JEREMIA 30:16 - ASII LAKDAP Bible (BSI)

¹⁶ Shatmaq ümchaü namngam phaqti thun ka tlotli she miphaqbaiq, kiimaq namshiq jaqtibi thun tlotli ka munglu shumwi ma mitsuq wan. Namshiq ka hok maq nishishi tseatatibi ka, maiq raq hok maq nishishi she mitsat wan, kiimaq namshiq tsiiq runtibi tsiiq kriishe mirun wan.

Hawa Naga Bible 2001

¹⁶ Yuq muinz majuiuc, nuimshiq kuiuz phuiuz jix lotlaz kuex vkuiuz phuiuz rvhumc tuex, nuimshiq muex ralx htenc lotlaz kuex wuinz saz ikhoc thuq wvnc rvhumc tuex. Nuimshiq muex tuinghtuing jix lotlaz kuex vtuing vhtuing rvhumc tuex, nuimshiq khvt nyvlc jix kuex vkhvt vnyvlc rvhumc tuex.

JEREMIA 30:16 Referencias Cruzadas

Tvtsvmc 129:5

Jajon chela ngengti wiita rekhat tangmak mirlaq, raüta wiita mitiipin jobaiqlaq.

DUNGWVNC 23:22

Shatmaq ümniiraq apaiq bom tai haüla, laüta Ngi raq aming kuqkang thun kra phan phan klo haüla, Ngi raq ümjaqtinok thun ka wiita mikhat kuqha.

TAKSU LAK 22:23

Tsangshiq kha phoketi ka Tatiwe asi. Raüta tsangshiq tiiphiipjiipti ka, Tatiwe raq mitiiphiipjiip wan.

ISAIA 14:2

Maiq mung thun pahea raq Israilnok ka Tati raq tsangshiq ma akuq tsangmung na laü wan nong miitu mikhrumkuq. Kiimaq kiijaq maiq mung thun pahea raq Israilnok dikong ma ja raüta Israilnok ka mishli wan. Man na junok riiwa Israilnok kra khat raüta ji maq nishishi jamsha wantaq nok thun ka ümchaü Israilnok riishe mijamsha wan.

ISAIA 33:1

Naishiq renok ka miqto she! Tsangshiq raq nanok ka thiimeaq ma jaraüta tekto. Kiimaq nanok ka tiishaübaiqto. Shatmaq tsangshiq ka jurmin tek mak dea. Kiimaq jurmin tiishaübaiq mak dea. Shatmaq tsangshiq raq maiq tektlaq kra nanok tiishaübaiqtlaq akhing ka athum mirki. Tsangshiq maiqmii klishe thiimeaq raq mitek wan. Kiimaq tsangshiq kli she maiq raq mitiishaü baiq.

ISAIA 54:15

Maiq ashi ra raq ümniika khat raüla, kriika Ngi rai riiwaihü maq klotlo; jurwa ümnaq khattlaq kriiti ka adea mirwan.

ISAIA 54:17

Shatmaq jamlai chuntsi nyiimwin riimin ümdü na tiimitsi mak miraq; ümnaq shrati tlotli loweatek ma ümkiq khiichang bom asi miraq. Ngi raq ijaqshisetiim ka mitiichhii wanha, lata tsangshiq ma rekhat ka mitiitangha.” Arka Tatiwe raq ngutlo.

JEREMIA 10:25

Ümtsankhiq ka pongmungti thun ümnaq shomnoq makti thaq na raübaiqlaq. Kiimaq ümnaq shishetinok khuthaq na raükuqlaq. Tsangshiq raq ümsenginok tsatbaiqto; Tsangshiq raq naishiq tiinamtok tiithenbaiqto, raüta naimung ka botkhulai rai shotbaiqto.

JEREMIA 12:14

Tatiwe raq ngutlo, “Ngi raq Israilnok ma siqke binre mungti thun ma, ngi raq Israilnok ma akuqha mung tiithenbaiqtinok ma bom chongke chang asi. Ngi raq kra mung thun wa abi maiqse thun ka, pechong arangchong maq babaiqtlaq ikha mibabaiqha. Lata Ngi raq, Juda mung ka tsangshiq jaqkhon mong wa midokda wanha.

JEREMIA 2:3

Israil lei, ümniika ngi riishe; ümniika ngi rii rahea asii tachong. Ngi raq chamchao nai matdong tiisaükang; ümnaq tiichamchaoti loweatek ma. Arka Ngi, Tatiwe raq ngutiikang.”

JEREMIA 25:12

Kra jai miishetiq Ngi raq Bebilon mungti nai tsang hokhamwe kriishe tsangshiq ngarai tang wantaq kra miitu imo mitiihoha. Ngi raq kra mung ka botkhulai rai pattup pat-sa miitu she mishot baiqha.

JEREMIA 30:15

Namkhum na ami phong sitlaq kra miitu, naq tiibot rongkiq she, namshiq mitsi tiihea chang tsiq ka ahü. Ngi raq namshiq ma akha mo tiihokang, jamkhano ngukla namshiq ngarai ka pahea, kiimaq namshiq raq abi klotlan ka jonghea.

JEREMIA 50:28

(Munglu wansha Bebilon mung wa lun wan raüta aju wanti ka Jerusalem na saüto. Raüta tsangshiq raq nashiq Tatiwe nashiq Shiikeawe raq, Bebilon mungti raq Shomjam ka tiithenbaiq kha na, tsangshiq khuthaq na jamkho phuk lamtaq kra tsütsa ka chonghoto.)

JEREMIA 8:16

Nashiq khatkaiti renok ümchaü Dan chela niishe saüto. Nashiq raq tsangshiq kumrangkong khü thutrang ka taitiikai she. Tsangshiq kumrang kong thun kra hoqtrang raüla ramok rachhai watrang ikha na mung wiita atiikhai banban she tiikhai wantlo. Nashiq jaqtinok ka na mung ara shiithen baiqkai she saükito. Namung na jamlai phan wa sitlaq kra wiita thumthum she mitiithen baiq wan. Nashiq chela thun kiimaq kiijaq siti mungmaiqse thun thum thum she mishthen baiq wan.”

AJONJÜ 1:21

“Ngi hannyi tailaq, ngi khrumti jumin ahüshe. Ümniiraq ngi ma waqkhükham tiinyang laü, irewe thun ka chochikhiq she. Ümniiraq khamkuq laü ranaiq ira tiisaü laq, ijaqtinok kiimin ngi akhiisii michamchao laq.

AJONJÜ 1:22

“Tsangshiq ka tiishutbaiq laq, tsangshiq raq abi klotaq thun kha na, ngi ma mo tiiho laü ikha tiiholaq, tsangshiq ngarai thun miitu mo tiiholaq. Ngi ka chamchao tsi ma hanyitiikang, itsan mong na amitsihea sitiikang.”

EJEKIEL 29:6

Kiijiishetiq Ejip mungti tlotli raq Ngi ardea Tatiwe nguta misap.” Tatiwe raq ngutlo, “Israilnok ka namshiq Ejip mungti raq mitiiwongkuq nguta kamsiqto. Shatmaq namshiq ka nyeakii nintata ikha.

EJEKIEL 35:5

“Ümniika Israil ma miitut wantlii wesang. Kiimaq asenginok ka apaiq then wan ranaiq akhing na, apaiq ngarai khapho atiithum ranaiq na re ma tiijiipbaiq laü.

Yoel 3:8

Ngi raq namsetiim maiqwesere nai jechaksere thun ka, Juda mungti ma mishaphaq ha. Juda mungti raq namsetiim ka luhea Sabeannok ma mishaphaqbaiq. Arka ngi Tati Shiikeawe raq toqtan tiikang.

Mikha 4:11

Maiqmung pahea pong raüta ümnaq khatkai miitu thungto. Tsangshiq raq akha riichong tlo, “Jerusalem ka shiithenbaiq raa dongdii, Jerusalem ka athen kaiwi she michi rong i!”

Mikha 7:10

Kra akhing na najaqtinok, nashiq nangnga, “Nam Tati Shiikeawe ka, ümbano?” nguta slaiti raq, nashiq tiichhii wan ka michhi. Raüta tsangshiq jea mingaü. Nashiq raq tsangshiq ka, re raq atang wan wishe, lam na boq jimaq nibaiq tlaq ikha michhi rong i.

NAHUM 1:8

Apaiq raq ajaqti thun ka, jüchhang wa ikha, wiita tiithum tsat baiqtlo; Apaiq raq apaiq ngengti, maakhobok na tiidea baiqtlo.

HABAKUK 2:16

Ümniika jeasi khatamshi, bu laütiishe misi haü. Ümkhushü jonglu rii na, maiq tho dali she miho haü. Ümjaq na chamchao chekok sham laüta, mibak nyang wan haü. Laüta atiimeshi min lot maü, migamgu wan haü! Tatiwe raq ümnaq tiichamchao chang, chekok mitiinyang wan. Raüta ümkhushü jong ka, jea rai li she mitiiche wan.

JEPHANIA 2:8

Tati Shiikea Ningkun Ajong Pinthum raq ngutlo, “Mob mungti nai Ammon mungti raq, isenginok ka khü atho maq phong raüta, ji maq nishishi shummii wan tlo; tsangshiq hiq shong ka; minyea wan hai nguta, jarap jirap hongla wanto, kra ngi raq taikang she.

JEKERIA 1:14

Kiimaq rase raq, Ningkun Ajong Pinthum Tatiwe raq jamlai bom wa chongtaq, kra ngi nangnga chiiriim laüta chongkuq laq nguta chongto. “Ngi raq ichela asii Jerusalem ka tsan tiitsi lata lungwii tiikang.

JEKERIA 1:15

Kiimaq ngi ka maiq mung thun polokhiq sitlaqti miitu, itsankhiq maimai riimak sitlo. Jamkhano ngukla, ngi raq isenginok ma itsankhiq ka ashkhing lata ninwan kangla, tsangshiq raq isenginok ka pinthum tiichamchao wantlo.

JEKERIA 12:2

“Liirong laq. Ngi raq Jerusalem ka amao chang chekok miishe mitiijaha. Krai mren, apaiq tro na siti maiq mung thun ka che raq chok rai raüta, cheropkong ikha miphetrang wan. Tsangshiq raq Jerusalem chela kra trotam miishe mikom wan. Kiimaq renok raq Juda mung na chela thun kriimin wiitashe trotam maq mikombaiq.

JEKERIA 14:2

Tatiwe raq mangjong hiq na siti maiq mung thun ka Jerusalem khatkai miitu adam na misheaho. Raüta rechap ka misürii wan. Jerusalem ka re raq khat raüta mitang wan. Nokmaiqse jam awak thun ka wiita mirut wan. Jechakre ka re raq mihaihiibaiq. Kra chelati khoko ka pongmung niishe munglu shumwi ma mitsuq wan. Shatmaq kiiwa abung akhii tiichong tlaq thun ka munglu shumwi miika tsuq wan mak miraq.

JEKERIA 2:12

Thongshiri hali Juda mungti ka Tatiwe ma apaiq asii hiqshong na tsiiqchong nyamchong ma mija wan. Kiimaq Jerusalem ka wiitarü thaq na apaiq tsantsii ranphan chang chela miishe mija wan.

JEKERIA 2:8

Ju riiwa namshiq dü na jaq miiq tlaq, kriiti riika ngi raq pinthum lungwii tiikangti ka ajaqkaiq maq shamtlo ngushat.” Kriikha na Tati Ningkun Ajong Pinthumwe raq asengi Israil khatti ma, ngi ka tsütsa bomtsi ara tiichongkai tiikito.

TRI CHONGKE 30:7

Apaiq raq arthun manson arka ümjaqtinok khuthaq niishe, ümnaq ngengtibi kiimaq ümniika ji maq nishishi haihii wantinok khuthaq niishe mitiisaü wan.

Revelation 13:10

Juwa re raq lap chang, kriika kamto milap wan dongdii; juwa atseabaiq chang; kriiti ka nepja thaq maq tengteng mitsai dongdii. Arka Shiikeawe sengi raq, anin chang raüta kamtsantsii pharangrang maq si miitu tsii chongtlo.”

1 SAMUEL 17:53

Riita, Israilnok ka Philistannok jowan rü maq, jai jang niishe, tsangshiqnok piitiip ka wiita run wan raüta wawanto.