka Ngi, Tatiwe raq toqtan tiikang.’

JEREMIA 3:18

Israil kiimin Juda rai adam na pong wan raütiishe tsangnai ka kongshi miishe shekhu nü mung na munglu shumwi asiwa kiiwa miki raüta, ngi raq namtitiim ma pattup pat-sa miitu tachong hupsam ma akuqha mungtan kiijiishe mijang wan.”

JEREMIA 30:10

“Isenginok lei, naqhai rongkiq; Israilnok lei, naq kiinyii rongkiq. Ngi raq namshiq ka kra luhea mung kiiwa mikhup wongkuq kang, namshiq shumwikong jatlan mung kiiwa. Namshiq ka maiqmii jam na mijang wan nonghan. Namshiq ka hansang she, kiimaq jurmin namshiq ka tiihaichhai mak she miraq. Namshiq ka khu asang miishe misihan,

JEREMIA 30:18

Tatiwe raq ngutlo, “Ngi raq isenginok ka tsang mung na hali mitiishong wan nongha, kiimaq takitek ka mitiihang kuqha; Jerusalem ka atiihea mihai wan nong, kiimaq hokham jam ka mitiihea hai nong.

JEREMIA 30:4

Tatiwe raq Israilnok mungti nai Juda mungti ma akha ngutlo:

JEREMIA 31:16

Naqhoqkiq she tsaq laq, laüta ümmakphai ka tat laq. Ümniiraq ümsetiim miitu ümtinkhan wa jaqshamlaü, kriika atu na mokimak miraq; tsangshiq ka renok mung wa mijang wan.

JEREMIA 31:23

Tati Ningkun Ajongwe, Israilnok Shiikeawe raq ngutlo, “Ümtiikiiwa Ngi raq mungmaiqse tsangmung niishe mitiishong wanha, tsangshiq raq Juda mung maq nai Juda mung na chela thun kiimaq akha mingu, ‘Tatiwe raq asii Jerusalem hiq lam ka mishman kuq laq, apaiq sichang asii hiqshong ba kra.’

JEREMIA 31:27

“Ngi, Tatiwe raq ngutiikang, akhing ashi misaü wan, kra akhing na, Ngi raq Israil mung nai Juda mung ka maiqse maq nai nyamse maq mitiimaha.

JEREMIA 31:31

Tatiwe raq ngutlo, “Akhing ashi saü wantlo, kiitiikaq Ngi raq Israilnok rai nai Juda mungti rai tongshong anye ashi she mishong wanha.

JEREMIA 31:38

“Akhing saü wantlo,” nguta Tatiwe raq ngutlo, “Kra akhing na, Jerusalem ka tlotli she mitiiheahai, Hananel Kongmong Chong maq pha wan raüta Kheshok Kilamchong na saüli.

JEREMIA 32:37

Ngi raq itsankhiq tsi ma nai itsankhiq walüwa hengtsi ma pongmung thun pahea na barapse na nyinshin baiq kang Israilnok ka adam na arjaq hali mitriichom wan nongha. Lata Ngi raq tsangshiq ka arhiq na mishea wan nongha. Lata tsangshiq ka hansang rakhang miishe mitiishong nga wanha.

JEREMIA 32:44

Mung maiqse raq kriithun ka miri wan nong. Raüta asha ari kra lakdap na waiq raüta sil maq mikha wan. Kiimaq kiimwebi raq misuhi wan. Arthun ariirithii wan jaqsham arka Benjamin wang na, Jerusalem tro na hiqshong thun na, Juda mung na chela thun na, kiimaq ku akin tonglong wang chela thun na, kiimaq kinji thun na maiq hiq shong na, kiimaq Juda mung na shemai nü wang binjü na miriirithii wan. Ngi raq mungmaiqse ka tsangshiq hiqshong rahai chü thun kiijaq wiita she mitiishongnga wanha. Arka Ngi, Tatiwe raq, toqtan tiikang.”

JEREMIA 33:26

Krai mren, Ngi raq ara jamkho tiiq wan kang krai mren sii hali, Ngi raq Jakob saüse phan nai ijaqshise Dawit rai tongshong wan kang tri kra phanphan, mithü wanha. Ngi raq Dawit lai ala phan kiiwa maiq weshi kra tsea wan lata, Abraham saüse phan, Isak saüse phan, kiimaq Jakob saüse phan kra peng wan miitu tuwe mishong wanha. Ngi ka isenginok ma tiihang mangchan thü lata misi wanha. Lata tsangshiq ka thongshiri hali arong awinnok ma mitiija wanha.”

JEREMIA 51:60

Ngi raq Bebilon mung ka hiq rai shottlii mithen wan bomtsi tsütsa ka lakdam ashi na waiqkang. Kiimaq kriiwa chan raüta Bebilon khuthaq na abi thun thenjen wan chang bomtsi kriimin waiqkang.

EJEKIEL 20:42

Ümtiikiiwa Ngi raq namshiq ka Israil mung na hali tsuq wan nong tiikang, Ngi raq namtitiim pat na tsangshiq ma mikuqha nguta kiqkham raüpot khakuq wan kang kra mung niishe namshiq ka mitsuq wanha, kiijiishetiq namshiq raq Ngi ardea Tatiwe nguta misap wan han.

EJEKIEL 34:13

Ngi raq tsangshiq ka pongmung thun wa mitsuq wanha, lata adam na mitriichomha. Lata tsangshiq shongchang mung kiijaq mishea wan nongha. Lata Ngi raq tsangshiq ka pum thun kiina kiimaq Israil mung na jüserai setiim kiina misheahoha, lata peohea nyiim lungrü wak ram kiina midungha.

EJEKIEL 36:24

Ngi raq namshiq ka maiq mungtek wa kiimaq maiqhiq tek wa mitsuq wanha. Lata nam mung na hali mitiijang shea wan nongha.

EJEKIEL 47:14

Ngi raq atiitum lata namtitiim ma ara mungtan ara mikuq kang kiimaq armung ka namshiq raq milap han nguta kiq khamkuq kang she. Riita ümchaü sanha ara mung ara namshiq liipan na riingea riingea chhaq maq riichum lanta riiphea ronglaq.

Yoel 3:1

Tatiwe raq ngutlo, ara akhing na ngi raq Juda mungti nai Jerusalem chelati ma, arong awin maq siwan miitu achu mishman kuqha.

JEPHANIA 2:7

Juda mungti abung atiichong kriiti riishe, nam mung ka jiiwan raüta misi wan. Tsangshiq raq kiijaq tsang skukong mirüm wan. Raüta Ashkelon chela na jam thun kiijaq mikon. Tatiwe tsang Shiikeawe ka, tsangshiq rai adam sishat miraq. Raüta tsangshiq ka thongshi hali, arong awinnok ma mitiija wan.

JEPHANIA 3:20

Akhing ka saü wantlo she! Ngi raq ümsengi pongmung na, amo miirai kiiwa, jam niishe mitsuq wanha, Ngi raq ümniika mangjong tlotli na, ajong pinthum she mitiijaha. Lata ümniika thongshiri hali, chiithe jong ma mitiija wanha.” Arka Tatiwe raq ngutlo.

Luke 17:22

Kra ngu raütiishe apaiq raq ajaqshisetiim ma, bom ka akha chongkuqto, “Akhing misaü wan, namshiq raq Maiq Se khushü ngao, achhai anyii liliim wahea la kra liisea ro nguta, namshiq ka mitsin ngin wan han. Shatmaq, namshiq raq chhilu man mirhan.

Luke 19:43

Kriikha maq, ümniima akhing she misaü wan, ümniika ümjaqti raq trotam maq, tangphak she mirukbaiq, kiimaq mitangbaiq. Raüta ümniika chela mong na trotam maq mikombaiq.

Luke 21:6

“Arthun ümchaü namshiq raq chhi tlan arka, akhing ashi saü wan raüjaq, bunlak buncha she mitiibun baiq. Ara jamhai chang longpen diim kaü thun arka, wiita hiq maq hutse botkhulai rai shot tlii mirun baiq.”

TRI CHONGKE 30:3

Tatiwe nam Shiikeawe raq namshiq ka atiihang mirwan. Apaiq raq namshiq ka pong mung thun kriiwa, apaiq raq namshiq wan baiqtaq mung thun kriiwa mitiijang shea wan nong. Raüta apaiq raq namshiq ka chiithe lüwanok miishe mitiija wan nong.

TRI CHONGKE 30:5

Krai mren, namshiq raq namtitiim sichang hiqchü rachü thun kiina hali mishong wan nong han. Kiimaq apaiq raq namshiq ka man na namtitiim pat na siwantaq kriithaq na pinthum chiithejong she mitiijong kuq wan, kiimaq namshiq ka maiq pahea awealot mai raham hiq ham she mitiipu kuq wan.

Hebrews 8:8

Shatmaq, Shiikeawe raq asengi nok khuthaq na atiishut wan bomtsi asi chong tlo chhitiikai. Asii bomtsi na akha bomthü raükha asi, “Jai maq akhing ashi na, Ngi raq Israilnok phan nai Judanok phan rai, tongshong anye miishe kha lata miri ram wan ha.