JEREMIA 3:21 - ASII LAKDAP Bible (BSI)

²¹ Hiqlam thun thaq na maiqho maiqsii tiitaitlo: kriika Israilnok hoqtrangtlo, kiimaq tiipaiqnea trangtlo, jamkhano ngukla tsangshiq ka ngarai maaho raütli siwanto, raüta tsangshiq Tatiwe Shiikeawe ka laqbaiqto.

Hawa Naga Bible 2001

²¹ Kankhux poz htenc nuex tvruingc vshiz kvtay yaq: kvruex kuex Israel miqsaz khoarsez vtueq tvtay yaq yvmx khoc lac ngoz ruiux lec tsuingshiq kuex mvrax nuex httax vtueq tsuingshiq Tishox Yehowa kuex lauk gay ningkhvnc nuex rvtueq.

JEREMIA 3:21 Referencias Cruzadas

YOBA 33:27

Apaiq raq nokwe man na michong, “Ngi raq ngarai tangkang dea. Ngi raq riikhaqli sham mang dea, shatmaq Shiikeawe raq ngi ka tiihang kuqto.

TAKSU LAK 10:9

Tingting maq siti ka khup wong shat, ahaisong chang ahü. Shatmaq ajiq aphiq kloti ka, maiqmii thiikho niili midea wa.

TAKSU LAK 19:3

Nali jiq rai nali khiq rai; Tatiwe mang jaram chong wa?

ISAIA 15:2

Dibon chelati ka hiq lam thaq kiina sumla noqchang asi hiqba kiijaq maaho wa wawanto. Mob mungti ka Nebo chela nai Medeba chela thentaq kra miitu majo agi lülü hoqsiq trangtlo. Tsangshiq tsanbi hositsi ma maajo tsang khu thun ka loktam sibaiqto. Kiimaq tsang nübin kiimin maajo tsanbi tsi ma sibaiqto.

ISAIA 17:10

Israil lei, ümniiraq Shiikeawe, ümnaq khup wongketiwe, longkaü jonghea kaü wokhong na atiipaüwa ikha, ümnaq khup wongketiwe ka laqbaiq laü she. Apaiq shomnoq wan rii na, ümniiriika asii sonruk setiim she klo wan laü. Laüta kiijaq pongmungti sumla phra kriishe shomnoq tlaü.

ISAIA 57:11

Tatiwe raq ngutlo, “Ara sumla phra kong, namshiq tiihai songti thun arka juwa? Kra hairai lanta namshiq raq Ngi ma arot akiq bom chongtlan. Lanta namshiq raq Ngi ka laqtang she laqbaiqlan? Namshiq raq Ngi ka atinkhan kaiqshakshak maq sirai wan phata, namshiq raq Ngi shreng wan ka alaq she riibaiqlan nya?

JEREMIA 12:12

Rumnyangkhi kumtsaiphii thun kra hamli na, rekong tsiiqtum thun tsoqsea kai kito. Ngi raq armung ka tiithumpak khatkai re tiikikang; jumin hansang maq silot mak she.

JEREMIA 13:25

Apaiq raq chongto she. Arka namshiq kharii dongdii she. Apaiq raq namshiq ka akha tiichamchao wan chang dongdii nguta kha atan wan kun she. Jamkhano ngukla namshiq raq apaiq ka laqbaiq lan. Lantea arot phra thun kiimiishe namshiq kamtsantsii ka thü wan lan.

JEREMIA 18:15

Kiikha taü maq isenginok raq ngi ka laqbaiqto; tsangshiq raq sumla phra kong ma homseng chaq raüta noqtlo. Tsangshiq khumchang lamphan tsin mak atiithap küraito; tsangshiq raq lamchu khiiphan thun ka khummak she tsaqkito. Tsangshiq ka miithii shonghü lamjiq nü na kihoto.

JEREMIA 2:32

Junrii nyung ashi raq laktum longseng maq ashaü kra milaqbaiq shea? Riimakla junrii nyung ajunwa akhing na ariihun miirii ka milaqbaiqlot shea? Shatmaq isenginok raq Ngi ka rahiq pahea awealot mai chang khan laqbaiqto.

JEREMIA 3:2

Liilaq! hiilam hiqpot thun kiijaq. Ümniika mephe-nyung ma jalaüta nga wan maü dea hiq ba ka asi shea? Arabnok raq rumnyangkhi kumtsaiphii bin jü maq maiq wanhiq khumti kra tek ma khetlaq ikha, ümniiriimin tungkii lamkii thun kiimaq ngalaüta ümkongtiwetiim khe tlaü kata. Ümniiraq ümsethoq ja maq mung ka tiisheshi baiqlaü she.

JEREMIA 31:9

Isenginok ka aho anyi mijang wan, Ngi raq tsangshiq tsuq wan tiikang krai mren, tsangshiq ka achujaü lam maq milaü wan. Ngi raq tsangshiq ka khamserai setiim kiina mishea wanha, tsangshiq kiilii mak chang lam nyeadang dang lam maq mishea wanha. Ngi ka Israilnok ma awe jong ikha, kiimaq Ephraim ka ise chhikhu we.”

JEREMIA 7:29

“Maaho maanyi hotrang ronglaq, Jerusalem lei; namkhudap ka tap lantea baiq ronglaq. Hiqlam thaq thun na majo shinge ronglaq, jamkhano ngukla, Ngi namshiq Tatiwe ka tsankhiq, krai mren isenginok ka tiishaübaiq kang she.

EJEKIEL 23:35

Riita ümchaü, Tati Rakaü Hiqwe raq akha ngutlo: “Ümniika iwokhong wa dongho laüta, Ngi ka laqbaiq laü kiimaq jainong maq shungthü laüta sethoq jatlaü kiimaq mephe jatlaü kra khaniishe ümniika michamchao haü.”

EJEKIEL 7:16

Maiq wiijamti ka jükhü hiq wiibok wa maiq raq haütaü kong tiihang raüjaq pin wantlaq ikha pum thun kiina tsang chiim jin mipin trang. Tsangshiq wiita raq maiqmii ngarai miitu maaho manyi, ahan anyi miraq.

Hosea 13:6

Tsangshiq hiqpo hiqwin mung niishe saüto. Tsangshiq wok phetaktak she riito. Awintsi ma ashkong she riikito. Tsangshiq raq ngi alaqshe riibaiqto.

Hosea 8:14

Israilnok raq tsangshiq sichang jam ka, hokham jamkaütiim ikha hai wanto. Shatmaq tsangshiq Phansangtiwe ka laqbaiqto. Juda mung raq chela thun tei wanto. Chiqse rewe tiiwong ma, chela tro tam maq kiitelong rukto. Shatmaq ngi raq wa maq michaq baiqha. Tsangshiq hokham jam thun wiita, tsangshiq chela thun butja,” nguta Tatiwe raq ngutlo.

Mikha 3:9

Jakob jamti tuwebi nai, Israilnok aki shillangbi lei, tai ronglaq, ngi chongpha, tingting tri shisheti, ajiq ka alam ma tiijatibi, alam nang ka ajiq ngu.

WEAWEA 22:32

Rase raq apaiq ma akhiishe shiitepto, “Ümniiraq üm kumtoq kaü ka jangtsam jam nguto tsat laü? Ngi ka ümlam tangbaiq kai akiha. Jamkhano ngukla ümniika ana kimaü chang kitlaü.

2 Corinthians 7:10

Ara jamkhano chongtiikang ngukla, namshiq tsanbi ka, Shiikeawe raq namshiq tsantsii klai wan lam nü niishe wiiqkuqto. Kra klai tsantsii lümiishe, namshiq raq tiichhii wan rilung ka lap wan lan. Riita kra jiika jam tiishudaq wan chang min ahü! Shatmaq, han-ngam tsantsii lamlam maq tsanbi tlaq kra riika, namshiq atiitsai mirwan.