JEREMIA 30:13 - ASII LAKDAP Bible (BSI)

¹³ Namshiq shiiliti maiq ka jumin ahü she; namkhum wa amitsam thun ka phum chang tsiq ahü, namtsi ka ahea miraq nguta tiima kamchang ahü she.

Hawa Naga Bible 2001

¹³ Nuimshiq muex tvkhup wungx kuy jix vshiz muinz vguez, nuimshiq mac vtsac kuex phemc juing phumz vguez, nuimshiq tvkoc tvhvlc kuy jix kuex thuinz tvluimc juing vguez.

JEREMIA 30:13 Referencias Cruzadas

YOBA 34:29

Kiimaq Shiikeawe riishe brorii mang nguta thapthi hotaq jiika, juro apaiq ka mithuchopki lot.

YOBA 5:18

Shiikeawe raq apaiq raq atiimi ka ajop riikuq tlo; ajaq miili ümkhum na tiimi tsi tlo, kiimaq ajaq miili ümmitsi ka mitiihea kuq nong.

Tvtsvmc 106:23

Ümtiikiiwa Shiikeawe raq asenginok mijiipbaiqha nguta chongtaq, apaiq raq atsea raüta ashong ajaqshi se Mosheq raq Shiikeawe ka tiiwinhoto, raüta tsangshiq shiithenbaiq chang atsankhiq ka tiishibaiqto.

Tvtsvmc 142:4

Ngi raq ngi tro na liikangla, ngi khrumketi ka jumin ahü chhimang, ngi tiiwongketi ka jumin ahü. Ngi liiketi ka jumin ahü.

DUNGWVNC 15:26

Apaiq raq nguto, “Namshiq raq ibom ka kunli phaqchii nichii maq tai hanla, lanta Ngi raq jamlaiwa riikhaqli nguta thapthi tiikang kra klo hanla, kiimaq Ngi raq akuqha aming thun ka wiita lang hanla, Ngi raq namshiq ma mo ka tiiho mang mirha, Ejip mung khuthaq na thadong tiisaü kaü thun ka, namshiq khuthaq na ashi ra dongdii min tiisaü mang mirha. Ngi ka Tatiwe, namshiq thatsi tiiheaketi.”

ISAIA 1:6

Ümkhum ka ümkhupo maq riitea ümhokphi wiinai na saüli ka ami atsi ahü ahea ka bashi min tammak she. Ümkhum tlotli ka sintsang maq atsatrat mopung phongli she, kiimaq ami atsi atsam phongli she, kiimaq ümkhum na ami phong kriika anü tiiki raqraq lishe. Ümdü na ami thun kriika kham maq hetse hü. Kiimaq khea maq min jopkehü. Kriithun niika tsiq miimin juthü.

ISAIA 59:16

Apaiq ka awang raütli sitlo, jamkhano ngukla maiqse liipan na ji maq nishishi tiichamchaotlaq kra khrumketi maiq ahü. Kra ningkhan she apaiq raq apaiq ningkun kriishe milang. Raüta tsangshiq ka mitiichhiikuq kiimaq rekhat ka mitang wan.

JEREMIA 14:19

Tatiwe, riita ümniiraq Juda mung ka tiishaübaiqtlii dea shea tiishaübaiqlaü? Ümniiraq Jajon chelati ka shukhiq dea shea shuho laü? Ümniiraq naishiq ka tiinamtok langlang jam nguto tiiqbaiq laü? naishiq motsi ka ahea min healot mak she? Naishiq raq hansang singa miitu rit tiikai, shatmaq jamlai min ahea saümak; naishiq raq mung atsing mirwan ahiq nguta ran tiikai, shatmaq phiiptsi chang rahai kli saü wan ruqruq.

JEREMIA 17:14

Tatiwe ngi tsi ara tiihealaq. Raüla phintsaqtsaq she miheakiha. Ngi tiiwong kuqlaq. Raüla ngi ka minhap tiichhiije she miraq. Ngi raq ümniikli tiitsam tiikang!

JEREMIA 30:17

Ngi raq namkhum ka atiihea mirkuq nongha, Ngi raq namkhum wa mopung thun kra atiihea mirha, namjaqtinok riikla, ‘Jajon ka miimbaiqto she; jurmin kriinyung shiiliti ka ahü she,’ nguta ngutlo. Arka Ngi, Tatiwe raq toqtan tiikang.”

JEREMIA 33:6

Shatmaq Ngi raq ara chela tsisitlaq kra nai ara chelati mungmaiqse tsisitlaq thun ka atiihea mirkuqha. Lata tsangshiq ka man na jamkho hansang sitaq kiikha khusang miishe mirüm wanha. Ngi raq tsangshiq ka khusang rakhang maq nai kiimaq kiqkap jaqshap miishe mirüm wanha.

JEREMIA 46:11

Ejip mungti lei, Gilead wang na warong laq, lanta phum ka rit wa rongkiq! Namshiq phum thun ka jamtai mak thiihü; namkhum ka jamlai riimin healot mak she.

JEREMIA 6:7

Khappong chum raq akham ka khangriri hea thütlaq ikha, Jerusalem riimin abi kiimung ka anye siisaq thütlo. Ngi raq chela mong na jasam piqsii trang nai athen wan trang taitiikang. Atsi asi kiimaq ami atsi tam tong long kli ngi raq chhi tiikang.

JEREMIA 8:22

Gilead wang na tsiq ka ahü shea? Kiijaq tsiqtoqti phumshra ka ahü ahü shea? Ikhiijiika isenginok tsisi ka jamto tiiheakuq mak?

AJONJÜ 2:13

Itsan imong tsi chang Jerusalem lei, ngi raq ümniima jamlai wa michongha? Ngi raq ümniika jamkho mitiijaiq ha? Ümnaq chamchao akhiika, jumin chamchao mak dea. Ümnaq chamchao arka, sammoktra chum jong ikha jonghea, aran phan chang ahü she.

EJEKIEL 22:30

Ngi raq maiq weshi ra raq khetuk tiisiiq wantaq kra tiiheati rit tiikang. Khetuk tlin kitaq ba thun kiijaq chap raüta, mung ka itsankhiq walü raq tiithen baiq wan chang wa tiikhup wongkuq raüjaq ahea riichang nguta liisiq tiikang. Shatmaq Ngi raq maiq weshi ra min hum mang.

EJEKIEL 30:21

“Maiqse lei, Ngi raq Ejip mung hokhamwe jaq phum ka tiingoq bukbaiq kang she. Jurmin kra khea maq jop kuq mak dea riimakla jaqlo atsi tiihea miitu pekho maq chüp raüta jopmak dea. Krai mren, thongshi ri nepja shamlotli chang ka riimak.

Hosea 14:4

Tatiwe raq ngutlo, “Isenginok iwura maq mitiihamha, Tsan nai mongjii kuq lata, tsangshiq milungwii nongha. Tsankhiq walü thumto she. Tsangshiq khu min liiqkang she.

Hosea 6:1

Mungmaiqse raq ngutlo, “Ai warong ra nashiq Tati wokhong na, jang wan nong rong i! Apaiq raq nashiq ma mo tiihoto, na mitsi apaiq raq miphumkuq. Apaiq raq nashiq ma mo tsihea tiihoto, apaiq raq nashiq mi ka mijop kuq, riimaksha?

NAHUM 3:19

Ümmi phum chang tsiq ahü she, kiimaq ümmitsi hea lot mak. Ümnaq then wan tsütsa taitibi, chochi raüta jaqphi phoktlo. Jamkhano ngu raüla, ümniiraq abi kiimung wan kra, riihum wan makti maiq asi shea?

TRI CHONGKE 32:39

“ ‘Ngi, kiimaq Ngi arli dongdii Shiikeawe ka; laihin phra ka riikhaqli shiikea riimak. Ngi raq atsea riibaiq tiikang, kiimaq Ngi raq tsitsü kuqtiikang, kiimaq Ngi raq tiisho tiikang kiimaq Ngi raq ami ka tiihea kuqtiikang, kiimaq Ngi raq jamlai wa shamtiikang kra tangtati ka jumin ahü.

1 Peter 2:24

Khristo raq nashiq ngarai ka apaiq khum na howan raüta, pumsongkham na tübaiqto. Arka nashiq ka ngarai na tsaikai miitu. Laita nashiq ka kechu miitu lishe atra siwan miitu tsaito. Nashiq thatsi ka apaiq mopung mithun maq tiiheakuqto she.

1 John 2:1

I setiim lei, ngi raq ara namshiq ma waiq tiikang. Arka namshiq ngarai na dea man chang miitu waiq tiikang. Shatmaq ashi ra ka ngarai na chhan wa raüla, nashiq kha phoketi we weshi asi. Nashiq kha phoketi we ka tingting phowe Jesuq Khristo, Awe Shiikeawe man na nga raüta nashiq kha phokuq tlo.