JEREMIA 3:15 - ASII LAKDAP Bible (BSI)

¹⁵ Lata ngi raq namshiq pengti welabi ibom taiti mishong wanha. Kiimaq tsangshiq raq namshiq ka taksu tsü maq nai lungwii tsantsii miishe mipeng wan.

Hawa Naga Bible 2001

¹⁵ Ngvy kvjaz tay jix kuex nuimshiq guimz lawc muex kuq phaungx, tsuingshiq rueq nuimshiq kuex taksux nuiyc tuiuz tay yaq maq guimz lawc kv-phuinx.

JEREMIA 3:15 Referencias Cruzadas

TAKSU LAK 10:21

Kechu maiqse bomtsi ka, maiq pahea ma achu shiiman asi. Shatmaq angi nolati ka, maiqmii bom miili khlaqtlo.

JEREMIA 23:4

Ngi raq tsangshiq rümti mungtubi she mishong wan ha. Isenginok ka ahai asong ahü she miraq. Riimakla tsangshiq ka kiinyii mak she miraq. Kiimaq Ngi raq tsangshiq ka thongshi sintsang maq tsat kinong mang she mirha. Arka Ngi, Tatiwe raq toqtan tiikang.”

JEREMIA 31:10

Tatiwe raq ngutlo, “Maiq mung thun lei ibom tai rong laq, lanta ibomtsi ka khamjong chumkii thun luhea na, chiiriim lanta chongkuq ronglaq. Ngi raq isenginok ka pongmung na nyinbaiq kang; shatmaq Ngi raq tsangshiq ka mirchom wanha, lata sku riimti raq skukong riimtlaq ikha mikhebomha.

EJEKIEL 34:2

“Maiqse lei, Israil mung rümti tuwebi ka tiinamtok tamlaq. Tsangshiq ma riisham bom maq tiithailaq. Tsangshiq ma, Ngi, Tati Rakaü Hiqwe raq jamlai mra wa tiiho tiikang kra chongkuqlaq: Namshiq ka miqlan she. Israil mung pengti sku rümtibi namshiq ka thenlan she! Namshiq raq maiqmii wokpo kli tiipaotlan. Skusekong ka shiili man.

EJEKIEL 34:23

Ngi raq tsangshiq ma ijaqshise Dawit ikha hokhamwe ashi mishong wanha. Kriiwe raq tsangshiq ka mirüm wan. Kiimaq apaiq raq tsangshiq ka aheawiq maq mirümkom wan.

EJEKIEL 37:24

Hokham weshi, ijaqshise Dawit ikha kra tsang hokhamwe miraq. Tsangshiq wiita ka hokham weshi wokhong na adam niishe misi wan. Raüta i thungtri raütu ka tsapkapkap maq milang wan.

Luke 12:42

Kiijiishe, Tatiwe raq treto, “Ngi chongpha, maiqshaq nai setsii jaqshi ka akha miraq. Apaiq miika atijong we raq, apaiq wanhiq kaiho ma ajam ka mitiikhethü. Atijongwe raq apaiq ma ajaqshisetiim abi sitlaq kiima tü adung ka akhing khaqkhaq na tiiphaq siq laq nguta michong thü.

Acts 20:28

Riita ara chongkuq tiikang arai mren, namshiq raq maiqmii wenyi khum ka tiikhup wong wan shatmaq shongnga rong laq. Kiimaq Asii Wenyi raq namshiq jaqkhong na skuse kong ümchuwa trüm tlaq, kra thun ka samhea wiq maq rümkom ronglaq. Namshiq raq tsapkapkap maq Shiikeawe phungtu kra shiikum pan ronglaq. Phungtu ka Shiikeawe Se tsaitaq kra lümaq Shiikeawe rii she nguta tiija wanto.

1 Corinthians 2:6

Li jiimin, ngi raq taksma phaqchi tsütsa ka kamasham na maiqlati ma min phanchan kuq wan tiikang dea na. Shatmaq tiina ara chongtiikang taksma phaqchi arka mangjong hiq wa phaqchi ka riimak. Kiimaq ara mangjong hiq langti ningkun miimin riimak: Ara ningkun thun arka ajom wan miiqshmiiq sitlo.

1 Peter 2:2

Kiimaq rawü chhi nye noshiisetiim ikha, wranaiqshe asii chiisan kamasham nyakpü, asii bomtsi kra nyang wan roli she, namtsan mong na kham-nyang tiitsi lanta sirong laq. Akha nyang lanta sihan jiila, namshiq khum ka ahea wiq maq mijong luwan. Kiimaq namkhum ka mitiichhii wan lot.

1 SAMUEL 13:14

Shatmaq ümchaü sanha, ümniika Israil mung na hokham jaqsham ka shamlu maü she mirhaü. Jamkhano ngukla, ümniiraq apaiq aming jin laü. Ümchaü sanha Tatiwe raq apaiq raq lungwii tlaq, kra phan phan apaiq bomtaiti maiq ahinti weshi she mitsea. Raüta kriiwe kriishe asenginok pengti ma mishong wan.”