JEREMIA 3:19 - ASII LAKDAP Bible (BSI)

¹⁹ Tatiwe raq ngutlo, “Israil lei ngi raq ümniika ise ma tiija wan tiima kang, kiimaq ümniima peohea mung kewan tiima kang, mangjong tlotli na pinthum hiqhea. Ümniiraq ngi ka iwe nguta hea wanlaq nguta thapthi wan kang, krai mren ümniika iwokhong wa ümtiikiimin dongho maimak she.

Hawa Naga Bible 2001

¹⁹ Yehowa rueq, “Israel lex, mnoz kuex isaz ikhoc muex tvyaungc vtueq vlenc lauk svy juing mungx, mungkawx nuex vsvp pinhtumc mungtan kuex kuy tvkoc ngaz rueq roc vshaungx. Mnoz rueq ngaz kuex vwaz ngoz tueq gvl ruiux ngaz kox maq mkaq muinz kaz wvnc yek muq tvkoc roc vshaungx.

JEREMIA 3:19 Referencias Cruzadas

Tvtsvmc 106:24

Raütiishe tsangshiq raq hiqpo hiqwin mung ka shipoq wanto, jamto ngukla tsangshiq raq Shiikeawe kiqkham ma kammak riito.

Tvtsvmc 16:6

Ümniiraq ngi ma kongphiq kuqtlaü thun ka pinthum awang chang!

Tvtsvmc 89:26

Apaiq raq ngi ma akha mingu, ‘Ümniika iwe kiimaq i Shiikeawe; ümniika ngi khupwongti kiimaq ngi chhiiti.’

TAKSU LAK 3:35

Taksu maiqse riika, shreng manto milap. Shatmaq angi nolati riika, shummii thoda kli mihophaq.

ISAIA 63:16

Ümniika naishiq ma awe jong. Naititiim Abraham nai Jakob raq naishiq mang ka sap mak. Shatmaq, ümniika naishiq Tatiwe ka, naishiq ma awe, naishiq ka wranaiqshe tiikhup wongke wantiwe.

ISAIA 64:8

Shatmaq Tatiwe lei, ümniika naishiq ma awe. Naishiq ka hamlii da; ümniika takloti ikha. Ümniika naishiq phansangti.

JEREMIA 12:10

Pong mungti hokhambi pahea wa raüta ispiq ro ka tiithen baiqto; tsangshiq raq iwak thun ji maq nibaiqto; tsangshiq raq imung tsomhea ka rumnyangkhi kumtsaiphii ma tiijabaiqto.

JEREMIA 3:17

Ümtiikiiwa kra akhing she saüwajiiq, Jerusalem ka, ‘Tatiwe Ngachang Hokham Chaoki’ ngutiishe mingu. Kiimaq maiq phan thun wiita Jerusalem na riitam raüta, ngi mishomnoq. Tsangshiq tiima tsantsii wanshakshak nilan sitlaq kra kiimaq tsangshiq tsan mong na abi ati tiima sitlaq thun kriiraq tsangshiq ma jamlai bom wa thaütlaq kriika klomak she miraq.

JEREMIA 3:4

“Riita ümchaütiq shea ümniiraq ngi nangnga, ‘Ümniika iwe. Ümniiraq ngi ka noseji miiphü lungwii laü.

JEREMIA 31:20

“Israil lei, ümniika ise ngi raq pinthum mangchan tiikang. Ümtiikiiwa Ngi raq ümmang chong tiikang, Ngi raq ümniika lungwiikhiq maq tiimasiq tiikang. Imongjii ka ümnaq miili rantlo; Ngi raq ümniika mitiihangha.

JEREMIA 31:9

Isenginok ka aho anyi mijang wan, Ngi raq tsangshiq tsuq wan tiikang krai mren, tsangshiq ka achujaü lam maq milaü wan. Ngi raq tsangshiq ka khamserai setiim kiina mishea wanha, tsangshiq kiilii mak chang lam nyeadang dang lam maq mishea wanha. Ngi ka Israilnok ma awe jong ikha, kiimaq Ephraim ka ise chhikhu we.”

JEREMIA 33:9

Jerusalem ka Ngi ma chochi raikuk, khushü tiijongti, kiimaq imangchong tiijongti she miraq. Mangjong hiq na siti maiq mung thun pahea raq atiikhai rokrok raüta mishreng wan. Jamkhano ngukla, Ngi raq Jerusalem chelati miitu ümtinkhan wa athuk atsom jaqsham kuq wan tiikang kiimaq Ngi raq chelati miitu ümtin khan wa achi achet chiithe liiwa tiijakuq wan tiikang kra tsütsa ka tsangshiq raq mitai wan.”

JEREMIA 5:7

Tatiwe raq waito, “Ngi raq isenginok ngarai ka jam nguto midiikuqha? Tsangshiq raq ngi miimbaiqto. Raüta phra thun, riikhaqli tisho riimak kra shomnoq wanto. Ngi raq isenginok ka wok phetaktak dunghiq wan kang. Shatmaq tsangshiq raq sethoq ngarai tangto. Raüta tsangshiq akhing ka mephe nyungre rai siwanto.

EJEKIEL 20:6

Kra akhing na, Ngi raq tsangshiq ma tsangshiq ka Ejip mung wa ashea mirwanha. Lata Ngi raq tingsang atsea arwanha hiqpo hiqwin mungtan ashi, mangjong tlot li na ahea pinthum mung kiijaq mishea wanha nguta ikiq khamkuq kang.

DANIEL 11:16

Kra akhing na Siria mung wa aki nolawe raq tsangshiq khuthaq na jamlai klo wa rotlaq kra phanphan hok maq nishishi li she mishthen baiq wan. Apaiq tangtati ka jumin ahü she miraq. Apaiq ka Kiq Akhamkuq Mung kiijaq michap. Raüta kra mung ka ajaqkhon mong niishe mithü wan.

DANIEL 11:41

Kiimaq apaiq raq Shiikeawe Kiqkham Mung kriimin mikhat wan. Raüta maiq ka ahing amun mijiip baiq wan. Shatmaq Edom mungti, Mob mungti, kiimaq Ammon mungti rejaqsong atiichong thun ka, ara re wa jaq mong wa mitiichhii wan.

DANIEL 11:45

Kiimaq apaiq raq apaiq hokham tombutiip thun jonghea ka khamjong raikii nai Shomjam haichang hiqlam liipan na mihai. Shatmaq apaiq ka re na mitsai. Apaiq khrumti maiq ka jumin ahü she miraq.”

DANIEL 8:9

Ara rongblai phong arwa, arong ashi thaq kiijaq, rongranse ashi she cham wan nongto. Kra rongkaüti ningkun ka shemai nünü kiina, kiimaq shedong nünü kiina, kiimaq Kiq Akhamkuq Mungtan nünü kiina khat wan raüta jiiwanto.

Hosea 11:8

“Ngi raq jamkho mimiimbaiq ha, O Ephraim lei? Ngi raq ümniika re jaq na jamkho mithaq baiq ha, O, Israilnok lei? Adma chela shiithen baiq kang ikha, namshiq jamkho mishthen ha? Jeboiim chela shiithen baiq kang ikha, namshiq ka jamkho mishthen baiq ha? Itsan mong na tsihea namshiq miitu! Namshiq ma ngi mangchan tsihea!

Galatians 3:26

Riita, ümchaü sanha, namshiq tarü ka Shiikeawe setiim siisaq she jawan lan. Arka, Jesuq Khristo ma kamtsantsii thü tlan kra lümaq tiija wanto.

Ephesians 1:5

Shiikeawe raq kongkhu miiphü, Jesuq Khristo pum na, nashiq ka asetiim ma tiija wan ma nguta, bom ka ashat wan wishe dongdii. Riita, ara bomtsi shatthü wantaq arka, apaiq tsan mong na chojong chise nai shonron khiq maq thimi wanto.

TRI CHONGKE 14:1

Mosheq raq Israilnok ma nguto, “Namshiq ka Tatiwe namshiq Shiikeawe senginok. Kra ningkhan pongnok phan maiqse raq maaho majütlaq akhing na tsangshiq khum na tiimi hantlaq ikha kiimaq tsangshiq khakam wa khubin ka sibaiqtlaq ikha namshiq riika namkhum naq tiimihan rongkiq kiimaq nam khakam wa khubin ka naq sibaiq rongkiq.

Hebrews 10:39

Shatmaq, nashiq ka jai na janghoti, raüta tsailam phanhoti ka riimai. Shatmaq, kamtsantsii rümti setiim nguta sitiikai. Kiimaq, Shiikeawe ma kamtiikai. Krai mren, nashiq ka apaiq raq tiikhup wongkuq shat maq sitiikai.

1 Peter 1:17

Namshiq raq achu jaü tlan na Shiikeawe nangnga, “I We lei,” nguta riibom tlan. Apaiq raq maiqse angu wiitarü ma, mren mra maq shin kuq tlo. Maiqse pum loweatek raq, maiqmii raq jaq maq jamkho Shiikeawe lamphan ka shiithuk rai tlaq, kra tiiphanphan phokuq tlo. Arkha maq, namshiq ka mangjong hiq na ümchu ranaiq wa sithü tlan, kra liipan na Shiikeawe ma haisong tsantsii rümshat maq shonga lanta sironglaq.